ಕೊನೆಗೂ ಸಿಡಿದೆದ್ದ ಸಿದ್ದೇಗೌಡ್ರು ಹೆಂಡ್ತಿ! ತೊಂದರೆ ಕೊಡ್ತಿರೋ ಮನೆಯವರಿಗೆ ತಿರುಗೇಟು ಕೊಡ್ತಾಳಾ ಭಾವನಾ?

ಜನಪ್ರಿಯ ಧಾರಾವಾಹಿ *‘ಲಕ್ಷ್ಮೀ ನಿವಾಸ’*ದಲ್ಲಿ ನಡೆಯುತ್ತಿರುವ ತಿರುವುಗಳು ಇದೀಗ ಪ್ರೇಕ್ಷಕರ ಹೃದಯ ಗೆದ್ದಿವೆ. ಜಯಂತ್–ಜಾಹ್ನವಿ ಜೋಡಿಯಷ್ಟೇ, ಭಾವನಾ–ಸಿದ್ದೇಗೌಡ್ರ ಜೋಡಿಯನ್ನೂ ಅಭಿಮಾನಿಗಳು ಅಷ್ಟೇ ಪ್ರೀತಿಸುತ್ತಿದ್ದಾರೆ. ಮದುವೆಯಾದ ನಂತರ ಗಂಡನನ್ನು ದ್ವೇಷಿಸುತ್ತಿದ್ದ ಭಾವನಾ, ಸಿದ್ದೇಗೌಡ್ರ ಪ್ರಾಮಾಣಿಕತೆ ತಿಳಿದು ಪ್ರೀತಿಯನ್ನ ಅರಸಿಕೊಂಡಳು. ಆದರೆ ಈ ಪ್ರೀತಿ ನುಂಗಲಾರದ ಅತ್ತಿಗೆ ನೀಲು ಈಗ ಹೊಸ ಕುತಂತ್ರವೊಂದನ್ನು ರೂಪಿಸಿದ್ದಾಳೆ.

ಜ್ಯೋತಿಷ್ಯ ಆಟದಿಂದ ಆರಂಭವಾದ ಹೊಸ ಡ್ರಾಮಾ!

ನೀಲು, ಭಾವನಾ ಈ ಮನೆಗೆ ಕಂಟಕ ಎಂದು ಅತ್ತೆ–ಮಾವನ ಮನಸ್ಸಿನಲ್ಲಿ ವಿಷ ಬಿತ್ತಿದ್ದಾಳೆ. ಜ್ಯೋತಿಷಿಯೊಬ್ಬನನ್ನು ಕೂಡಾ ಬಳಸಿಕೊಂಡು, “ಭಾವನಾ ಜಾತಕ ಸರಿ ಇಲ್ಲ, ಸಿದ್ದೇಗೌಡ್ರಿಗೆ ಅನಿಷ್ಟವಾಗಬಹುದು” ಎಂದು ಸುಳ್ಳು ಹೇಳಿಸಿದಳು. ಈ ಹೇಳಿಕೆಯ ನಂತರ ಮನೆಯಲ್ಲಿ ಹೋಮ–ಹವನ, ಪೂಜೆಗಳ ಸುತ್ತಾಟ ಶುರುವಾಯಿತು. ಭಾವನಾ ತಾನು ದೋಷದ ಕಾರಣವಲ್ಲ ಎಂದು ನಂಬಿ ಪ್ರತಿದಿನ ದೇವಾಲಯಕ್ಕೆ ಹೋಗಿ ಉರುಳು ಸೇವೆ ಮಾಡುತ್ತಿದ್ದಳು.

ಸಪೋರ್ಟ್ ಮಾಡಿದ ಗಂಡ, ಕೋಪಗೊಂಡ ಅತ್ತೆ–ನೀಲು!

