ನಿಮ್ಮ ಜೀವನದ ದೋಷ ಕಳೆದು ಅದೃಷ್ಟ ಒಲಿದು ಬರಬೇಕಾ!? ಹಾಗಿದ್ರೆ ಸೂರ್ಯದೇವನನ್ನು ಹೀಗೆ ಪೂಜಿಸಿ!

ಸೂರ್ಯನನ್ನು ಬೆಳಕಿನ ಹಾಗೂ ಬ್ರಹ್ಮಾಂಡದ ಮೂಲ ಎಂದು ಕರೆಯಲಾಗುತ್ತದೆ. ವೈದಿಕ ಮಂತ್ರದಲ್ಲಿ ದೈವಿಕ ಮತ್ತು ಶಕ್ತಿಯುತ ಸೂರ್ಯನ ಪ್ರಭಾವವನ್ನು ವಿವರಿಸಲಾಗಿದೆ. ಹಿಂದೂ ಧರ್ಮದ ಅತ್ಯಂತ ಪ್ರಾಚೀನ ದೇವರುಗಳಲ್ಲಿ ಸೂರ್ಯನು ಒಬ್ಬರು ಎಂದು ಹೇಳಲಾಗಿದೆ.

ಹಿಂದೂ ಧರ್ಮದಲ್ಲಿ ಪ್ರತಿನಿತ್ಯ ಸೂರ್ಯದೇವನನ್ನು ಆರಾಧಿಸುವ ಸಂಪ್ರದಾಯವಿದೆ. ಅದರಲ್ಲೂ ಜ್ಯೇಷ್ಠ ಮಾಸದಂತಹ ಪವಿತ್ರ ಮಾಸದಲ್ಲಿ ಸೂರ್ಯದೇವನ ಆರಾಧನೆಗೆ ವಿಶೇಷ ಸ್ಥಾನ ಮಾನವಿದೆ. ಈ ಮಾಸದಲ್ಲಿ ಗಂಗೆ, ವಿಷ್ಣು ಮತ್ತು ಸೂರ್ಯದೇವರ ಆರಾಧನೆಯ ಮಹತ್ವವನ್ನು ತಿಳಿಸಲಾಗಿದೆ.

ಹಿಂದೂ ಪುರಾಣಗಳಲ್ಲಿ ಸೂರ್ಯ ದೇವರು ಏಳು ಕುದುರೆಗಳುಳ್ಳ ರಥವನ್ನು ಓಡಿಸುತ್ತಿರುವಂತೆ ಚಿತ್ರಿಸಲಾಗಿದೆ. ಈ ಕುದುರೆಗಳು ಏಳು ಮಾನವ ದೇಹದ ಚಕ್ರಗಳು ಮತ್ತು ಮಳೆಬಿಲ್ಲಿನ ಬಣ್ಣಗಳನ್ನು ಪ್ರತಿನಿಧಿಸುತ್ತವೆ. ಜೀವನವನ್ನು ಪ್ರತಿನಿಧಿಸುವ ಕಮಲವನ್ನೂ ಅವರು ಕೈಯಲ್ಲಿ ಹಿಡಿದುಕೊಂಡಿದ್ದಾರೆ ಇದರೊಂದಿಗೆ ಶಂಖ, ಚಕ್ರ, ಗಧೆಯನ್ನೂ ಆಯುಧವನ್ನಾಗಿ ಹಿಡಿದುಕೊಂಡಿದ್ದಾರೆ.

ಜೀವನವನ್ನು ಪೋಷಿಸುವ ಮತ್ತು ಗುಣಪಡಿಸುವ ಶಕ್ತಿಗಳ ನಂಬಲಾಗದ ಸಾಮರ್ಥ್ಯದಿಂದಾಗಿ ಸೂರ್ಯ ಉಚ್ಛ ಸ್ಥಿತಿಯಲ್ಲಿದ್ದಾರೆ. ಹಿಂದೂ ಧರ್ಮದಲ್ಲಿ ಸೂರ್ಯನನ್ನು ವಿರಾಟ ಪುರುಷನ ಕಣ್ಣು ಎಂದು ಪರಿಗಣಿಸಲಾಗುತ್ತದೆ.

ಸೂರ್ಯನನ್ನು ಅನೇಕ ರೂಪಗಳಲ್ಲಿ ಪೂಜಿಸಲಾಗುತ್ತದೆ, ಆದರೆ ಅವುಗಳಲ್ಲಿ ಎರಡು ಸಾಮಾನ್ಯವಾಗಿದೆ ಅವೇ ಅರ್ಕಾ ಮತ್ತು ಮಿತ್ರ. ಭಾರತದ ಉತ್ತರ ಅಥವಾ ಪೂರ್ವ ರಾಜ್ಯಗಳಲ್ಲಿ, ಸೂರ್ಯನನ್ನು ಅರ್ಕ ರೂಪದಲ್ಲಿ ಸ್ತುತಿಸಲಾಗುತ್ತದೆ.

