‘Bigg Boss’ಗೆ ಕಿಚ್ಚ ಗುಡ್‌ ಬೈ? ಮೂವ್ ಆನ್ ಆಗಬೇಕು ಎಂದಿದ್ಯಾಕೆ? Sudeep ಮಾತಿನ ಮರ್ಮ ಇದೇನಾ?

‘Bigg Boss’ಗೆ ಕಿಚ್ಚ ಗುಡ್‌ ಬೈ? ಮೂವ್ ಆನ್ ಆಗಬೇಕು ಎಂದಿದ್ಯಾಕೆ? Sudeep ಮಾತಿನ ಮರ್ಮ ಇದೇನಾ?

‘ಬಿಗ್ ಬಾಸ್ ಕನ್ನಡ 1’ ಕಾರ್ಯಕ್ರಮ ಶುರುವಾಗಿದ್ದು ಮಾರ್ಚ್ 24, 2013 ರಂದು. ಈವರೆಡೂ ‘ಬಿಗ್ ಬಾಸ್‌ ಕನ್ನಡ’ ಇತಿಹಾಸದಲ್ಲಿ 10 ಸೀಸನ್‌ಗಳು ಮುಗಿದಿವೆ. ಒಂದು ಓಟಿಟಿ ಸೀಸನ್‌ ನಡೆದಿದೆ. ಇಷ್ಟೂ ಸೀಸನ್‌ಗಳಿಗೆ ಹೋಸ್ಟ್ ಆಗಿದ್ದವರು ಕಿಚ್ಚ ಸುದೀಪ್‌. ತೀರಾ ಬಿಜಿಯಾಗಿದ್ದಾಗಲೂ, ಅನಾರೋಗ್ಯದ ಸಮಸ್ಯೆಯಿದ್ದರೂ ‘ಬಿಗ್ ಬಾಸ್’ ಕಾರ್ಯಕ್ರಮವನ್ನ ಕಿಚ್ಚ ಸುದೀಪ್‌ ನಡೆಸಿಕೊಟ್ಟಿದ್ದಾರೆ. ಇನ್ನೇನು ‘ಬಿಗ್ ಬಾಸ್ ಕನ್ನಡ 11’ ಕಾರ್ಯಕ್ರಮ ಶುರುವಾಗಲಿದೆ. ಹೀಗಿರುವಾಗಲೇ, ಬೇರೆ ಹೋಸ್ಟ್ ಬಗ್ಗೆ ರೂಮರ್ಸ್ ಕೇಳಿಬರುತ್ತಿವೆ. ಈ ಬಗ್ಗೆ ಪ್ರೆಸ್‌ ಮೀಟ್‌ನಲ್ಲಿ ಕಿಚ್ಚ ಸುದೀಪ್ ಏನಂದರು ಗೊತ್ತೇ?

‘‘ಬಿಗ್ ಬಾಸ್‌’ಗಾಗಿ ನಾನು ನನ್ನ ಜೀವನದ 10 ವರ್ಷಗಳನ್ನು ಡೆಡಿಕೇಟ್ ಮಾಡಿದ್ದೇನೆ. ‘ಬಿಗ್ ಬಾಸ್’ಗಾಗಿ ನನ್ನಿಂದ ಹೆಚ್ಚಿನ ಎಫರ್ಟ್ ಬೇಕು. ನಾನು ‘ಬಿಗ್ ಬಾಸ್‌’ನ ನಡೆಸಿಕೊಡ್ತೀನಿ ಅನ್ನೋದು ಎಲ್ಲರಿಗೂ ಗೊತ್ತು. ಆದರೆ, ಹೇಗೆ ನಡೆಸಿಕೊಡ್ತೀನಿ ಅನ್ನೋದು ಯಾರಿಗೂ ಗೊತ್ತಿಲ್ಲ. ಹೇಗೆ ಅಷ್ಟೊತ್ತು ನಿಂತಿರುತ್ತೇನೆ ಅನ್ನೋದು ಗೊತ್ತಾ?’’ ಎಂದು ಕಿಚ್ಚ ಸುದೀಪ್ ಪ್ರಶ್ನಿಸಿದ್ದಾರೆ.

‘‘ಮ್ಯಾಕ್ಸ್’ ಸಿನಿಮಾ ಮ್ಯಾಕ್ಸಿಮಂ ನಡೆದಿರೋದು ನೈಟ್ ಶೂಟಿಂಗ್. ಬೆಳಗ್ಗೆ 3.30ಕ್ಕೆ ಪ್ಯಾಕಪ್ ಆಗುತ್ತಿತ್ತು. ಏರ್‌ಪೋರ್ಟ್‌ಗೆ ಹೋಗಿ ಬರೋದು ಲೇಟ್ ಆಗುತ್ತೆ ಅಂತ ನಾನು ಚಾರ್ಟರ್‌ ಫ್ಲೈಟ್‌ನ ಹೈಯರ್ ಮಾಡಿದ್ದೆ. ಇದಕ್ಕಾಗಿ ನಾನು ನನ್ನ ಸ್ವಂತ ಹಣವನ್ನ ಖರ್ಚು ಮಾಡಿದ್ದೆ’’ ಎಂದು ಕಿಚ್ಚ ಸುದೀಪ್ ಮಾಹಿತಿ ನೀಡಿದ್ದಾರೆ.

