ನಮ್ ಭಾಗ್ಯಗೆ ಕಷ್ಟ ಯಾಕೆ, ಆ ತಾಂಡವ್ ಕಡೆನೂ ನೋಡಿ ಡೈರೆಕ್ಟ್ರೇ! ವೀಕ್ಷಕರ ಕಾಮೆಂಟ್ಸ್!
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿ ಹೊಸ ತಿರುವಿಗೆ ಸಾಕ್ಷಿ ಆಗಿದೆ. ಇಷ್ಟು ದಿನ ತಾಂಡವ್ - ಶ್ರೇಷ್ಠಾ ಮದುವೆ ಆಗಿರಲಿಲ್ಲ. ಈಗ ತಾಂಡವ್ - ಶ್ರೇಷ್ಠಾ ಮದುವೆ ನೆರವೇರಿದೆ. ತಾಂಡವ್ - ಶ್ರೇಷ್ಠಾ ಮದುವೆ ನಿಲ್ಲಿಸಲು ಭಾಗ್ಯ ಮುಂದಾಗಲಿಲ್ಲ. ಬದಲಾಗಿ ತಾಂಡವ್ ಕಟ್ಟಿದ ತಾಳಿಯನ್ನೇ ಭಾಗ್ಯ ಕಳಚಿಟ್ಟಳು.
ಭಾಗ್ಯ ಪಾತ್ರಧಾರಿಯ ಬದುಕನ್ನ ಕೆಲ ವೀಕ್ಷಕರು ತೀರಾ ಸೀರಿಯಸ್ ಆಗಿ ಪರಿಗಣಿಸಿದ್ದಾರೆ. ಅದನ್ನ ಜಸ್ಟ್ ಸೀರಿಯಲ್‌ನಂತೆ ನೋಡದೆ.. ಕಥೆಯಲ್ಲಿ ಬರುವ ತಿರುವುಗಳ ಬಗ್ಗೆ ಸರಿ - ತಪ್ಪು ಲೆಕ್ಕಾಚಾರದಲ್ಲಿ ವೀಕ್ಷಕರು ಮುಳುಗಿದ್ದಾರೆ. ಬರೀ ಭಾಗ್ಯಗೆ ಟಾಸ್ಕ್ ಮೇಲೆ ಟಾಸ್ಕ್ ಕೊಡುತ್ತಿರುವ ಡೈರೆಕ್ಟರ್‌ ಸಾಹೇಬ್ರಿಗೆ ವೀಕ್ಷಕರು ಹಿಡಿಹಿಡಿ ಶಾಪ ಹಾಕುತ್ತಿದ್ದಾರೆ. ತಾಂಡವ್ - ಶ್ರೇಷ್ಠಾರನ್ನ ಮೆರೆಯೋಕೆ ಬಿಡುತ್ತಿರುವ ಕಥೆಗಾರರಿಗೆ ವೀಕ್ಷಕರು ಛೀಮಾರಿ ಹಾಕುತ್ತಿದ್ದಾರೆ. ಇನ್ನೂ ಭಾಗ್ಯ ಮನೆಯಲ್ಲೇ ಇದ್ದು, ಭಾಗ್ಯಗೆ ಆರ್ಥಿಕವಾಗಿ ಸಹಾಯ ಮಾಡದ ಪೂಜಾ, ಸುಂದ್ರಿ ಬಗ್ಗೆ ವೀಕ್ಷಕರು ಪ್ರಶ್ನೆಗಳ ಬಾಣ ಸುರಿಸಿದ್ದಾರೆ.
