ಫಾರ್ಮ ಕಳೆದುಕೊಂಡ್ರಾ ಕೊಹ್ಲಿ! ಕಿಂಗ್ ಬ್ಯಾಟಿಂಗ್ ಬಗ್ಗೆ ಮಾಜಿ ಕ್ರಿಕೆಟಿಗ ಹೇಳಿದ್ದೇನು?

ಕಿಂಗ್ ಕೊಹ್ಲಿ. ಹೆಸರೇ ಹೇಳುತ್ತೆ ಇವರು ಕ್ರಿಕೆಟ್ ಲೋಕದ ರಾಜ ಅಂತ. ಇವರ ಬ್ಯಾಟಿಂಗ್ ಸ್ಟೈಲ್, ಎನರ್ಜಿ ಅದು ನೆಕ್ಸ್ಟ್ ಲೆವೆಲ್ ನಲ್ಲಿ ಇರತ್ತೆ. 

ಒಂದು ಸಲ ಫೀಲ್ಡಿಗೆ ಎಂಟ್ರಿ ಕೊಟ್ಟೆ ಎದುರಾಳಿಗಳೇ ಭಯಭೀತರಾಗ್ತಾರೆ. ಅಷ್ಟು ಎನರ್ಜಿಯನ್ನು ಕೊಹ್ಲಿ ಫೀಲ್ಡಿಗೆ ತರುತ್ತಾರೆ. 

ಬಾರ್ಡರ್-ಗವಸ್ಕಾರ್​ ಟ್ರೋಫಿ ಟೆಸ್ಟ್ ಪಂದ್ಯಾವಳಿಯಲ್ಲಿ ಕಳಪೆ ಪ್ರದರ್ಶನ ತೋರುತ್ತಿರುವ ವಿರಾಟ್ ಕೊಹ್ಲಿ ಬಗ್ಗೆ ಅನೇಕ ಟೀಕೆಗಳು ಕೇಳಿ ಬರುತ್ತಿವೆ. ಕೊಹ್ಲಿ ಕಾಲ ಮುಗಿಯಿತು, ಕೊಹ್ಲಿ ಫಾರ್ಮ್​ನಲ್ಲಿ ಇಲ್ಲ, ಕೊಹ್ಲಿ ಮೊದಲಿನಂತೆ ಆಡುತ್ತಿಲ್ಲ, ಹೀಗೆ ಹತ್ತು ಹಲವು ಮಾತುಗಳು ಕೇಳಿ ಬರುತ್ತಿವೆ. ಈ ವಿಚಾರವಾಗಿ ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಕೋಚ್ ಹಾಗೂ ಮಾಜಿ ಕ್ರಿಕೆಟಿಗ ರವಿಶಾಸ್ತ್ರಿ ಕೊಹ್ಲಿ ಪರವಾಗಿ ಬ್ಯಾಟ್ ಬೀಸಿದ್ದಾರೆ. ಕೊಹ್ಲಿ ಫಾರ್ಮ್ ಕಳೆದುಕೊಂಡಿದ್ದಾರೆ ಎಂಬುದನ್ನು ನಾನು ನಂಬುವುದಿಲ್ಲ ಎಂದು ಹೇಳಿದ್ದಾರೆ.

ಜೋ ರೂಟ್​ ಹಾಗೂ ಕೇನ್ ವಿಲಿಯಮ್ಸ್ ಈ ವರ್ಷದ ಅದ್ಭುತವಾಗಿ ಪ್ರದರ್ಶನ ಮಾಡಿದ್ದಾರೆ. ಅದೇ ರೀತಿಯಲ್ಲಿ ಕೊಹ್ಲಿ ಹಾಗೂ ಸ್ಟಿವ್​ ಸ್ಮಿತ್​ ಕೂಡ ಪುಟಿದೇಳಲಿದ್ದಾರೆ. ಅವರು ನಿಜಕ್ಕೂ ಅಪಾಯಕಾರಿ ಆಟಗಾರರಾಗಿ ಮುಂದೆ ಎದುರಾಳಿಗಳನ್ನು ಕಾಡಲಿದ್ದಾರೆ. ಯಾಕಂದ್ರೆ ಅವರಿಗೆ ಆಡುವ ಹಸಿವು ಇದೆ. ವಿಶ್ವ ಕ್ರಿಕೆಟಿಗರ ಱಂಕ್ ಪಟ್ಟಿಯಲ್ಲಿ ಕೊಹ್ಲಿ ಹಾಗೂ ಸ್ಟೀವ್ ಸ್ಮಿತ್ ಸದ್ಯ ಕುಸಿದಿರಬಹುದು. ಆದರೆ ಫಿನಿಕ್ಸ್​ನಂತೆ ಎದ್ದು ಬರುವ ಛಾತಿ ಇಬ್ಬರಲ್ಲಿಯೂ ಇದೆ ಎಂದು ರವಿಶಾಸ್ತ್ರಿ ಹೇಳಿದ್ದಾರೆ.

ಇಂಗ್ಲೆಂಡ್​ನ ಜಾನ್ ರೂಟ್ 2024ರಲ್ಲಿ ಅದ್ಭುತ ಪ್ರದರ್ಶನ ತೋರಿಸಿದ್ದಾರೆ.ಈ ವರ್ಷದಲ್ಲಿ 17 ಪಂದ್ಯಗಳನ್ನು ಆಡಿರುವ ರೂಟ್, 1556 ರನ್​ಗಳನ್ನ 55.77 ಎವರೆಜ್​ನಲ್ಲಿ ಸಂಪಾದಿಸಿದ್ದಾರೆ. ಇದರಲ್ಲಿ ಒಟ್ಟು 6 ಶತಕಗಳು ಕೂಡ ಇವೆ. ನ್ಯೂಜಿಲೆಂಡ್​​ ಕ್ರಿಕೆಟ್ ತಂಡದ ಮಾಜಿ ನಾಯಕ ಕೇನ್ ವಿಲಿಯಮ್ಸನ್​ ಕೂಡ ಈ ವರ್ಷ 1013ರನ್​ ಗಳಿಸಿದ್ದಾರೆ. 59.58 ಎವರೇಜ್​ನಲ್ಲಿ ನಾಲ್ಕು ಶತಕ ಗಳಿಸುವ ಮೂಲಕ ಇಷ್ಟು ರನ್ ಸಂಪಾದಿಸಿದ್ದಾರೆ.

ಇಂತಹ ಸನ್ನಿವೇಶದಲ್ಲಿ ವಿರಾಟ್ ಮತ್ತು ಸ್ಮಿತ್ ಕೂಡ ಎದುರಾಳಿಗಳಿಗೆ ಅಪಾಯ ತಂದೊಡ್ಡಬಲ್ಲ ರೀತಿ ಮುಂದಿನ ದಿನಗಳಲ್ಲಿ ಮಿಂಚಲಿದ್ದಾರೆ ಎಂದು ಶಾಸ್ತ್ರಿ ಹೇಳಿದ್ದಾರೆ.