ರಾಹುಲ್ ಗಾಂಧಿ 40 ಬಾರಿ ಲಾಂಚ್ ಆಗಿದ್ದಾರೆ, ಆದ್ರು ಜನ ತಿರಸ್ಕಾರ ಮಾಡಿದ್ದಾರೆ: ಜೋಶಿ ಟೀಕೆ

ಹುಬ್ಬಳ್ಳಿ: ರಾಹುಲ್ ಗಾಂಧಿ 40 ಬಾರಿ ಲಾಂಚ್ ಆಗಿದ್ದಾರೆ, ಆದ್ರು ಜನ ತಿರಸ್ಕಾರ ಮಾಡಿದ್ದಾರೆ‌ ಎಂದು ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ಟೀಕಿಸಿದ್ದಾರೆ. ನಗರದಲ್ಲಿ ಮಾತನಾಡಿದ ಅವರು, ದೇಶ ಆರ್​​ಎಸ್​​ಎಸ್ ಸಿದ್ಧಾಂತವನ್ನು ಸ್ವೀಕಾರ ಮಾಡಿದೆ.

ಕಾಂಗ್ರೆಸ್ ಪಕ್ಷದ ಸಿದ್ಧಾಂತವನ್ನು ದೇಶದ ಜನರು ತಿರಸ್ಕಾರ ಮಾಡಿದ್ದಾರೆ. ರಾಹುಲ್ ಗಾಂಧಿ 40 ಬಾರಿ ಲಾಂಚ್ ಆಗಿದ್ದಾರೆ. ಆದರೂ ಜನ ತಿರಸ್ಕಾರ ಮಾಡಿದ್ದಾರೆ‌ ಎಂದು ಟೀಕಿಸಿದರು.

ಜನೌಷಧಿ ಕೇಂದ್ರದ ಬ್ಯಾನರ್ ಮೇಲೆ ಪ್ರಧಾನಿಗಳ ಭಾವಚಿತ್ರ ಇದೆ ಎಂಬ ಕಾರಣಕ್ಕೆ ರಾಜ್ಯದಲ್ಲಿ ಜನೌಷಧಿ ಕೇಂದ್ರವನ್ನು ಬಂದ್ ಮಾಡಿದ್ದಾರೆ. ಕೂಡಲೇ ರಾಜ್ಯ ಸರ್ಕಾರ ಈ ಕೇಂದ್ರಗಳನ್ನು ಆರಂಭ ಮಾಡಬೇಕು. ಇಲ್ಲದಿದ್ದರೆ ಬಿಜೆಪಿ ಹೋರಾಟ ಮಾಡುತ್ತದೆ ಎಂದು ಎಚ್ಚರಿಕೆ ನೀಡಿದರು.