IPL ಮೆಗಾ ಆಕ್ಷನ್ ಗೆ ದಿನಗಣೆಗೆ: ಕನ್ನಡಿಗನ ಮೇಲೆ ಬಿತ್ತು MI ಕಣ್ಣು, ಮುಂಬೈ ಪಾಲಾಗ್ತಾರಾ ರಾಹುಲ್!

ಹೀಗಾಗಲೇ ಐಪಿಎಲ್​ನ ರಿಟೈನ್ಶನ್​ನ ಟೆನ್ಶನ್ ಮುಗಿದಿದೆ. ಅಳೆದು ತೂಗಿ, ಲೆಕ್ಕಾಚಾರ ಹಾಕಿ ಬೇಕಾದ ಆಟಗಾರರನ್ನ ಉಳಿಸಿಕೊಂಡಿರುವ ಫ್ರಾಂಚೈಸಿಗಳು, ಈಗ ಮೆಗಾ ಹರಾಜಿನಲ್ಲಿ ಯಾರಿಗೆ ಮಣೆ ಹಾಕಬೇಕು.? ಅನ್ನೋ ಸ್ಟ್ರಾಟರ್ಜಿಯಲ್ಲಿ ಬ್ಯೂಸಿಯಾಗಿವೆ. ತಂಡಕ್ಕೆ ಫಿಟ್ ಆಗುವಂತ ಆಟಗಾರರ ಲಿಸ್ಟ್​ ಮಾಡಿಕೊಳ್ಳುತ್ತಿರುವ ಫ್ರಾಂಚೈಸಿಗಳು, ಮೆಗಾ ಹರಾಜಿನಲ್ಲಿ ಹಣದ ಹೊಳೆ ಹರಿಸಲು ಪ್ಲಾನ್ ರೂಪಿಸುತ್ತಿವೆ. ಚಾಂಪಿಯನ್​ ಟೀಮ್​ ಮುಂಬೈ ಇಂಡಿಯನ್ಸ್​ ಕೂಡ ಇದ್ರಿಂದ ಹೊರತಾಗಿಲ್ಲ 

ಸ್ಟಾರ್ ಆಟಗಾರರ ದಂಡನ್ನೇ ಉಳಿಸಿಕೊಂಡಿರುವ ಮುಂಬೈ, ಹರಾಜಿನಲ್ಲಿ ಕೆ.ಎಲ್.ರಾಹುಲ್​ನ ಖರೀದಿಸುತ್ತಾ ಎಂಬ ಪ್ರಶ್ನೆ ನಿಮ್ಮನ್ನ ಕಾಡಬಹುದು. ಆದ್ರೆ, ಇದಕ್ಕೆ ಪ್ರಮುಖ ಕಾರಣ ಒಂದಿದೆ. ಒಂದೇ ಕಲ್ಲಲ್ಲಿ 2 ಹಕ್ಕಿ ಹೊಡೆಯುವುದು ಮುಂಬೈ ಪ್ಲಾನ್​,! ರಿಟೈನ್ಶನ್​ನಲ್ಲಿ ಇಶಾನ್​ ಕಿಶನ್​​ನ ಕೈಬಿಟ್ಟಿರುವ ಮುಂಬೈ, ವಿಕೆಟ್ ಕೀಪರ್ ಆ್ಯಂಡ್ ಓಪನರ್ ಬ್ಯಾಟರ್​ನ ಹುಡುಕಾಟದಲ್ಲಿದೆ. ಹೀಗಾಗಿ ವಿಕೆಟ್ ಕೀಪಿಂಗ್ ಜೊತೆಗೆ ಆರಂಭಿಕನಾಗಿ ಅಬ್ಬರಿಸಬಲ್ಲ ಕೆ.ಎಲ್ ರಾಹುಲ್​ ತಂಡಕ್ಕೆ ಕರೆತರುವ ಲೆಕ್ಕಾಚಾರ ಹಾಕಿದೆ. 

ಮುಂಬೈ ಇಂಡಿಯನ್ಸ್​ ಕೋರ್ ಟೀಮ್ ಬಗ್ಗೆ ಹೆಚ್ಚು ಒಲವು ಹೊಂದಿದೆ. ಹೀಗಾಗಿ ಇಶಾನ್​ ಕಿಶನ್​ರನ್ನ ರೈಟ್ ಟು ಮ್ಯಾಚ್ ಕಾರ್ಡ್​ ಅಡಿ ಖರೀದಿಸೋದು ಫಸ್ಟ್ ಅಜೆಂಡಾವಾಗಿದೆ. ಆದ್ರೆ, ಈ ಕಿಶನ್​​​​, ಮೆಗಾ ಹರಾಜಿನಲ್ಲಿ ಬಿಗ್ ಅಮೌಂಟ್​​ಗೆ ಸೇಲ್​ ಆಗೋ ಚಾನ್ಸ್ ಹೆಚ್ಚಿದೆ. ಮುಂಬೈ ಪರ್ಸ್​ನಲ್ಲಿ ಕೇವಲ 45 ಕೋಟಿ ಮಾತ್ರ ಉಳಿದಿದೆ. ಹೀಗಾಗಿ ಇಶಾನ್ ಖರೀದಿಗೆ ಕನಿಷ್ಠ 15ರಿಂದ 16 ಕೋಟಿ ಹಣ ಬೇಕಾಗುತ್ತೆ. ಹೀಗಾಗಿ ಮೆಗಾ ಹರಾಜಿನಲ್ಲಿ ಕಿಶನ್ ಕೈಗೆಟುಕದಿದ್ರೆ, ಆಗ ಕೆ.ಎಲ್ ರಾಹುಲ್ ಟಾರ್ಗೆಟ್ ಮಾಡುವುದು ಮುಂಬೈ ಇಂಡಿಯನ್ಸ್​ ಲೆಕ್ಕಾಚಾರವಾಗಿದೆ.