ಐಫೋನ್ ಗಾಗಿ ತನ್ನ ಮನೆಯಲ್ಲಿ ತಾನೇ ಕಳ್ಳನಾದ ಯುವಕ!

ಬಿಹಾರ:- ಇಲ್ಲಿನ ನಳಂದ ಜಿಲ್ಲೆಯಲ್ಲಿ ಪೋಷಕರು ಐಫೋನ್​ ಕೊಡಿಸಲು ನಿರಾಕರಿಸಿದ ಹಿನ್ನೆಲೆ ತನ್ನ ಮನೆಯಲ್ಲಿ ತಾನೇ ದರೋಡೆ ನಡೆಸಿದ ಘಟನೆ ಜರುಗಿದೆ.  ಶಿಕ್ಷಕ ತಂದೆ ಅಕ್ಟೋಬರ್​ 22 ರಂದು ನನ್ನ ಮನೆಯಲ್ಲಿ ದರೋಡೆ ನಡೆದಿದೆ. ಮಗನನ್ನು ಮನೆಯೊಳಕ್ಕೆ ಬೀಗ ಹಾಕಿ ಯಾರೋ ದರೋಡೆ ಮಾಡಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಶಿಕ್ಷಕನ ದೂರಿನ ಅನ್ವಯ ಪೊಲೀಸರು ತನಿಖೆ ನಡೆಸಿದ್ದಾರೆ. ಈ ವೇಳೆ ಮನೆ ಮಗನ ಮುಖವಾಡ ಕಳಚಿದೆ.

ತನಿಖೆಗೆ ಇಳಿದ ಪೊಲೀಸರಿಗೆ ನಾಲ್ವರು ಮನೆಯೊಳಕ್ಕೆ ನುಗ್ಗಿ ದರೋಡೆ ಮಾಡಿದ್ದಾರೆ ಎಂಬ ಸಂಗತಿ ಬಯಲಾಗಿದೆ. ಚಿನ್ನಾಭರಣ ಮತ್ತು ಬೆಳ್ಳಿ ಆಭರಣ ದೋಚಿರುವುದು ಬೆಳಕಿಗೆ ಬಂದಿದೆ. ಬಳಿಕ ಕೌಟುಂಬಿಕ ಕಲಹದಿಂದಾಗಿ ಈ ದರೋಡೆ ನಡೆದಿರಬಹುದೇ ಎಂಬ ಅನುಮಾನ ಪೊಲೀಸರಿಗೆ ಕಾಡಿದೆ. ಆದರೆ ಕೊನೆಗೆ ಅಪ್ರಾಪ್ತ ಮಗನಿಂದಲೇ ಈ ದರೋಡೆ ನಡೆದಿದೆ ಎಂಬುದು ಗೊತ್ತಾಗಿದೆ.​ಸದ್ಯ ಮನೆಮಗ ಮತ್ತು ಇಬ್ಬರು ಸ್ನೇಹಿತರನ್ನು ಪೊಲೀಸರು ಅರೆಸ್ಟ್​ ಮಾಡಿದ್ದಾರೆ.

ವೆಬ್ ಡೆಸ್ಕ್
ಫೋಕಸ್ ಕರ್ನಾಟಕ