ಪ್ರಾಚೀನ ಕಾಲದಲ್ಲಿ ಸೂರ್ಯನ ಆರಾಧನೆಗಾಗಿ ಅನೇಕ ದೇವಾಲಯಗಳನ್ನು ನಿರ್ಮಿಸಲಾಗಿದೆ. ಒರಿಸ್ಸಾದ ಕೋನಾರ್ಕ್ ದೇವಾಲಯ, ಉತ್ತರ ಪ್ರದೇಶದ ಉತ್ತರಾರ್ಕ ಮತ್ತು ಲೋಲಾರ್ಕ, ರಾಜಸ್ಥಾನದ ಬಲಾರ್ಕ ದೇವಾಲಯ ಮತ್ತು ಗುಜರಾತ್‌ನ ಮೊಧೇರಾದಲ್ಲಿರುವ ಸೂರ್ಯ ದೇವಾಲಯಗಳು ಅತ್ಯಂತ ಜನಪ್ರಿಯ ಮತ್ತು ಪ್ರಸಿದ್ಧವಾದ ದೇವಾಲಯಗಳಾಗಿವೆ.

ಹತ್ತನೇ ಶತಮಾನದಲ್ಲಿ, ಉತ್ತರ ಪ್ರದೇಶದಲ್ಲಿ ಬಾಲಾರ್ಕ ಸೂರ್ಯ ಮಂದಿರವನ್ನು ನಿರ್ಮಿಸಲಾಯಿತು, ಇದು ಹದಿನಾಲ್ಕನೆಯ ಶತಮಾನದಲ್ಲಿ ಟರ್ಕಿಯ ಆಕ್ರಮಣದಿಂದ ನಾಶವಾಯಿತು. ಸೂರ್ಯನ ಇನ್ನೊಂದು ರೂಪ ಮಿತ್ರ, ಇದು ಹೆಚ್ಚಾಗಿ ಗುಜರಾತ್‌ನಲ್ಲಿ ಕಂಡುಬರುತ್ತದೆ. ಗುಜರಾತಿ ಭಾಷೆಯಲ್ಲಿ ಮಿತ್ರ ಎಂದರೆ ಗೆಳೆಯ ಎಂದರ್ಥವಾಗಿದೆ.

ಇದಲ್ಲದೆ, ಹಿಂದೂ ಧರ್ಮದಲ್ಲಿ ಭಗವಾನ್ ಸೂರ್ಯನನ್ನು 108 ಹೆಸರುಗಳಿಂದ ಕರೆಯಲಾಗುತ್ತದೆ. ಅವುಗಳಲ್ಲಿ ಕೆಲವು ಸಾಮಾನ್ಯ ಹೆಸರುಗಳೆಂದರೆ ಆದಿತ್ಯ, ಆದಿದೇವ, ಅಂಗಾರಕ, ಅರ್ಕ, ಭಗ, ಬ್ರಹ್ಮ, ಧನ್ವಂತರಿ, ಧರ್ಮಧ್ವಜ, ಧಾತ್ರಿ, ಧೂಮಕೇತು, ಇಂದ್ರ, ಜಯ, ಮೈತ್ರೇಯ, ಪ್ರಭಾಕರ, ರವಿ, ರುದ್ರ, ಸಾವಿತ್ರಿ, ಸೋಮ, ತೇಜ, ವೈಶ್ರವಣ, ವಂಹಿ, ವರುಣ್ ಮತ್ತು ವಿಷ್ಣು.

ಪ್ರತಿದಿನ ಬೆಳಿಗ್ಗೆ ಸೂರ್ಯನನ್ನು ಪೂಜಿಸುವುದರಿಂದ ಅನೇಕ ಪ್ರಯೋಜನಗಳಿವೆ. ಇದು ಶಕ್ತಿ, ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ ಮತ್ತು ಸಂವಹನವನ್ನು ಸುಧಾರಿಸುತ್ತದೆ. ಇದು ಗ್ರಹ ದೋಷದ ಋಣಾತ್ಮಕ ಪರಿಣಾಮಗಳನ್ನು ತೆಗೆದುಹಾಕುವ ಮೂಲಕ ಜೀವನದಲ್ಲಿ ಶಾಂತಿ ಮತ್ತು ಸಾಮರಸ್ಯವನ್ನು ಕಾಪಾಡುತ್ತದೆ. ಸೂರ್ಯ ಪ್ರಾರ್ಥನೆಯು ನಮ್ಮ ತೊಂದರೆಗಳನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ಆರೋಗ್ಯ ಮತ್ತು ಸಂಪತ್ತಿನಲ್ಲಿ ಸಮೃದ್ಧಿಯನ್ನು ನೀಡುತ್ತದೆ.

