Virat Kohli: ವಿರಾಟ್ ಕೊಹ್ಲಿ ಟೀ20-ಟೆಸ್ಟ್’ಗೆ ವಿದಾಯ: ಇನ್ನು 24 ಏಕದಿನ ಪಂದ್ಯಗಳೇ ಮಾತ್ರ ಅವಕಾಶ!

ಟೀಮ್ ಇಂಡಿಯಾದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಅವರು ಟಿ20 ಹಾಗೂ ಟೆಸ್ಟ್ ಕ್ರಿಕೆಟ್‌ಗೆ ಅಧಿಕೃತವಾಗಿ ವಿದಾಯ ಹೇಳಿದ್ದಾರೆ. 2024ರ ಟಿ20 ವಿಶ್ವಕಪ್ ಫೈನಲ್ ಬಳಿಕ ಟಿ20 ಕ್ರಿಕೆಟ್‌ನಿಂದ ನಿವೃತ್ತಿ ಘೋಷಿಸಿದ್ದ ಕೊಹ್ಲಿ, ಕೆಲ ದಿನಗಳ ಹಿಂದಷ್ಟೇ ಟೆಸ್ಟ್ ಕ್ರಿಕೆಟ್‌ಗೂ ಗುಡ್‌ಬೈ ಹೇಳಿದ್ದಾರೆ. ಆದರೆ, ವಿರಾಟ್ ಕೊಹ್ಲಿ ತಮ್ಮ ಅಂತಾರಾಷ್ಟ್ರೀಯ ಕ್ರಿಕೆಟ್ ಜೀವಿತದಲ್ಲಿ ಇನ್ನೂ ಏಕದಿನ ಕ್ರಿಕೆಟ್ (ODI) ಮೂಲಕ ಮುಂದುವರಿಯಲಿದ್ದಾರೆ. ಮುಂದಿನ 2027ರ ಏಕದಿನ ವಿಶ್ವಕಪ್ವರೆಗೆ ಮಾತ್ರ ಅವರು ಭಾರತ ಪರ ಆಡಲಿರುವ ಸಾಧ್ಯತೆ ಹೆಚ್ಚಿದೆ ಎನ್ನಲಾಗಿದೆ.

ಬಿಸಿಸಿಐ ಬಿಡುಗಡೆ ಮಾಡಿದ ವೇಳಾಪಟ್ಟಿಯ ಪ್ರಕಾರ, ಕೊಹ್ಲಿ ಇನ್ನು ಮುಂದಿನ ಎರಡು ವರ್ಷಗಳಲ್ಲಿ ಭಾರತ ಪರ ಕಣಕ್ಕಿಳಿಯಲಿರುವುದು ಕೇವಲ 24 ಏಕದಿನ ಪಂದ್ಯಗಳು. ಈ ಹಿಂದೆ ಭಾರತ 27 ಪಂದ್ಯಗಳನ್ನು ಆಡಬೇಕಿತ್ತು, ಆದರೆ ಬಾಂಗ್ಲಾದೇಶ್ ವಿರುದ್ಧದ 3 ಏಕದಿನ ಪಂದ್ಯಗಳ ಸರಣಿ ರದ್ದಾದ ಹಿನ್ನೆಲೆಯಲ್ಲಿ ಪಂದ್ಯಗಳ ಸಂಖ್ಯೆ 24ಕ್ಕೆ ಇಳಿದಿದೆ.

·         2025: ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ ವಿರುದ್ಧ ತಲಾ 3 ಪಂದ್ಯಗಳ ಸರಣಿ

·         2026: ನ್ಯೂಝಿಲೆಂಡ್, ಅಫ್ಘಾನಿಸ್ತಾನ್, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಶ್ರೀಲಂಕಾ ವಿರುದ್ಧ ತಲಾ 3 ಪಂದ್ಯಗಳ ಸರಣಿ

ಇವುಗಳಲ್ಲಿ 18 ಪಂದ್ಯಗಳು ಭಾರತದಲ್ಲಿ ನಡೆಯಲಿದ್ದು, ಕೊಹ್ಲಿಗೆ ದೇಶೀಯ ಅಭಿಮಾನಿಗಳ ಸಮ್ಮುಖದಲ್ಲಿ ತನ್ನ ಪ್ರತಿಭೆಯನ್ನು ಮತ್ತೊಮ್ಮೆ ತೋರಿಸಬಹುದಾದ ಅವಕಾಶ ಕಲ್ಪಿಸುತ್ತದೆ.

2026ರ ಟಿ20 ವಿಶ್ವಕಪ್ ಬಳಿಕ ವಿಶ್ವಕಪ್ 2027 ಭಾರತ ತಂಡದ ರೂಪುರೇಷೆ ಸ್ಪಷ್ಟವಾಗಲಿದ್ದು, ಕೊಹ್ಲಿಯ ಪಾಲಿಗೆ ವಿಶ್ವಕಪ್‌ಗಾದ ಅಂತಿಮ ಅವಕಾಶ ಇದಾಗಿರಬಹುದೆಂಬ ಅಂದಾಜುಗಳಿವೆ.

ಈ 24 ಪಂದ್ಯಗಳಲ್ಲಿ ಭರ್ಜರಿ ಪ್ರದರ್ಶನ ನೀಡುವುದು ಅವರ ಪಾಲಿಗೆ ಅತ್ಯಂತ ಪ್ರಮುಖವಾಗಿದೆ. ಏಕೆಂದರೆ ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆಯುವುದು ಈ ಪ್ರದರ್ಶನದ ಮೇಲೆ ಅವಲಂಬಿತವಾಗಿರಲಿದೆ.

ಟಿ20 ಹಾಗೂ ಟೆಸ್ಟ್‌ಗೆ ವಿದಾಯವಿದ ಕೊಹ್ಲಿಗೆ ಇನ್ನು ಟೀಮ್ ಇಂಡಿಯಾದ ಬಣ್ಣದಲ್ಲಿ ಕಣಕ್ಕಿಳಿಯಲು ಕೇವಲ 24 ಏಕದಿನ ಪಂದ್ಯಗಳಷ್ಟೇ ಉಳಿದಿವೆ. ಈ ಪಂದ್ಯಗಳ ಪ್ರತಿಯೊಂದೂ ಅವರ ಕ್ರಿಕೆಟ್ ವೃತ್ತಿಜೀವನದ ದೃಷ್ಟಿಯಿಂದ ನಿರ್ಣಾಯಕವಾಗಿದ್ದು, ವಿಶ್ವಕಪ್‌ಗಾದ ಕೊನೆಯ ಆಸೆಯನ್ನು ಜೀವಂತವಾಗಿಡುವ ಹೋರಾಟದಲ್ಲಿ ಕೊಹ್ಲಿ ಇಳಿಯಲಿದ್ದಾರೆ.