ಪತಿ ತಾಂಡವ್‌ನ ಭಾಗ್ಯ ತೊರೆದಿದ್ದಾಳೆ. ತಾಂಡವ್ ಬೇಡ, ಆತ ಕಟ್ಟಿರುವ ತಾಳಿಯೂ ಬೇಡ ಅಂತ ದೂರ ತಳ್ಳಿ ಬಂದಿದ್ದಾಳೆ ಭಾಗ್ಯ. ಇತ್ತ ತಮ್ಮ ಪಾಲಿಗೆ ಮಗ ಸತ್ತುಹೋಗಿದ್ದಾನೆ ಅಂತ ಕುಸುಮಾ, ಧರ್ಮರಾಜ್‌ ತಲೆ ಮೇಲೆ ನೀರು ಸುರಿದುಕೊಂಡಿದ್ದಾರೆ. ಇಷ್ಟಾದರೂ, ಭಾಗ್ಯ ಜೀವನಕ್ಕೆ ತಾಂಡವ್ ಕಡೆಯಿಂದ ತೊಂದರೆ ಮಾತ್ರ ತಪ್ಪುತ್ತಿಲ್ಲ. ದೇಹದ ತುಂಬಾ ದುರಹಂಕಾರವನ್ನೇ ತುಂಬಿಕೊಂಡಿರುವ ತಾಂಡವ್ ಕಳೆದ 5 ತಿಂಗಳಿಂದ ಮನೆ ಇಎಂಐ ಕಟ್ಟಿಲ್ಲ. ಭಾಗ್ಯಳನ್ನ ಆರ್ಥಿಕವಾಗಿ ಸಂಕಷ್ಟಕ್ಕೆ ಸಿಲುಕಿಸಬೇಕು ಅಂತಲೇ ಇಎಂಐ ಕಟ್ಟಿಲ್ಲ ತಾಂಡವ್
ಇಎಂಐ ಕಟ್ಟದ ಕಾರಣ ಬ್ಯಾಂಕ್‌ನವರು ಮನೆ ಸೀಝ್ ಮಾಡಲು ಬಂದಿದ್ದಾರೆ. ಭಾಗ್ಯ, ಕುಸುಮಾ, ಧರ್ಮರಾಜ್‌, ಸುನಂದಾಗೆ ತಲೆ ಮೇಲೆ ಆಕಾಶ ಬಿದ್ದಷ್ಟೇ ಆಘಾತವಾಗಿದೆ. ಏಕಾಏಕಿ 5 ತಿಂಗಳ ಇಎಂಐ + ಪೆನಾಲ್ಟಿ ಕ್ಲಿಯರ್‌ ಆಗಬೇಕು. ಇಲ್ಲಾಂದ್ರೆ, ಮನೆ ತೊರೆಯಬೇಕು. ಮತ್ತೊಮ್ಮೆ ಈ ಸಂಕಷ್ಟದ ಪರಿಸ್ಥಿತಿಯನ್ನ ಭಾಗ್ಯ ಹೇಗೆ ನಿಭಾಯಿಸುತ್ತಾಳೋ ಕಾದುನೋಡಬೇಕು.
ಅಲ್ಲ.. ಇರೋ ಬರೋ ಕಷ್ಟವೆಲ್ಲಾ ಭಾಗ್ಯಗೆ ಮಾತ್ರ ಯಾಕೆ ಬರ್ತಿದೆ? ಪದೇ ಪದೇ ಭಾಗ್ಯಗೆ ಮಾತ್ರ ಯಾಕೆ ಟಾಸ್ಕ್ ಕೊಡುತ್ತಿದ್ದೀರಿ? ಸ್ವಲ್ಪ ತಾಂಡವ್‌ನೂ ಇಕ್ಕಟ್ಟಿಗೆ ಸಿಲುಕಿಸಿ.. ತಾಂಡವ್ - ಶ್ರೇಷ್ಠಾಗೂ ಕಷ್ಟ ಕೊಡಿ. ಕಷ್ಟ ಅಂದ್ರೇನು ಅಂತ ತಾಂಡವ್‌ಗೂ ಅರ್ಥವಾಗಬೇಕು’’, ‘’ಗಂಡ ಇಲ್ಲಾಂದ್ರೆ ಹೆಣ್ಣು ಬದುಕೋಕೆ ಆಗಲ್ಲ ಎಂಬಂತೆ ಚಿತ್ರಿಸಬೇಡಿ. ಒಳ್ಳೆಯ ಹೆಂಡ್ತಿ ಇಲ್ಲಾಂದ್ರೆ ಗಂಡಸರ ಪಾಡೇನು ಎಂಬುದನ್ನೂ ತೋರಿಸಿ’’ ಅಂತ ವೀಕ್ಷಕರು ಒತ್ತಾಯಿಸುತ್ತಿದ್ದಾರೆ.
ನಿಮ್ಮ ಪ್ರತಿಕ್ರಿಯೆ ಏನು?
