ಚಲಿಸುತ್ತಿದ್ದ ಬೈಕ್'ನಲ್ಲೇ ರೋಮ್ಯಾನ್ಸ್: ಪೊಲೀಸರು ಕೊಟ್ರು ಶಾಕ್ .! ಲವ್ ಬರ್ಡ್ಸ್ ಕಕ್ಕಾಬಿಕ್ಕಿ

ಗ್ರೇಟರ್ ನೋಯ್ಡಾ ಎಕ್ಸ್‌ಪ್ರೆಸ್‌ವೇಯಲ್ಲಿ ದಂಪತಿಯೊಬ್ಬರು ಮೋಟಾರ್‌ಸೈಕಲ್‌ನಲ್ಲಿ ಅಪಾಯಕಾರಿ ಪ್ರಣಯ ಸವಾರಿ ಮಾಡಿದರು. ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಸ್ಥಳೀಯ ಸಂಚಾರ ಪೊಲೀಸರು ದಂಪತಿಗೆ 55,000 ರೂ. ದಂಡ ವಿಧಿಸಿದ್ದಾರೆ.

ಜೂನ್ 15 ರಂದು ಚಿತ್ರೀಕರಿಸಲಾದ 19 ಸೆಕೆಂಡುಗಳ ಕ್ಲಿಪ್‌ನಲ್ಲಿ, ಯುವತಿಯೊಬ್ಬಳು ಬೈಕ್ ಸವಾರಿ ಮಾಡುತ್ತಿರುವ ವ್ಯಕ್ತಿಯ ಎದುರು ಕುಳಿತು, ಅವನನ್ನು ಜೋರಾಗಿ ತಬ್ಬಿಕೊಂಡು ಹಾಲಿವುಡ್ ಚಲನಚಿತ್ರ ಶೈಲಿಯಲ್ಲಿ ಪ್ರಯಾಣ ಮುಂದುವರಿಸುತ್ತಾಳೆ.

ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬರು ದಂಪತಿಗಳ ಅಪಾಯಕಾರಿ ಪ್ರಯಾಣವನ್ನು ಚಿತ್ರೀಕರಿಸಿದಾಗ ಈ ವಿಷಯ ಬೆಳಕಿಗೆ ಬಂದಿದೆ. ಈ ಸಾಹಸದ ಬಗ್ಗೆ ನೆಟಿಜನ್‌ಗಳು ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಆಕ್ರೋಶ ವ್ಯಕ್ತಪಡಿಸಿದರು. ದಂಪತಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಅವರು ಒತ್ತಾಯಿಸಿದರು.

ಈ ವಿಷಯದ ಕುರಿತು ಮಾತನಾಡಿದ ಗೌತಮ್ ಬುದ್ಧನಗರ ಉಪ ಪೊಲೀಸ್ ಆಯುಕ್ತ (ಸಂಚಾರ) ಲಖನ್ ಸಿಂಗ್ ಯಾದವ್, ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಇಬ್ಬರು ಜನರಿಗೆ ದಂಡ ವಿಧಿಸಲಾಗಿದೆ ಎಂದು ಹೇಳಿದರು. ಅವರಿಗೆ 55,000 ರೂ. ಚಲನ್ ನೀಡಲಾಗಿದೆ. ಅಪಘಾತಗಳನ್ನು ತಪ್ಪಿಸಲು ಸಂಚಾರ ನಿಯಮಗಳನ್ನು ಪಾಲಿಸುವಂತೆ ಅವರು ಯುವಕರಿಗೆ ಮನವಿ ಮಾಡಿದರು. ಅಂತಹ ಕ್ರಮಗಳು ತುಂಬಾ ಅಪಾಯಕಾರಿ ಮಾತ್ರವಲ್ಲ, ಕಠಿಣ ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ ಎಂದು ಅವರು ಹೇಳಿದರು.