ರಾಜಕಾರಣಿ ಜೊತೆ ಮಲಗುವಂತೆ ಹೆಂಡತಿಗೆ ಒತ್ತಾಯ: ನೋ ಎಂದಿದ್ದಕ್ಕೆ 6 ಬಾರಿ ತಲಾಖ್ ಎಂದ ಗಂಡ..!

ಬೆಂಗಳೂರು: ರಾಜ್ಯದಲ್ಲಿ ‘ತ್ರಿವಳಿ ತಲಾಖ್’ ಇನ್ನೂ ಜೀವಂತವಾಗಿದೆ.ದೇಶದಲ್ಲಿ ನಿಷೇಧವಿರುವ ತಲಾಖ್ ರಾಜ್ಯದಲ್ಲಿ ಮತ್ತೇ ಸದ್ದು ಮಾಡಿದೆ. ಮಹಿಳೆಯೋರ್ವಳು ಸೈಕೋ ಪತಿಯ ವರ್ತನೆಯಿಂದ ಬೇಸತ್ತು ಠಾಣಾ ಮೆಟ್ಟಿಲೇರಿದ್ದಾಳೆ. ವೈಶ್ಯಾವಾಟಿಕೆಗೆ ಒಪ್ಪದ ಹಿನ್ನೆಲೆ 6 ಭಾರೀ ತಲಾಖ್ ನೀಡಲಾಗಿದೆ ಎಂದು ನೊಂದ ಪತ್ನಿಯಿಂದ ಪತಿಯ ವಿರುದ್ಧ ಬನಶಂಕರಿ ಠಾಣೆಗೆ ದೂರು ನೀಡಲಾಗಿದೆ.

ಯುನುಸ್ ಪಾಶಾ ವಿರುದ್ಧ ಪತ್ನಿ ಹಲೀಮಾ ಸಾದೀಯಾರಿಂದ ದೂರು ನೀಡಲಾಗಿದ್ದು, ಸಂತ್ರಸ್ತೆಯು 25-6-2021 ರಂದು ಆರೋಪಿ ಯೂನಸ್ ಪಾಷಾನನ್ನು ವಿವಾಹವಾಗಿದ್ದರು. ಇದಾದ ಸುಮಾರು 4 ತಿಂಗಳ ನಂತರ ಆರೋಪಿಗಳಾದ ಯೂನಸ್ ಪಾಷಾ, ಆತನ ತಂದೆ ಚಿಂದ್ ಪಾಷಾ, ತಾಯಿ ಪಹೀನ್ ತಾಜ್ ಸೇರಿಕೊಂಡು ಸಂತ್ರಸ್ತೆಗೆ ಹಿಂಸೆ ನೀಡಲು ಆರಂಭಿಸಿದ್ದಾರೆ. ಈ ಮಧ್ಯೆ, ಸಂತ್ರಸ್ತೆಯು ಗರ್ಭವತಿಯಾಗಿದ್ದು,

ಯೂನಸ್ ಪಾಷಾ ಆಕೆಯ ಹೊಟ್ಟೆಯ ಮೇಲೆ ಒದ್ದು ಹಲ್ಲೆ ಮಾಡಿದ್ದ. 17-12-2021 ರಂದು ಸಂತ್ರಸ್ತೆಯನ್ನು ಹೆದರಿಸಿ ಮತ್ತು ಒತ್ತಾಯಪಡಿಸಿ ಗರ್ಭಪಾತ ಮಾಡಿಸಿದ್ದಾನೆ ಎಂದು ಎಫ್​ಐಆರ್​​ನಲ್ಲಿ ಉಲ್ಲೇಖಿಸಲಾಗಿದೆ. ನಡವಳಿಕೆಗಳನ್ನು ಪ್ರಶ್ನಿಸಿದರೆ ಯೂನಸ್ ಪಾಷಾ ಆಯುಧಗಳನ್ನು ತೋರಿಸಿ ಬೆದರಿಕೆ ಹಾಕುತ್ತಿದ್ದ. ಪತ್ನಿಯ ತಲೆಗೆ ಗನ್ ಇಟ್ಟು ಹೆದರಿಸುತ್ತಿದ್ದ. ಅಷ್ಟೇ ಅಲ್ಲದೆ, ಸಂತ್ರಸ್ತೆಯ ತಂದೆ ಮತ್ತು ಕುಟುಂಬದವರನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕುತ್ತಾ ಬರುತ್ತಿದ್ದ.

2023 ರಲ್ಲಿ ಸಂತ್ರಸ್ತೆ ಮೇಲೆ ಗಂಭೀರ ಹಲ್ಲೆ ಮಾಡಿದ್ದ ಎಂದು ಎಫ್​ಐಆರ್​​ನಲ್ಲಿ ತಿಳಿಸಲಾಗಿದೆ. ಯೂನಸ್ ಪಾಷಾಗೆ ರಾಜಕಾರಣಿಗಳು, ಸ್ಥಳೀಯ ರೌಡಿಗಳ ನಂಟು ಇದೆ. ಆರೋಪಿಯು ಸಂತ್ರಸ್ತೆಯನ್ನು ಆತನ ರಾಜಕಾರಣಿ ಸ್ನೇಹಿತನಿಗೆ ಮಾರಾಟ ಮಾಡಲು ಪ್ರಯತ್ನಿಸುತ್ತಿದ್ದಾನೆ ಎಂಬುದು ಕೆಲವು ತಿಂಗಳ ಹಿಂದೆ ತಿಳಿದು ಬಂದಿದೆ. ಇದರಿಂದ ಭಯಗೊಂಡ ಸಂತ್ರಸ್ತೆಯು ಕಳೆದ ಎರಡು ತಿಂಗಳುಗಳಿಂದ ಗಂಡನ ಮನೆ ಬಿಟ್ಟು ಬಂದು ತಾಯಿ ಮನೆಯಲ್ಲಿ ವಾಸವಿದ್ದಾರೆ ಎಂದು ಎಫ್​ಐಆರ್​​​ನಲ್ಲಿ ಉಲ್ಲೇಖವಾಗಿದೆ.