BBK 11 Grand Finale: ಟ್ರೋಫಿ ಬಿಟ್ಟು ಸೂಟ್ ಕೇಸ್’ಗೆ ಕೈ ಹಾಕ್ತಾರಾ ಫಿನಾಲೆ ಸ್ಪರ್ಧಿಗಳು..!?

ಬಿಗ್ ಬಾಸ್ ಕನ್ನಡ ಸೀಸನ್ 11’ರ ಫಿನಾಲೆಗೆ ಕಿಚ್ಚ ಸುದೀಪ್​​ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದ್ದಾರೆ. ಗ್ರ್ಯಾಂಡ್ ಫಿನಾಲೆಯ ಎರಡನೇ ದಿನವಾದ ಇಂದು ಬಿಗ್​ ಬಾಸ್​​​ ವಿಜೇತರು ಯಾರು ಎಂಬುದು ಘೋಷಣೆಯಾಗಲಿದೆ.

ಅದಲ್ಲದೆ 20 ಲಕ್ಷ ಹಣ ಬೇಕಿದ್ದರೆ ಟ್ರೋಫಿ ತ್ಯಾಗ ಮಾಡಿ, ಆಟವನ್ನು ಅರ್ಧಕ್ಕೆ ನಿಲ್ಲಿಸಿ ಹೋಗಬಹುದು ಎಂಬ ಅವಕಾಶವನ್ನು ಬಿಗ್​ ಬಾಸ್​​ 5 ಫೈನಲಿಸ್ಟ್​​​ಗೆ ನೀಡಿದೆ. ಬಿಗ್​ಬಾಸ್​ ಮನೆಯಲ್ಲಿ ಟಾಪ್​ 5 ಫೈನಲಿಸ್ಟ್​ಗಳಿಗೆ ಗ್ರ್ಯಾಂಡ್ ಫಿನಾಲೆ ವೇದಿಕೆ ಮೇಲೆ ಕಿಚ್ಚ ಸುದೀಪ್​ ಶಾಕ್​ ಕೊಟ್ಟಿದ್ದಾರೆ. ಹೌದು, ರಿಲೀಸ್​ ಆಗಿರೋ ಹೊಸ ಪ್ರೋಮೋದಲ್ಲಿ ಕಿಚ್ಚ ಸುದೀಪ್​ ಬಿಗ್​ಬಾಸ್​ ಮನೆಯ ಒಳಗಡೆ ಒಂದು ಸೂಟ್‍‍ಕೇಸ್‍ ಕಳುಹಿಸಿದ್ದಾರೆ. ಜೊತೆಗೆ ಆ ಸೂಟ್‍‍ಕೇಸ್‍ನಲ್ಲಿ ಹಣವನ್ನು ಇಟ್ಟಿದ್ದಾರೆ.

ಮನೆಗೆ ಒಳಗಡೆ ಸೂಟ್‍‍ಕೇಸ್‍ ಕಳುಹಿಸಿದ ಕಿಚ್ಚ, ಹೊಸ ಟ್ವಿಸ್ಟ್​ ಎನ್ನುತ್ತಲೇ ಈಗ ನಿಮ್ಮ ಮುಂದೆ ಒಂದು ಸೂಟ್‍‍ಕೇಸ್‍ ಇದೆ. ಈ ಸೂಟ್‍‍ಕೇಸ್‍ನಲ್ಲಿ ಒಂದಿಷ್ಟು ಹಣ ಇದೆ. ಈ ಸಂದರ್ಭದಲ್ಲಿ ನಿಮ್ಮಲ್ಲಿ ಯಾರಾದ್ರೂ ಒಬ್ಬರು ಸೂಟ್‍‍ಕೇಸ್‍ ಅನ್ನು ತೆಗೆದುಕೊಂಡು ಹೋಗಬಹುದು. ಹೊರಗಡೆ ಒಂದು ಕಾರು ರೆಡಿ ಇದೆ. ಕಾರು ಹತ್ತಿ ನೇರವಾಗಿ ಮನೆಗೆ ಹೋಗಬಹುದು ಎಂದಿದ್ದಾರೆ. ಆಗ ಬಿಗ್​ಬಾಸ್ ಟಾಪ್​ 5 ಫೈನಲಿಸ್ಟ್​ಗಳು ಒಬ್ಬರಿಗೊಬ್ಬರು ಮುಖವನ್ನು ನೋಡಿಕೊಂಡಿದ್ದಾರೆ. ಆಗ ಏಕಾಏಕಿ ರಜತ್​ ಎದ್ದು ಸೂಟ್‍‍ಕೇಸ್‍ ಎತ್ತಿಕೊಳ್ಳುವಂತೆ ಪ್ರೋಮೋದಲ್ಲಿ ತೋರಿಸಲಾಗಿದೆ.