ದೇವರಿಗೆ ದೀಪ ಹಚ್ಚೋದು ಹೇಗೆ!? ಯಾವ ಸಮಯದಲ್ಲೇ ಹಚ್ಚಬೇಕು.! ಪೂರ್ಣ ಫಲ ಸಿಗಲು ಹೀಗೆ ಮಾಡಿ!

ಹಿಂದೂ ಧರ್ಮದಲ್ಲಿ ಪೂಜೆಗೆ ವಿಶೇಷ ಮಹತ್ವ. ಪ್ರತಿ ಹಿಂದೂ ಕುಟುಂಬಗಳಲ್ಲಿ ದೇವಾನುದೇವತೆಗಳನ್ನು ನಿರಂತರವಾಗಿ ಪೂಜಿಸಿಕೊಂಡು ಬರಲಾಗುತ್ತಿದೆ. ಈ ದೇವತಾರಾಧನೆಗೆ ಹಲವು ವಿಧಾನ, ನಿಯಮಗಳನ್ನು ಶಾಸ್ತ್ರ ಗ್ರಂಥಗಳಲ್ಲಿ ನೀಡಲಾಗಿದೆ. 

ಇವುಗಳಲ್ಲಿ ದೀಪ ಹಚ್ಚುವುದು ಒಂದೇ. ಪೂಜೆಯ ಸಮಯದಲ್ಲಿ ದೇವರಿಗೆ ಯಾವ ದೀಪವನ್ನು ಹಚ್ಚಬೇಕು ಎಂಬುದನ್ನು ಗಮನದಲ್ಲಿಟ್ಟುಕೊಂಡು ದೀಪವನ್ನು ಬೆಳಗಿಸುವಾಗ ಅನೇಕ ರೀತಿಯ ನಿಯಮಗಳನ್ನು ಮಾಡಲಾಗಿದೆ. ದೀಪವನ್ನು ಬೆಳಗಿಸುವಾಗ ಅನೇಕ ವಿಷಯಗಳ ಬಗ್ಗೆ ಎಚ್ಚರಿಕೆ ವಹಿಸುವುದು ಬಹಳ ಮುಖ್ಯ ಮತ್ತು ಹಾಗೆ ಮಾಡದಿರುವುದು ನಿಮಗೆ ಅಶುಭಕರ ಫಲವನ್ನು ನೀಡಬಹುದಾಗಿದೆ.

1. ದೇವರಿಗೆ ದೀಪವನ್ನು ಯಾವ ಸಮಯದಲ್ಲಿ ಹಚ್ಚಿಡಬೇಕು.?
ಜನರು ದೇವರಿಗೆ ದೀಪವನ್ನು ಬೆಳಗಿಸುವಾಗ ದೇವರ ಗದ್ದುಗೆಯ ಕೆಳಗೆ ದೀಪವನ್ನು ಹಚ್ಚಿಡುತ್ತಾರೆ. ದೀಪದಲ್ಲಿನ ಬತ್ತಿಗೆ ಬೆಂಕಿಯನ್ನು ಸ್ಪರ್ಶಿಸಿದಾಗ ಆ ದೀಪವನ್ನು ದೇವರ ಫೋಟೋ ಅಥವಾ ವಿಗ್ರಹದ ಬಲ ಭಾಗದಲ್ಲಿ ಅಥವಾ ಎಡ ಭಾಗದಲ್ಲಿ ಇಡುತ್ತಾರೆ. ಈ ತಪ್ಪನ್ನು ಯಾರು ಕೂಡ ಮಾಡಬಾರದು ಎಂದು ಹೇಳಲಾಗುತ್ತದೆ. ದೇವರ ಪೂಜೆಯನ್ನು ಮಾಡಿದಾಗ ದೇವರ ದೀಪವನ್ನು ಎಡ ಅಥವಾ ಬಲ ಭಾಗದಲ್ಲಿ ಇಡಬಾರದು.

