ತಲೆ ಕೂದಲು ಕಪ್ಪಾಗಿ ದಪ್ಪದಾಗಿ ಬೆಳೆಯಲು ಈ ಆಹಾರಗಳನ್ನು ತಪ್ಪದೇ ಸೇವಿಸಿ!

ಪ್ರತಿಯೊಬ್ಬರಿಗೂ ತಮ್ಮ ಕೂದಲು ಸೊಂಪಾಗಿ ಇರಬೇಕು ಎನ್ನುವ ಆಸೆಯಿರುತ್ತದೆ. ಆದರೆ ಇರುವ ನಾಲ್ಕು ಕೂದಲನ್ನೇ ಕಾಪಾಡುವುದೇ ಕಷ್ಟವಾಗಿದೆ. ಇತ್ತೀಚೆಗಿನ ದಿನಗಳಲ್ಲಿ ಹಾರ್ಮೋನ್‌ ಅಸಮತೋಲನ, ಥೈರಾಯ್ಡ ಗ್ರಂಥಿಯ ನಿಷ್ಕ್ರಿಯತೆ, ಪೋಷಕಾಂಶಗಳ ಕೊರತೆಯಿಂದ ಕೂದಲು ಉದುರುವಿಕೆ, ತಲೆ ಹೊಟ್ಟು ಸೇರಿದಂತೆ ನಾನಾ ರೀತಿಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತಿದೆ. 

ನಾವು ನೋಡಲು ಚೆನ್ನಾಗಿ ಕಾಣಬೇಕು ಎಂದರೆ ನಮ್ಮ ತಲೆ ಕೂದಲು ಸಹ ಇದರಲ್ಲಿ ಬಹು ಮುಖ್ಯ ಪಾತ್ರವನ್ನು ಹೊಂದಿರುತ್ತದೆ. ಇದಕ್ಕಾಗಿ ನಮ್ಮ ತಲೆ ಕೂದಲಿನ ಆರೋಗ್ಯ ಚೆನ್ನಾಗಿರಬೇಕು ಎಂಬ ಕಾಳಜಿ ನಮಗಿರಬೇಕು. ತಲೆ ಕೂದಲಿನ ಸೊಂಪಾದ ಬೆಳವಣಿಗೆ ಹಾಗೂ ನೆತ್ತಿಯ ಭಾಗದಲ್ಲಿ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನಾವು ಸಾಧ್ಯವಾದಷ್ಟು ನೈಸರ್ಗಿಕ ವಿಧಾನಗಳನ್ನು ಅನುಸರಿಸುವುದು ಉತ್ತಮ. ಇತ್ತೀಚಿನ ದಿನಗಳಲ್ಲಿ ಬಳಸುತ್ತಿರುವ ಬಹುತೇಕ ನಿಸರ್ಗದತ್ತವಾದ ಪರಿಹಾರಗಳಲ್ಲಿ ಬೆಂಡೆಕಾಯಿ ಕೂಡ ತಲೆ ಕೂದಲಿನ ಆರೋಗ್ಯವನ್ನು ಕಾಪಾಡುವಲ್ಲಿ ಮೊದಲ ಸ್ಥಾನದಲ್ಲಿದೆ ಎಂಬುದು ಟ್ರೆಂಡಿಂಗ್ ವಿಷಯವಾಗಿದೆ. 

ಹೇಳಿ ಕೇಳಿ ಬೆಂಡೆಕಾಯಿ ಒಂದು ನೈಸರ್ಗಿಕ ಆಹಾರ ಪದಾರ್ಥ. ಇದರಲ್ಲಿ ಪೌಷ್ಟಿಕಾಂಶಗಳಿಗೆ ಯಾವುದೇ ಕೊರತೆ ಇಲ್ಲ. ಅದರಲ್ಲೂ ಪ್ರಮುಖವಾಗಿ ತಲೆ ಕೂದಲ ಬೆಳವಣಿಗೆಗೆ ಅಗತ್ಯವಾಗಿ ಬೇಕಾದ ಎಲ್ಲಾ ಬಗೆಯ ಪೌಷ್ಟಿಕಾಂಶಗಳು ಇದರಲ್ಲಿವೆ.

