ಭಕ್ತರು ದೇವಸ್ಥಾನಕ್ಕೆ ಯಾವ ದಿನ.? ಯಾವ ಸಮಯದಲ್ಲಿ ಹೋದರೆ ಶುಭ ಗೊತ್ತಾ?

ಪ್ರತಿದಿನ ದೀಪ ಹಚ್ಚಿ ಇಷ್ಟ ದೇವರುಗಳನ್ನು ಪ್ರಾರ್ಥಿಸುವುದು ಹಿಂದೂಗಳ ಧಾರ್ಮಿಕ ನಂಬಿಕೆ. ಜೈನರು, ಬೌದ್ಧರು ಕೂಡ ಪೂಜೆಯನ್ನು ಮಾಡುತ್ತಾರೆ. ಪ್ರತಿದಿನವೂ ಒಂದೊಂದು ದೇವರನ್ನು ಪೂಜಿಸಲಾಗುವುದು.

ಕೆಲವು ವಿಶೇಷ ಸಂದರ್ಭಗಳಲ್ಲಿ ವಿಶೇಷ ಪೂಜೆಯನ್ನು ಕೂಡ ಸಲ್ಲಿಸಲಾಗುವುದು. ನಿತ್ಯವೂ ಆಯಾ ದಿನಕ್ಕೆ ಅನುಗುಣವಾಗಿ ಆಯಾ ದೇವರನ್ನು ಪೂಜಿಸುತ್ತೇವೆ. ಉದಾಹರಣೆಗೆ, ಸೋಮವಾರ ಶಿವನನ್ನು, ಮಂಗಳವಾರ ಆಂಜನೇಯ ಸ್ವಾಮಿಯನ್ನು, ಬುಧವಾರ ಗಣಪತಿ ಮತ್ತು ದುರ್ಗಾ ದೇವಿಯನ್ನು, ಗುರುವಾರ ರಾಘವೇಂದ್ರ ಸ್ವಾಮಿ/ ಭಗವಾನ್‌ ವಿಷ್ಣು/ ಸಾಯಿಬಾಬಾರನ್ನು, ಶುಕ್ರವಾರ ಕಾಳಿ ಮತ್ತು ಲಕ್ಷ್ಮಿ ದೇವಿಯನ್ನು ಶನಿವಾರ ಶನಿ ದೇವನನ್ನು ಹಾಗೂ ಭಾನುವಾರ ಸೂರ್ಯ ದೇವನನ್ನು ಇದರೊಂದಿಗೆ ಶ್ರೀಹರಿಯನ್ನು ಕೂಡ ಈ ದಿನ ಪೂಜಿಸಲಾಗುತ್ತದೆ. ಪ್ರತೀ ದೇವರಿಗೂ ನಿಗದಿತ ಸಮಯದಲ್ಲಿ ಪೂಜೆಯನ್ನು ಮಾಡಲಾಗುತ್ತದೆ. ದೇವಸ್ಥಾನದಲ್ಲಿ ಪೂಜೆಯ ವಿಧಿ - ವಿಧಾನಗಳೂ ಭಿನ್ನವಾಗಿರುತ್ತದೆ. 

1. ದೇವರ ಪೂಜೆಗೆ ಗುರುವಾರವೇಕೆ ಉತ್ತಮ.?

ಗುರುವಾರ. ಹಿಂದೂ ಧರ್ಮಗ್ರಂಥಗಳ ಪ್ರಕಾರ, ಈ ದಿನವನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ಪ್ರತಿಯೊಬ್ಬರೂ ಪ್ರತಿ ಗುರುವಾರ ದೇವಸ್ಥಾನಕ್ಕೆ ಹೋಗಿ ಪೂಜೆ, ಪ್ರಾರ್ಥನೆ ಅಥವಾ ಧ್ಯಾನ ಮಾಡಬೇಕು. ನಿಮಗೆ ವಾರದ ಯಾವ ದಿನಗಳಲ್ಲಿ ದೇವಸ್ಥಾನಕ್ಕೆ ಹೋಗಲು ಸಾಧ್ಯವಾಗದೇ ಇದ್ದರೂ ಗುರುವಾರದ ದಿನದಂದು ಒಮ್ಮೆ ದೇವಸ್ಥಾನಕ್ಕೆ ಭೇಟಿ ನೀಡಿ.

2. ಯಾವ ಸಮಯದಲ್ಲಿ ದೇವಸ್ಥಾನಕ್ಕೆ ಭೇಟಿ ನೀಡಬೇಕು.?

ಸೂರ್ಯ ಮತ್ತು ನಕ್ಷತ್ರಗಳಿಲ್ಲದ ಹಗಲು ಮತ್ತು ರಾತ್ರಿಯ ಸಂಯೋಗವನ್ನು ತತ್ವದರ್ಶಿ ಋಷಿಗಳು ಮುಸ್ಸಂಜೆ ಸಮಯವೆಂದು ಹೇಳಿದ್ದಾರೆ. ಸಂಜೆಯ ಪೂಜೆಯನ್ನು ‘ಸಂಧ್ಯೋಪಾಸನ’ ಎಂದೂ ಕರೆಯುತ್ತಾರೆ. ಸಂಧ್ಯಾಕಾಲದಲ್ಲಿ ಮಾತ್ರ ಸಂಜೆ ಪೂಜೆ ನಡೆಯುತ್ತದೆ. ವಾಸ್ತವವಾಗಿ, ದೇವಸ್ಥಾನದಲ್ಲಿ 5 ಬಾರಿ ದೇವರಿಗೆ ಪೂಜೆಯನ್ನು ನೆರವೇರಿಸಲಾಗುತ್ತದೆ. ಅದರಲ್ಲೂ ಸಂಧ್ಯಾಕಾಲ ಅಂದರೆ ಈಗಾಗಲೇ ಹೇಳಿರುವಂತೆ ಹಗಲು ಕಳೆಯುವ ಸಮಯ ಮತ್ತು ರಾತ್ರಿ ಹುಟ್ಟುವ ಸಮಯವನ್ನು ಪೂಜೆಗೆ, ದೇವಸ್ಥಾನಗಳಿಗೆ ಭೇಟಿ ನೀಡುವುದಕ್ಕೆ ತುಂಬಾನೇ ಒಳ್ಳೆಯ ಸಮಯವೆಂದು ಹೇಳಲಾಗಿದೆ.

ಸಮಯದಲ್ಲಿ ದೇವಸ್ಥಾನದಲ್ಲಿ ಅಥವಾ ಏಕಾಂತದಲ್ಲಿ ನಿರಾಕಾರ ದೇವರಿಗೆ ಗಾಯತ್ರಿ ಶ್ಲೋಕಗಳಿಂದ ಪ್ರಾರ್ಥನೆಗಳನ್ನು ಮಾಡಲಾಗುತ್ತದೆ. ಇದನ್ನು ಮಾಡುವ ಮೊದಲು ಸ್ನಾನ, ಮಲವಿಸರ್ಜನೆ, ಪ್ರಾಣಾಯಾಮ ಇತ್ಯಾದಿಗಳನ್ನು ಮಾಡಿ ದೇವರಿಗೆ ಆಚಮನ ಮಾಡುವ ಮೂಲಕ ಪೂಜೆಯನ್ನು ಪ್ರಾರಂಭಿಸಬೇಕು. ಮಧ್ಯಾಹ್ನ 12 ರಿಂದ ಸಂಜೆ 4 ಗಂಟೆಯವರೆಗೆ ದೇವಸ್ಥಾನಕ್ಕೆ ಹೋಗುವುದು, ಪೂಜೆ, ಆರತಿ ಮತ್ತು ಪ್ರಾರ್ಥನೆ ಇತ್ಯಾದಿಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ, ಅಂದರೆ ಬೆಳಿಗ್ಗೆ 11 ಗಂಟೆಗೆ ಮೊದಲು ದೇವಸ್ಥಾನಕ್ಕೆ ಬರುವುದು ಅಥವಾ ಮಧ್ಯಾಹ್ನ 4 ಗಂಟೆಯ ನಂತರ ದೇವಸ್ಥಾನಕ್ಕೆ ಹೋಗುವುದು ತುಂಬಾನೇ ಪ್ರಯೋಜನಕಾರಿಯಾಗಿರುತ್ತದೆ. 

ಗುರುವಾರದ ದಿನದಂದು ದೇವಸ್ಥಾನಗಳಿಗೆ ಭೇಟಿ ನೀಡುವುದು ತುಂಬಾನೇ ಮಂಗಳಕರವಾಗಿರುತ್ತದೆ. ಹಾಗೂ ದೇವಸ್ಥಾನಕ್ಕೆ ನೀವು ಬೆಳಗ್ಗೆ 11 ಗಂಟೆಯ ಒಳಗೆ ಮತ್ತು ಸಂಜೆ 4 ಗಂಟೆಯ ನಂತರ ಭೇಟಿ ನೀಡಬೇಕು.