ಅಪ್ಪಿತಪ್ಪಿಯೂ ಶನಿವಾರ ಈ ಬಟ್ಟೆ ಧರಿಸಬಾರದಂತೆ! ಯಾಕೆ ಗೊತ್ತಾ!?

ಶನಿವಾರ ಶನಿದೇವನಿಗೆ ಮೀಸಲಾದ ದಿನ. ಈ ದಿನ ಶನಿದೋಷವಿರುವವರು ಹೆಚ್ಚಿನವರು ಉಪವಾಸವಿದ್ದು, ಶನಿಯ ಪೂಜೆ ಕೈಗೊಳ್ಳುತ್ತಾರೆ. ಶನೈಶ್ಚರ ದೇವಾಲಯಕ್ಕೆ ಭೇಟಿ ನೀಡಿ ಛಾಯಾಪಾತ್ರೆ ದಾನ, ಶನಿಗೆ ಸಂಬಂಧಿಸಿದ ವಸ್ತುಗಳ ದಾನವನ್ನು ಮಾಡುತ್ತಾರೆ. ಶನಿದೇವನಿಗೆಂದೇ ಅರ್ಪಿಸಲಾದ ಈ ವಿಶೇಷ ದಿನದಂದು ಯಾವ ಬಣ್ಣದ ಬಟ್ಟೆ ಧರಿಸಿದರೆ ಒಳ್ಳೆಯದು, ಈ ದಿನ ಶನಿಯನ್ನು ಸಂತುಷ್ಟಗೊಳಿಸಲು ಏನೇನು ಮಾಡಬೇಕು ಎನ್ನುವ ಮಾಹಿತಿ ಇಲ್ಲಿದೆ.

ಕಪ್ಪು ಶನಿಯ ಬಣ್ಣ. ಶನಿವಾರದಂದು ಕಪ್ಪು ಬಣ್ಣವನ್ನು ಧರಿಸುವುದರಿಂದ ಶನಿ ದೇವರ ಆಶೀರ್ವಾದವನ್ನು ಪಡೆಯಬಹುದು. ಈ ಬಣ್ಣವು ಜ್ಯೋತಿಷ್ಯದಲ್ಲಿ ಆಳವಾದ ಪ್ರಾಮುಖ್ಯತೆಯನ್ನು ಹೊಂದಿದೆ. ಬಣ್ಣವು ವ್ಯಕ್ತಿಯ ವ್ಯಕ್ತಿತ್ವದ ಗುಣಲಕ್ಷಣಗಳನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ. ಶನಿವಾರದಂದು ಕಪ್ಪು ಬಣ್ಣವನ್ನು ಧರಿಸುವುದರಿಂದ ಅನೇಕ ಪ್ರಯೋಜನಗಳು ಸಿಗುತ್ತದೆ.

ಕಪ್ಪು ಬಣ್ಣವು ಬಹಳ ಆಕರ್ಷಕವಾಗಿರುತ್ತದೆ. ಇದು ಗಾಢವಾದ ಬಣ್ಣವಾಗಿದ್ದು ಅದು ಎಲ್ಲರ ಗಮನವನ್ನು ತನ್ನತ್ತ ಸೆಳೆಯುತ್ತದೆ. ಆದ್ದರಿಂದ, ಈ ಗಾಢ ಬಣ್ಣವು ನಮ್ಮ ಜೀವನದ ವಿವಿಧ ಡಾರ್ಕ್ ಅಂಶಗಳನ್ನು ಪ್ರತಿನಿಧಿಸುತ್ತದೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಕಪ್ಪು ರಕ್ಷಣೆಯ ಬಣ್ಣವಾಗಿದೆ. ಇದು ವಿವಿಧ ನಕಾರಾತ್ಮಕ ಶಕ್ತಿಗಳ ವಿರುದ್ಧ ರಕ್ಷಣೆ ನೀಡುತ್ತದೆ. ಹಾಗಾಗಿ ಶನಿವಾರ ಕಪ್ಪು ಬಣ್ಣವನ್ನ ಧರಿಸುತ್ತಾರೆ. ಸಾಮಾನ್ಯವಾಗಿ ಜೀವನದಲ್ಲಿ ಕೆಟ್ಟ ಅಥವಾ ಅನೈತಿಕ ಕಾರ್ಯಗಳನ್ನು ಮಾಡಿದವರಿಗೆ ಶನಿಯು ಕಠಿಣ ಶಿಕ್ಷೆ ವಿಧಿಸುತ್ತಾನೆ. ಶನಿಯ ಕೆಂಗಣ್ಣಿಗೆ ಗುರಿಯಾಗಬಾರದು ಎಂದರೆ ಶನಿವಾರ ಕಪ್ಪು ಬಣ್ಣದ ಬಟ್ಟೆ ಧರಿಸಬೇಕು.

ಶನಿಗೆ ಕಪ್ಪು ಬಣ್ಣ ಏಕೆ ಇಷ್ಟ? ಶನಿಯ ತಾಯಿಯ ಹೆಸರು ಛಾಯಾ. ಗರ್ಭಿಣಿಯಾಗಿದ್ದ ಸಮಯದಲ್ಲಿ ಶಿವನ ಬಗ್ಗೆ ಕಠೋರ ತಪಸ್ಸು ಮಾಡುತ್ತಿದ್ದಳು. ಈ ಕಾರಣಕ್ಕಾಗಿ, ಗರ್ಭಾವಸ್ಥೆಯಲ್ಲಿ ತನ್ನ ಆರೋಗ್ಯವನ್ನು ಸರಿಯಾಗಿ ನೋಡಿಕೊಳ್ಳಲು ಸಾಧ್ಯವಾಗಲಿಲ್ಲ. ಪರಿಣಾಮವಾಗಿ, ಶನಿ ಹುಟ್ಟಿದಾಗ ಕಪ್ಪು ಮೈಬಣ್ಣ ಹೊಂದಿದ್ದ. ಹಾಗಾಗಿ ಶನಿಗೆ ಕಪ್ಪು ಬಣ್ಣ ಎಂದರೆ ಬಹಳ ಇಷ್ಟ.

