Rashmika Mandanna: ಸಾಲು ಸಾಲು ಹಿಟ್ ಮೂವಿಗಳನ್ನು ಕೊಟ್ಟ ನಟಿ ರಶ್ಮಿಕಾ ಆಸ್ತಿ ಎಷ್ಟಿದೆ ಗೊತ್ತಾ..?

ರಶ್ಮಿಕಾ ಮಂದಣ್ಣ ಅವರನ್ನು ಅವರ ಅಭಿಮಾನಿಗಳು ಭಾರತದ ನ್ಯಾಷನಲ್‌ ಕ್ರಶ್‌ ಎಂದು ಕರೆಯುತ್ತಾರೆ. ರಶ್ಮಿಕಾ  ತನ್ನ ಆಕೌಂಟ್‌ನಲ್ಲಿ ಹಲವಾರು ದೊಡ್ಡ ಪ್ರಾಜೆಕ್ಟ್‌ಗಳನ್ನು ಹೊಂದಿದ್ದಾರೆ. ಆರು ವಿಭಿನ್ನ ಭಾಷೆಗಳಲ್ಲಿ ಅವರ ಕೆಲವು ಚಿತ್ರಗಳು ನಿರ್ಮಾಣಗೊಳ್ಳುತ್ತಿವೆ. ರಶ್ಮಿಕಾ ಅಲ್ಲು ಅರ್ಜುನ್ ಜೊತೆ ಪ್ಯಾನ್-ಇಂಡಿಯಾ ಚಿತ್ರ 'ಪುಷ್ಪಾ' ದಲ್ಲಿ ಕಾಣಿಸಿಕೊಂಡು ದೊಡ್ಡ ಹಿಟ್‌ ಕೊಟ್ಟಿದ್ದರು. ಛಾವಾ ಸಿನಿಮಾದ ಮಹಾರಾಣಿ ಯೇಸುಬಾಯಿಯವರೆಗೆ, ರಶ್ಮಿಕಾ ತಮ್ಮ ಅಭಿನಯದ ಮೂಲಕ ಪ್ರೇಕ್ಷಕರ ಮನಸು ಗೆದ್ದಿದ್ದಾರೆ.

ಫೋರ್ಬ್ಸ್ ಪ್ರಕಾರ 28 ವರ್ಷದ ನಟಿ ರಶ್ಮಿಕಾ ಮಂದಣ್ಣ ಅವರ ನಿವ್ವಳ ಮೌಲ್ಯ 66 ಕೋಟಿ ರೂ. ಎಂದು ವರದಿಯಾಗಿದೆ. ಅವರು ಅಲ್ಲು ಅರ್ಜುನ್ ಅಭಿನಯದ 'ಪುಷ್ಪ 2: ದಿ ರೂಲ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಜಾಗತಿಕವಾಗಿ ಭಾರಿ ಯಶಸ್ಸನ್ನು ಕಂಡಿತು. ಅವರು ಚಿತ್ರಕ್ಕಾಗಿ 10 ಕೋಟಿ ರೂ. ಪಡೆದಿದ್ದಾರೆ ಎಂದು ವರದಿಯಾಗಿದೆ. ET ಪ್ರಕಾರ ಯುವ ನಟಿ ಪ್ರತಿ ಚಿತ್ರಕ್ಕೆ ಸುಮಾರು 4 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ.

ದಕ್ಷಿಣ ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾದ ಅವರು, ಕಿರಿಕ್ ಪಾರ್ಟಿ (2016) ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದರು. ಅಂಜನಿ ಪುತ್ರ (2017) ಮತ್ತು ಚಮಕ್ (2017), ನಂತರ ಗೀತಾ ಗೋವಿಂದಂ (2018) ಮತ್ತು ನಂತರ ಅನಿಮಲ್ (2023) ಚಿತ್ರಗಳ ಮೂಲಕ ಖ್ಯಾತಿಯನ್ನು ಗಳಿಸಿದರು.

ರಶ್ಮಿಕಾ ಅವರು ಬ್ರ್ಯಾಂಡ್ ಪ್ರಮೋಷನ್, ಜಾಹೀರಾತುಗಳು ಮತ್ತು ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕವೂ ಆದಾಯವನ್ನು ಗಳಿಸುತ್ತಾರೆ. ಲಿಕ್ವಿಡ್.ಲೈಫ್ ಪೇಜ್ ಪ್ರಕಾರ, ಅವರು ಬೋಟ್, ಕಲ್ಯಾಣ್ ಜ್ಯುವೆಲ್ಲರ್ಸ್, 7UP, ಮೀಶೋ ಸೇರಿದಂತೆ ಇತರ ಬ್ರ್ಯಾಂಡ್‌ಗಳನ್ನು ಪ್ರಚಾರ ಮಾಡುತ್ತಾರೆ.

ಟೈಮ್ಸ್ ನೌ ವರದಿಯ ಪ್ರಕಾರ, ಅವರು ಬೆಂಗಳೂರಿನಲ್ಲಿ ಕ್ರಮವಾಗಿ 8 ಕೋಟಿ ರೂ. ಮೌಲ್ಯದ ಬೃಹತ್ ಬಂಗಲೆ ಜೊತೆಗೆ ಮುಂಬೈ, ಗೋವಾ, ಕೂರ್ಗ್ ಮತ್ತು ಹೈದರಾಬಾದ್‌ನಲ್ಲಿ ಆಸ್ತಿಗಳನ್ನು ಹೊಂದಿದ್ದಾರೆ.

ಅವರು ಪ್ಲಮ್‌ನಂತಹ ಬ್ರ್ಯಾಂಡ್‌ಗಳಲ್ಲಿಯೂ ಹೂಡಿಕೆ ಮಾಡಿದ್ದಾರೆ. ನ್ಯಾಷನಲ್ ಕ್ರಷ್ ಆಡಿ ಕ್ಯೂ3, ರೇಂಜ್ ರೋವರ್ ಸ್ಪೋರ್ಟ್, ಟೊಯೋಟಾ ಇನ್ನೋವಾ, ಹುಂಡೈ ಕ್ರೆಟಾ ಮತ್ತು ಮರ್ಸಿಡೆಜ್ ಬೆಂಜ್ ಸಿ-ಕ್ಲಾಸ್‌ ಕಾರಿನ ಒಡತಿಯೂ ಹೌದು.

ರಶ್ಮಿಕಾ ಮಂದಣ್ಣ ನಟ ರಕ್ಷಿತ್ ಶೆಟ್ಟಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ ಹೊಂದಾಣಿಕೆಯ ಸಮಸ್ಯೆಗಳ ನಂತರ ಸೆಪ್ಟೆಂಬರ್ 2018 ರಲ್ಲಿ ಅವರು ತಮ್ಮ ನಿಶ್ಚಿತಾರ್ಥವನ್ನು ಕೊನೆಗೊಳಿಸಿದರು. ಅವರು ಪ್ರಸ್ತುತ ತಮ್ಮ 'ಡಿಯರ್ ಕಾಮ್ರೇಡ್' ಸಹನಟ ವಿಜಯ್ ದೇವರಕೊಂಡ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವದಂತಿಗಳಿವೆ.