ಅಶ್ಲೀಲ ಸನ್ನೆ ತೋರಿಸಿದ ವ್ಯಕ್ತಿಯ ಕೆನ್ನೆಗೆ ಹೊಡೆದ ಖ್ಯಾತ ನಟಿ..!

ಮುಂಬೈ: ‘ದಂಗಲ್’ ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿ ಖ್ಯಾತಿಯನ್ನೂ ಪಡೆದ ನಟಿ ಫಾತಿಮಾ ಸನಾ ಶೇಖ್, ಇತ್ತೀಚೆಗಿನ ಸಂದರ್ಶನವೊಂದರಲ್ಲಿ ತಮ್ಮ ಮೇಲಾದ ಲೈಂಗಿಕ ಕಿರುಕುಳದ ಅನುಭವವನ್ನು ಬಹಿರಂಗಪಡಿಸಿದ್ದಾರೆ.

ಕೊವಿಡ್ ಸಾಂಕ್ರಾಮಿಕದ ಅವಧಿಯಲ್ಲಿ ಈ ಘಟನೆ ನಡೆದಿದೆ. ‘ಹಾಟರ್‌ಫ್ಲೈ’ ಮಾಧ್ಯಮದೊಂದಿಗೆ ಮಾತನಾಡಿದ ನಟಿ, ಮಾಸ್ಕ್ ಧರಿಸಿದ್ದ ಕಾರಣದಿಂದ ಪೀಡಕ ವ್ಯಕ್ತಿಗೆ ತಾನು ಗುರುತಾಗದಂತೆ ಇದ್ದುದಾಗಿ ತಿಳಿಸಿದರು. ಆದರೆ ಆ ವ್ಯಕ್ತಿ ಟೆಂಪೋ ಡ್ರೈವರ್ ಆಗಿದ್ದು, ತಮಗೆ ಹಿಂಬಾಲಿಸಿಕೊಂಡು ಮನೆವರೆಗೂ ಬಂದು, ರಸ್ತೆಯಲ್ಲಿ ಅಶ್ಲೀಲ ಸನ್ನೆಗಳನ್ನು ಮಾಡುತ್ತಿದ್ದ ಎಂದು ತಿಳಿಸಿದ್ದಾರೆ.

ಅವರ ಹೇಳಿಕೆಯಲ್ಲಿ, ‘‘ಮತ್ತೆ ಅದೇ ವ್ಯಕ್ತಿ ಕಿರುಕುಳ ನೀಡಿದಾಗ ನಾನು ಅವನಿಗೆ ಹೊಡೆದೆ. ಅದರಿಂದ ಅವನು ಕೋಪಗೊಂಡು ನನ್ನ ಕಿವಿಯ ಕೆಳಗೆ ಬಲವಾಗಿ ಹೊಡೆದ. ನಾನು ಕೆಳಗೆ ಬಿದ್ದೆ’’ ಎಂದು ಹೇಳಿದ್ದಾರೆ.

ಫಾತಿಮಾ, ‘‘ಅವನ ಕಿರುಕುಳಕ್ಕೆ ಪ್ರತಿರೋಧಿಸಿದ ಪರಿಣಾಮ, ಅವನು ದೌರ್ಜನ್ಯ ಎಸಗಿದ. ಈ ಘಟನೆ ಬಳಿಕ ನಾನು ಹೆಚ್ಚು ಎಚ್ಚರಿಕೆಯಿಂದ ವರ್ತಿಸುತ್ತಿದ್ದೇನೆ. ಪ್ರತಿಕ್ರಿಯೆ ನೀಡುವಾಗ ಅದರ ಪರಿಣಾಮಗಳ ಬಗ್ಗೆ ಯೋಚಿಸಬೇಕಾಗುತ್ತದೆ’’ ಎಂದರು.

ಈ ವಿಷಯ ಬಹಿರಂಗಪಡಿಸುವ ಮೂಲಕ, ಮಹಿಳೆಯರ ಮೇಲೆ ನಡೆಯುವ ಲೈಂಗಿಕ ಕಿರುಕುಳವನ್ನು ಗಂಭೀರವಾಗಿ ಪರಿಗಣಿಸಬೇಕೆಂಬ ಸಂದೇಶವನ್ನು ಫಾತಿಮಾ ಕೊಟ್ಟಿದ್ದಾರೆ.