ಶನಿವಾರದಂದು ಕಪ್ಪು ಬಣ್ಣವನ್ನು ಧರಿಸುವುದರಿಂದ ಶನಿ ದೇವರ ಆಶೀರ್ವಾದವನ್ನು ಪಡೆಯಬಹುದು. ಇದು ನಿಮ್ಮ ಜಾತಕದಲ್ಲಿ ಶನಿ ದೋಷ ಇದ್ದರೆ ಅಥವಾ ಸಾಡೇ ಸಾತಿ ಇತರ ಸಮಸ್ಯೆಗಳಿದ್ದರೆ ಅದಕ್ಕೆಲ್ಲಾ ಇದರಿಂದ ಪರಿಹಾರವನ್ನ ಪಡೆಯಬಹುದು. ಏಕೆಂದರೆ ಕಪ್ಪು ಬಣ್ಣವನ್ನು ಶನಿದೇವನಿಗೆ ಪ್ರಿಯವೆಂದು ಪರಿಗಣಿಸಲಾಗಿದೆ.

ಶನಿದೇವನಿಗೆ ನೀಲಿ ಮತ್ತು ಕಪ್ಪು ಬಣ್ಣದ ಬಟ್ಟೆ ಎಂದರೆ ತುಂಬಾ ಇಷ್ಟ. ಶನಿವಾರದಂದು ಶನಿದೇವನ ಆಶೀರ್ವಾದ ಪಡೆಯಲು ನೀವು ನೀಲಿ ಮತ್ತು ಕಪ್ಪು ಬಣ್ಣದ ಬಟ್ಟೆಗಳನ್ನು ಧರಿಸಬೇಕು. ಶನಿವಾರ ಕಪ್ಪು ಹಾಗೂ ನೀಲಿ ಬಣ್ಣದ ಬಟ್ಟೆ ಧರಿಸಿದರೆ ಎಲ್ಲಾ ಕ್ಷೇತ್ರಗಳಲ್ಲಿ ಯಶಸ್ವಿಯಾಗಬಹುದು. aಲ್ಲದೇ, ನೀವು ಶನಿವಾರದಂದು ಸಣ್ಣ ನೀಲಿ ಅಥವಾ ಕಪ್ಪು ಬಟ್ಟೆಯನ್ನು ತಮ್ಮ ಪರ್ಸ್‌ನಲ್ಲಿ ಇಟ್ಟುಕೊಂಡರೆ ಬಹಳಷ್ಟು ಒಳ್ಳೆಯ ಫಲಗಳು ಸಿಗುತ್ತದೆ ಎನ್ನುವ ನಂಬಿಕೆ ಇದೆ.

ಶನಿವಾರದಂದು ಕಪ್ಪು ಬಟ್ಟೆಯನ್ನು ಧರಿಸುವುದರಿಂದ ಶನಿ ಸಾಡೇ ಸತಿಯಿಂದ ಪರಿಹಾರವನ್ನು ಪಡೆಯಬಹುದು. ಅಲ್ಲದೇ, ನೀವು ಕಪ್ಪು ಬಟ್ಟೆಗಳನ್ನು ಧರಿಸುವುದು ಜ್ಯೋತಿಷ್ಯವು ಸಾಡೇ ಸತಿಯ ದುಷ್ಪರಿಣಾಮಗಳನ್ನು ಎದುರಿಸಲು ನಿಮಗೆ ಸಹಾಯ ಮಾಡುತ್ತದೆ. ಅಲ್ಲದೇ, ನೀವು ಯಾವುದಾದರೂ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದರೆ ಅದರಿಂದ ಸಹ ನೀವು ಪರಿಹಾರ ಪಡೆಯಬಹುದು.

ಆದರೆ ಶನಿವಾರ ಯಾವುದೇ ಕಾರಣಕ್ಕೂ ನೀವು ಕೆಂಪು ಬಣ್ಣದ ಬಟ್ಟೆಯನ್ನ ಧರಿಸಬಾರದು. ಅದರ ಜೊತೆಗೆ ನೀವು ಕೆಂಪು ಬಣ್ಣದ ಯಾವುದೇ ವಸ್ತುಗಳನ್ನ ಖರೀದಿ ಮಾಡಬಾರದು. ಇದರಿಂದ ನೀವು ಅನೇಕ ಸಮಸ್ಯೆಗಳನ್ನ ಅನುಭವಿಸಬೇಕಾಗುತ್ತದೆ. ಏಕೆಂದರೆ ಕೆಂಪು ಮಂಗಳನ ಬಣ್ಣ ಎನ್ನಲಾಗುತ್ತದೆ. ಮಂಗಳ ಹಾಗೂ ಶನಿಯ ನಡುವೆ ಉತ್ತಮ ಸಂಬಂಧವಿಲ್ಲ ಎನ್ನಲಾಗಿದೆ.