ಇದಪ್ಪಾ ಛಲ ಅಂದ್ರೆ: ಆ್ಯಕ್ಸಿಡೆಂಟ್ ನಲ್ಲಿ ಬಹುಮಾನ ಗೆದ್ದ ನಟ ಅಜಿತ್!

ಸ್ಟಾರ್ ನಟ ಅಜಿತ್ ಕುಮಾರ್​ ದುಬೈನಲ್ಲಿ ನಡೆದ ಕಾರ್ ರೇಸ್​ನಲ್ಲಿ ಗೆದ್ದು ಸಂಭ್ರಮದಲ್ಲಿದ್ದಾರೆ. ಇತ್ತೀಚೆಗೆ ಕಾರು ಅಪಘಾತವಾಗಿತ್ತು. ಆದರೂ ತಮ್ಮ ಛಲ ಬಿಡದೇ ಬಹುಮಾನ ಗೆದ್ದಿದ್ದಾರೆ. 

ದುಬೈನಲ್ಲಿ ನಡೆದ 23 4 ಗಂಟೆಗಳ ಕಾರ್ ರೇಸ್‌ನಲ್ಲಿ  ಭಾಗವಹಿಸಿದ್ದ ಅಜಿತ್‌ಗೆ  ನಟ ಮಾಧವನ್  ಖುದ್ದು ಅಭಿನಂದನೆ ಸಲ್ಲಿಸಿದ್ದಾರೆ. ಇಬ್ಬರೂ ಬಹಳ ಉತ್ಸಾಹದಿಂದ ಒಬ್ಬರನ್ನೊಬ್ಬರು ಅಪ್ಪಿಕೊಂಡರು. ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ದುಬೈ 24ಹವರ್ಸ್​ ಕಾರ್ ರೇಸ್​​ನ 911 ಜಿಟಿ3R ವಿಭಾಗದಲ್ಲಿ ತಮಿಳು ನಟ ಅಜಿತ್ ಕುಮಾರ್ ರೇಸಿಂಗ್ ತಂಡ 3ನೇ ಸ್ಥಾನ ಗಿಟ್ಟಿಸಿಕೊಂಡಿದೆ. 24H ಸರಣಿ ರೇಸ್ ಅಂದ್ರೆ ನಿರಂತರವಾಗಿ 24 ಗಂಟೆಗಳ ಕಾಲ ಕಾರನ್ನ ಓಡಿಸಬೇಕು. ಒಂದು ತಂಡವು 3 ರಿಂದ 4 ಚಾಲಕರನ್ನ ಒಳಗೊಂಡಿರುತ್ತೆ. ತಲಾ 6 ಗಂಟೆಯಂತೆ 24 ಗಂಟೆಗಳ ಕಾಲ ವಾಹನ ಚಲಾಯಿಸಬೇಕು. ಇದೀಗ ಈ ರೇಸ್​ನಲ್ಲಿ ಅಜಿತ್ ಕುಮಾರ್ ತಂಡ ಮೂರನೇ ಸ್ಥಾನ ಪಡೆದಿದೆ.

ರೇಸ್​ನಲ್ಲಿ ಭಾಗಿಯಾಗೋದಕ್ಕೂ ಮುಂಚೆ ಪತ್ನಿ ಶಾಲಿನಿ.. ಮಗಳು ಅನೌಷ್ಕ ಜೊತೆ ಕೆಲ ಹೊತ್ತು ಮನಸ್ಸು ಬಿಚ್ಚಿ ಮಾತನಾಡಿದ್ರು.. ಬಳಿಕ ರೇಸ್​ನಲ್ಲಿ ಪಾಲ್ಗೊಂಡು 991 ಕೆಟಗರಿಯಲ್ಲಿ 3ನೇ ಸ್ಥಾನ ಅಲಂಕರಿಸಿದ್ರು.. ಜಿಟಿ4 ಕೆಟಗರಿಯಲ್ಲಿ ಸ್ಪಿರಿಟ್ ಆಫ್ ದಿ ರೇಸ್ ಪ್ರಶಸ್ತಿ ಪಡೆದ ವೇಳೆ ಪತ್ನಿ ಶಾಲಿನಿಗೆ ಅಜಿತ್ ಮುತ್ತು ಕೊಟ್ಟರು. ಅಜಿತ್​ ಗೆಲುವನ್ನ ನಟ ಮಾಧವನ್​ ಕೂಡ ಜೊತೆ ಸೇರಿ ಸಂಭ್ರಮಿಸಿದ್ರು.

ಈ ಕಾರ್​ ರೇಸ್​ನಲ್ಲಿ ನಟ ಅಜಿತ್ ಸಾಧನೆ ಕಂಡು ಅಭಿಮಾನಿಗಳು ಕೂಡ ಸಂಭ್ರಮಿಸಿದ್ದಾರೆ.