ಬದಲಾಗಿ, ದೀಪವನ್ನು ದೇವರ ಮುಂದೆ ಇಡಬೇಕೆನ್ನುವ ನಿಯಮವಿದೆ. ದೇವರ ದೀಪವನ್ನು ಇಡುವ ಸ್ಥಳವನ್ನು ಹೊರತುಪಡಿಸಿ, ದೇವರಿಗೆ ದೀಪವನ್ನು ಹಚ್ಚಿಡುವ ಸಮಯವನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ದೇವರಿಗೆ ದೀಪವನ್ನು ಹಚ್ಚಬೇಕೆಂದಾದರೆ ಮುಂಜಾನೆ 5:00 ಗಂಟೆಯಿಂದ ಬೆಳಗ್ಗೆ 10:00 ಗಂಟೆಯವರೆಗಿನ ಸಮಯವನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ ನೀವು ಮುಸ್ಸಂಜೆ ಸಮಯದಲ್ಲಿ ದೇವರಿಗೆ ದೀಪವನ್ನು ಬೆಳಗುತ್ತಿದ್ದರೆ ಸಂಜೆ 5:00 ಗಂಟೆಯಿಂದ ಸಂಜೆ 7:00 ಗಂಟೆಯ ಒಳಗೆ ಯಾವಾಗ ಬೇಕಾದರೂ ದೀಪವನ್ನು ಹಚ್ಚಿಡಬಹುದು. ಸಂಜೆ 7:00 ಗಂಟೆಯ ನಂತರ ದೇವರಿಗೆ ದೀಪವನ್ನು ಹಚ್ಚುವುದು ಅಶುಭವೆಂದು ಪರಿಗಣಿಸಲಾಗುತ್ತದೆ.

2. ದೀಪವನ್ನು ಹಚ್ಚುವಾಗ ಈ ತಪ್ಪನ್ನು ಎಂದಿಗೂ ಮಾಡಬೇಡಿ:
- ದೇವರಿಗೆ ದೀಪವನ್ನು ಹಚ್ಚುವಾಗ ಜನರು ಸಾಮಾನ್ಯವಾಗಿ ತುಂಡಾದ ಅಥವಾ ಸಣ್ಣ ಬತ್ತಿಯನ್ನು ಬಳಸುತ್ತಾರೆ. ಈ ರೀತಿಯಾದ ಬತ್ತಿಯನ್ನು ನೀವು ದೇವರ ದೀಪಕ್ಕೆ ಇಡಲೇಬಾರದು.
- ತುಂಡಾದ ಬತ್ತಿಯಿಂದ ದೀಪವನ್ನು ಹಚ್ಚುವುದಾಗಲಿ ಅಥವಾ ಒಂದು ದೀಪದಿಂದ ಇನ್ನೊಂದು ದೀಪವನ್ನು ಹಚ್ಚುವುದನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಈ ತಪ್ಪನ್ನು ಮಾಡುವುದರಿಂದ ಲಕ್ಷ್ಮಿ ದೇವಿಯು ನಿಮ್ಮ ಮೇಲೆ ಕೋಪಿಸಿಕೊಳ್ಳುತ್ತಾಳೆ.

ದೇವರಿಗೆ ದೀಪವನ್ನು ಹಚ್ಚುವಾಗ ಅದಕ್ಕೆ ಬಳಸುವ ಬತ್ತಿಯ ಬಗ್ಗೆ ಸಂಪೂರ್ಣ ಗಮನವಿರಲಿ.
- ದೇವರಿಗೆ ತುಪ್ಪದ ದೀಪವನ್ನು ಹಚ್ಚುವುದಾದರೆ ಹತ್ತಿಯ ಬತ್ತಿಯನ್ನು, ದೇವರಿಗೆ ಎಣ್ಣೆಯ ದೀಪವನ್ನು ಹಚ್ಚುವುದಾದರೆ ಹತ್ತಿಯ ಬತ್ತಿಯ ಬದಲು ಕೆಂಪು ದಾರವನ್ನು ಉಪಯೋಗಿಸಬೇಕು ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ.

ದೇವರಿಗೆ ನೀವು ದೀಪವನ್ನು ಹಚ್ಚುವ ಸಮಯದಲ್ಲಿ ಈ ಮೇಲಿನ ಎಲ್ಲಾ ವಿಚಾರಗಳನ್ನು ಗಮನದಲ್ಲಿಟ್ಟುಕೊಂಡು ದೇವರಿಗೆ ದೀಪವನ್ನು ಹಚ್ಚಿಡಬೇಕು. ಇಲ್ಲದಿದ್ದರೆ ನೀವು ಅದರಿಂದ ಅಶುಭ ಫಲಿತಾಂಶಗಳನ್ನು ಪಡೆದುಕೊಳ್ಳುತ್ತೀರಿ. ಇದು ನಿಮ್ಮ ಜೀವನದಲ್ಲಿ ಅನೇಕ ರೀತಿಯ ಸಮಸ್ಯೆಗಳನ್ನು ಸೃಷ್ಟಿಸಬಹುದು.