ಸೂರ್ಯನಿಗೆ ಪೂಜೆ ಸಲ್ಲಿಸುವಾ ಒಗೆದ ಶುಭ್ರವಾದ ಬಟ್ಟೆಗಳನ್ನೇ ತೊಡಬೇಕು

ಉದಯಿಸುವ ಸೂರ್ಯನನ್ನು ಪ್ರಾರ್ಥಿಸಿ

ಪೂಜೆ ಮಾಡುವಾಗ ಪೂರ್ವ ದಿಕ್ಕಿಗೆ ಅಥವಾ ಉದಯಿಸುವ ಸೂರ್ಯನ ದಿಕ್ಕಿಗೆ ಮುಖ ಮಾಡಿ

ಗಂಗಾ ಜಲವನ್ನು ಪ್ರೋಕ್ಷಿಸಿ ಶುದ್ಧೀಕರಿಸಿಕೊಳ್ಳಿ ಪೂಜೆಯ ಮುನ್ನ ಗಣಪತಿ ಪ್ರಾರ್ಥನೆ ಸಲ್ಲಿಸಿ

ತಾಮ್ರದ ಪಾತ್ರೆಯನ್ನು ತೆಗೆದುಕೊಂಡು ಅದರಲ್ಲಿ ಜೇನುತುಪ್ಪವನ್ನು ತುಂಬಿಸಿ ಅದನ್ನು ಸೂರ್ಯನಿಗೆ ಅರ್ಪಿಸಿ. ಸೂರ್ಯೋದಯವಾದ ಒಂದು ಗಂಟೆಯೊಳಗೆ ಸೂರ್ಯನಿಗೆ ನೀರನ್ನು ಅರ್ಪಿಸುವುದು ಉತ್ತಮ

ಕಮಲದ ಹೂವನ್ನು ನೀವು ಸೂರ್ಯನಿಗೆ ಅರ್ಪಿಸಬಹುದು

ಗಂಧ ಇಲ್ಲವೇ ಕುಂಕುಮವನ್ನು ಹಚ್ಚಿಕೊಳ್ಳಿ

ಗಾಯತ್ರಿ ಮಂತ್ರವನ್ನು ಪಠಿಸಿ ಅಥವಾ ಆದಿತ್ಯ ಹೃದಯ ಸ್ತೋತ್ರವನ್ನು ಕೇಳಿ. ಕನಿಷ್ಠ ಹನ್ನೊಂದು ಬಾರಿ ಸೂರ್ಯನಿಗೆ ನೀರನ್ನು ಅರ್ಪಿಸುವಾಗ ನೀವು "ಓಂ ಘ್ರಿಣಿಂ ಸೂರ್ಯ ಆದಿತ್ಯಮು" ಎಂದು ಪಠಿಸಿ. 

ಸೂರ್ಯನ ಕೆಳಗೆ 5-7 ನಿಮಿಷ ಧ್ಯಾನ ಮಾಡಿ

ನಂತರ ನೆಲದ ಮೇಲೆ ಸುರಿದ ನೀರನ್ನು ಸ್ಪರ್ಶಿಸಿ ಹಾಗೂ ನಿಮ್ಮ ತಲೆ, ಕಣ್ಣಿಗೆ ಹನಿಯನ್ನು ಸಿಂಪಡಿಸಿ. ನೀರಿನ ಮೇಲೆ ಹೆಜ್ಜೆಯನ್ನಿರಿಸದಿರಿ.

ಹೀಗೆ ನಿಮ್ಮ ಸೂರ್ಯ ಪೂಜೆ ಸಂಪನ್ನಗೊಂಡಿದೆ. ದೇವರ ಆಶೀರ್ವಾದ ಪಡೆಯಲು ಪ್ರತಿದಿನ ಇದನ್ನು ಪುನರಾವರ್ತಿಸಿ. ನಿಯಮಿತವಾಗಿ ಸೂರ್ಯನಿಗೆ ನೀರು ಅರ್ಪಿಸುವುದು ನಿಮ್ಮನ್ನು ಶಿಸ್ತುಬದ್ಧಗೊಳಿಸುತ್ತದೆ. ದೇಹ, ಮನಸ್ಸು ಮತ್ತು ಆತ್ಮದ ಸಮತೋಲನವನ್ನು ಕಾಪಾಡುತ್ತದೆ. ಸೂರ್ಯನ ಮೊದಲ ಕಿರಣವು ದೈನಂದಿನ ಜೀವನದಲ್ಲಿ ಆರಂಭಿಕ ಯಶಸ್ಸನ್ನು ಪ್ರೇರೇಪಿಸುತ್ತದೆ.