‘’ನಾನು ಇದ್ದದ್ದು ಮಹಾಬಲಿಪುರಂನಲ್ಲಿ (ಮ್ಯಾಕ್ಸ್) ಶೂಟಿಂಗ್. ಅಲ್ಲಿಂದ ಚೆನ್ನೈಗೆ ಹೋಗಿ, ಅಲ್ಲಿಂದ ಬೆಂಗಳೂರಿಗೆ ಬಂದು, ಶೂಟ್‌ಗೆ ಹೋಗಿ ಎಪಿಸೋಡ್‌ಗಳನ್ನೆಲ್ಲಾ ನೋಡಿ, ಶೂಟ್ ಮುಗಿಸಿ, ಮಲಗುವುದರೊಳಗೆ ಒಂದುವರೆ ದಿನ ಆಗ್ತಿತ್ತು. ಅಷ್ಟೊತ್ತೂ ನನಗೆ ನಿದ್ದೆ ಇರ್ತಿರ್ಲಿಲ್ಲ. ಒಂದು ಎಪಿಸೋಡ್ ಶುರುವಾದರೆ ಬೆಳಗ್ಗೆ 9 ರಿಂದ ಮಧ್ಯಾಹ್ನ 2 ಗಂಟೆವರೆಗೂ ನಿಲ್ಲಬೇಕು. 2-3 ಗಂಟೆ ಬ್ರೇಕ್ ಆದ್ಮೇಲೆ ಮತ್ತೆ ನಿಲ್ಲಬೇಕು. ಅದು ಮುಗಿದ್ಮೇಲೆ ರಾತ್ರೋ ರಾತ್ರಿ ನಾನು ಮಹಾಬಲಿಪುರಂಗೆ ಹೋಗುತ್ತಿದ್ದೆ. ಅಲ್ಲಿ ರೀಚ್‌ ಆಗುತ್ತಿದ್ದ ಹಾಗೆ ಶೂಟಿಂಗ್ ಮಾಡ್ತಿದ್ವಿ. ಇದನ್ನ 100 ದಿನಗಳ ಕಾಲ ಊಹಿಸಿ.. ನಾನು ಮಾತಾಡ್ತಾ ಇರೋದು ಈ ಎಫರ್ಟ್‌ನ’’ ಎಂದರು ಕಿಚ್ಚ ಸುದೀಪ್.

‘’ನಾನು ಇದ್ದದ್ದು ಮಹಾಬಲಿಪುರಂನಲ್ಲಿ (ಮ್ಯಾಕ್ಸ್) ಶೂಟಿಂಗ್. ಅಲ್ಲಿಂದ ಚೆನ್ನೈಗೆ ಹೋಗಿ, ಅಲ್ಲಿಂದ ಬೆಂಗಳೂರಿಗೆ ಬಂದು, ಶೂಟ್‌ಗೆ ಹೋಗಿ ಎಪಿಸೋಡ್‌ಗಳನ್ನೆಲ್ಲಾ ನೋಡಿ, ಶೂಟ್ ಮುಗಿಸಿ, ಮಲಗುವುದರೊಳಗೆ ಒಂದುವರೆ ದಿನ ಆಗ್ತಿತ್ತು. ಅಷ್ಟೊತ್ತೂ ನನಗೆ ನಿದ್ದೆ ಇರ್ತಿರ್ಲಿಲ್ಲ. ಒಂದು ಎಪಿಸೋಡ್ ಶುರುವಾದರೆ ಬೆಳಗ್ಗೆ 9 ರಿಂದ ಮಧ್ಯಾಹ್ನ 2 ಗಂಟೆವರೆಗೂ ನಿಲ್ಲಬೇಕು. 2-3 ಗಂಟೆ ಬ್ರೇಕ್ ಆದ್ಮೇಲೆ ಮತ್ತೆ ನಿಲ್ಲಬೇಕು. ಅದು ಮುಗಿದ್ಮೇಲೆ ರಾತ್ರೋ ರಾತ್ರಿ ನಾನು ಮಹಾಬಲಿಪುರಂಗೆ ಹೋಗುತ್ತಿದ್ದೆ. ಅಲ್ಲಿ ರೀಚ್‌ ಆಗುತ್ತಿದ್ದ ಹಾಗೆ ಶೂಟಿಂಗ್ ಮಾಡ್ತಿದ್ವಿ. ಇದನ್ನ 100 ದಿನಗಳ ಕಾಲ ಊಹಿಸಿ.. ನಾನು ಮಾತಾಡ್ತಾ ಇರೋದು ಈ ಎಫರ್ಟ್‌ನ’’ ಎಂದರು ಕಿಚ್ಚ ಸುದೀಪ್.

ವೆಬ್ ಡೆಸ್ಕ್
ಫೋಕಸ್ ಕರ್ನಾಟಕ