ಸಿದ್ದೇಗೌಡ್ರು ಸದಾ ಭಾವನಾಗೆ ಬೆಂಬಲವಾಗಿ ನಿಂತಿದ್ದು, ಅತ್ತೆ ಮತ್ತು ನೀಲುಗೆ ಇನ್ನಷ್ಟು ಕೋಪ ತಂದಿದೆ. ಸಿದ್ದೇಗೌಡ್ರು–ಭಾವನಾ ನಡುವೆ ಬಲವಾದ ಬಾಂಧವ್ಯ ಬೆಳೆಯುತ್ತಿರುವುದನ್ನು ನೋಡಿ ಇಬ್ಬರೂ ಬೆಚ್ಚಿಬಿದ್ದಿದ್ದಾರೆ.

ಸತ್ಯ ಬಹಿರಂಗ – ಭಾವನಾಳ ಹೊಸ ರೂಪ!

ದೇವಾಲಯದ ಅರ್ಚಕರು ಭಾವನಾಳ ಜಾತಕವನ್ನು ತಮ್ಮ ಗುರುಗಳಿಗೆ ತೋರಿಸಿದಾಗ ಸತ್ಯ ಬಯಲಾಗಿದೆ – “ಭಾವನಾಳ ಜಾತಕ ಚೆನ್ನಾಗಿದೆ, ದೋಷವೇ ಇಲ್ಲ. ಯಾರೋ ಉದ್ದೇಶಪೂರ್ವಕವಾಗಿ ಈ ಮಾತುಗಳನ್ನು ಹರಡಿದ್ದಾರೆ” ಎಂದು ಹೇಳಿದ್ದಾರೆ. ಇದನ್ನು ಕೇಳಿದ ಭಾವನಾ ಈಗ ಸಂಪೂರ್ಣವಾಗಿ ಬದಲಾಗಿದ್ದಾಳೆ.

ರೆಬೆಲ್ ಮೋಡ್‌ನಲ್ಲಿ ಭಾವನಾ!

ದೇವಾಲಯದಲ್ಲಿ ಸಿದ್ದೇಗೌಡ್ರು ಉರುಳು ಸೇವೆ ಮಾಡಲು ಬರುವ ವೇಳೆ, ಭಾವನಾ ಅವರನ್ನು ತಡೆಯುತ್ತಾಳೆ – “ಯಾವ ಕಂಟಕವೂ ಇಲ್ಲ, ಅರ್ಚಕರು ಎಲ್ಲವನ್ನೂ ಹೇಳಿದರು” ಎಂದು ದೃಢವಾಗಿ ಹೇಳುತ್ತಾಳೆ. ಈ ಮಾತುಗಳನ್ನು ಕೇಳಿ ಸಂತೋಷಗೊಂಡ ಸಿದ್ದೇಗೌಡ್ರು ದೇವರಿಗೆ ಕೈ ಮುಗಿಯುತ್ತಾರೆ. ಆದರೆ ಮನಸ್ಸಿನಲ್ಲಿ ಭಾವನಾ, “ಇಷ್ಟು ದಿನ ನಮ್ಮ ಮೇಲೆ ಆಟ ಆಡಿದವರಿಗೆ ಪಾಠ ಕಲಿಸಬೇಕು” ಎಂದು ನಿರ್ಧಾರಕ್ಕೆ ಬರುತ್ತಾಳೆ.

ಭಾವನಾಳ ಈ ಹೊಸ ಧೈರ್ಯಭರಿತ ರೂಪ ವೀಕ್ಷಕರಿಗೆ ಬಹಳ ಖುಷಿ ತಂದಿದೆ. ಸೋಮ್ಯ–ಸಹನೆಯ ಭಾವನಾ ಈಗ ಪ್ರತಿಯಾಗಿ ನಿಲ್ಲುತ್ತಿರುವುದನ್ನು ನೋಡಿ ಅಭಿಮಾನಿಗಳು “ಈಗ ಸೀರಿಯಲ್ ಇಂಟರೆಸ್ಟಿಂಗ್ ಆಗ್ತಿದೆ!” ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸಿಸುತ್ತಿದ್ದಾರೆ.