ಯುದ್ಧವು ಬಾಲಿವುಡ್ ಸಿನಿಮಾ ಅಲ್ಲ, ಅದು ಎರಡು ದೇಶಗಳ ಗಂಭೀರ ವ್ಯವಹಾರ: ಭಾರತೀಯ ಸೇನಾ ಮಾಜಿ ಮುಖ್ಯಸ್ಥ

ನವದೆಹಲಿ: ಯುದ್ಧವು ಬಾಲಿವುಡ್ ಸಿನಿಮಾ ಅಲ್ಲ, ಅದು ಎರಡು ದೇಶಗಳ ಗಂಭೀರ ವ್ಯವಹಾರ ಎಂದು  ಭಾರತೀಯ ಸೇನಾ ಮಾಜಿ ಮುಖ್ಯಸ್ಥ ಮನೋಜ್ ಮುಕುಂದ್ ನರವಾಣೆ ಹೇಳಿದ್ದಾರೆ. ಯುದ್ಧವು ಬಾಲಿವುಡ್ ಸಿನಿಮಾ ಅಲ್ಲ, ಅದು ಎರಡು ದೇಶಗಳ ಗಂಭೀರ ವ್ಯವಹಾರ, ದಾಳಿಗಳಲ್ಲಿ ಮಕ್ಕಳು ತಮ್ಮ ಹೆತ್ತವರನ್ನು ಕಳೆದುಕೊಂಡಿದ್ದಾರೆ,

 ಯುವಕರು, ಮಕ್ಕಳೆಲ್ಲಾ ಶೆಲ್ ದಾಳಿಗೆ ಒಳಗಾಗಿದ್ದಾರೆ. ಯುದ್ಧಗಳು ಜನರನ್ನು ಹೇಗೆ ಆಘಾತಗೊಳಿಸಬಹುದು ಎಂಬುದಕ್ಕೆ ಇದು ಉದಾಹರಣೆಯಾಗಿದೆ, ಯುದ್ಧದಿಂದ ವ್ಯವಹಾರದ ನಷ್ಟಗಳು ಕೂಡ ಸಂಭವಿಸಿವೆ ಎಂದರು.

ಯುದ್ಧದ ಆರ್ಥಿಕ ನಷ್ಟದ ಬಗ್ಗೆ ಮಾತನಾಡುತ್ತಾ, ಲಕ್ಷಾಂತರ ಡಾಲರ್ ಮೌಲ್ಯದ ಮಿಲಿಟರಿ ಉಪಕರಣಗಳ ನಷ್ಟ ಮತ್ತು ಯುದ್ಧಗಳು \ ಆರ್ಥಿಕ ಹೊರೆಯನ್ನು ಹೇಗೆ ಉಂಟು ಮಾಡುತ್ತವೆ ಎಂಬುದರ ಬಗ್ಗೆ ಹೇಳಿದರು. ಸಂಘರ್ಷವನ್ನು ತಪ್ಪಿಸಲು ರಕ್ಷಣೆ ಮತ್ತು ಮಿಲಿಟರಿಯಲ್ಲಿ ಹೂಡಿಕೆ ಮಾಡುವುದು ಮುಖ್ಯ.

ಶಿಕ್ಷಣ, ಆರೋಗ್ಯ ಮತ್ತು ನೈರ್ಮಲ್ಯಕ್ಕೆ ವಿರುದ್ಧವಾಗಿ ರಕ್ಷಣೆಗೆ ಎಷ್ಟು ಹಣ ಖರ್ಚು ಮಾಡಬೇಕೆಂಬ ಚರ್ಚೆ ಬಹಳ ಹಿಂದಿನಿಂದಲೂ ಇದೆ. ರಕ್ಷಣಾ ವೆಚ್ಚವು ವ್ಯರ್ಥವಾಗುವುದಿಲ್ಲ. ಬದಲಾಗಿ ದೇಶಕ್ಕೆ ಅಗತ್ಯವಿದೆ. ಯುದ್ಧವು ದುಬಾರಿಯಾಗಿದೆ ಮತ್ತು ಅದರ ಪರಿಣಾಮಗಳು ಇನ್ನೂ ಹೆಚ್ಚು ದುಬಾರಿಯಾಗಿದೆ. ಆದ್ದರಿಂದ, ಅಂತಹ ಹೂಡಿಕೆ ರಾಷ್ಟ್ರೀಯ ಭದ್ರತೆಗೆ ನಿರ್ಣಾಯಕವಾಗಿದೆ ಎಂದು ಅವರು ಹೇಳಿದರು.