ಪ್ರಮುಖವಾಗಿ ವಿಟಮಿನ್ ಎ, ವಿಟಮಿನ್ ಸಿ ಮತ್ತು ವಿಟಮಿನ್ ಕೆ ಹಾಗೂ ಖನಿಜಾಂಶಗಳಾದ ಕಬ್ಬಿಣ, ಮೆಗ್ನೀಷಿಯಂ ಮತ್ತು ಕ್ಯಾಲ್ಸಿಯಂ ಇದರಲ್ಲಿ ಇರುವು ದನ್ನು ನಾವು ಕಾಣಬಹುದು. ತಲೆ ಕೂದಲಿನ ಕಿರು ಚೀಲಗಳಿಗೆ ತನ್ನ ಈ ಪೌಷ್ಟಿಕಾಂಶಗಳು ತಲುಪುವಂತೆ ಬೆಂಡೆಕಾಯಿ ಮಾಡುತ್ತದೆ.

ನೀವು ತಪ್ಪದೇ ನಿಯಮಿತವಾಗಿ ಆಗಾಗ ಬೆಂಡೆಕಾಯಿ ನೀರನ್ನು ಉಪಯೋಗಿಸುತ್ತಿದ್ದರೆ, ತಲೆ ಕೂದಲಿನ ಬೇರುಗಳು ಉತ್ತಮ ಸಾಮರ್ಥ್ಯದಿಂದ ಕೂಡಿರಲು ಅನುಕೂಲವಾಗುತ್ತದೆ ಜೊತೆಗೆ ತಲೆ ಕೂದಲು ಉದುರುವುದು ಹಾಗೂ ಕೂದಲು ಅರ್ಧಕ್ಕೆ ಮುರಿದುಕೊಳ್ಳುವ ಸಾಧ್ಯತೆ ಕೂಡ ಇರುವುದಿಲ್ಲ. ಬೆಂಡೆ ಕಾಯಿಯ ಸತ್ವಗಳು ಪೂರ್ಣ ಪ್ರಮಾಣದಲ್ಲಿ ತಲೆ ಕೂದಲಿಗೆ ಸಿಗುತ್ತವೆ

ನಿಯಮಿತವಾಗಿ ಆಗಾಗ ಬೆಂಡೆಕಾಯಿ ನೀರನ್ನು ತಲೆಯ ಭಾಗಕ್ಕೆ ಹಚ್ಚುವುದರಿಂದ ನಿಮ್ಮ ತಲೆ ಕೂದಲು ಉದುರುವಿಕೆ ಸಮಸ್ಯೆ ಕ್ರಮೇಣವಾಗಿ ಕಡಿಮೆಯಾಗುತ್ತಾ ಬರುತ್ತದೆ. ಏಕೆಂದರೆ ಇದರಿಂದ ತಲೆಕೂದಲಿನ ಬೇರುಗಳು ಮತ್ತು ಕಿರುಚೀಲಗಳು ಸಾಮರ್ಥ್ಯದಿಂದ ಕೂಡಿ ತಲೆ ಕೂದಲು ಹಾಳಾಗುವ ಸಾಧ್ಯತೆ ಇರುವುದಿಲ್ಲ.

ತಲೆ ಕೂದಲಿಗೆ ಬೆಂಡೆಕಾಯಿ ನೀರನ್ನು ಬಳಸುವುದರಿಂದ ನೀವು ನೈಸರ್ಗಿಕ ಕಂಡೀಷನರ್ ಬಳಸಿದ ಅನುಭವವನ್ನು ಪಡೆದು ಕೊಳ್ಳಬಹುದು. ಇದು ತಲೆ ಕೂದಲಿನ ಸಿಕ್ಕು ಸಮಸ್ಯೆಯನ್ನು ಸರಿಪಡಿಸಿ ತಲೆ ಕೂದಲನ್ನು ಮೃದುವಾಗಿ, ಹೊಳಪಿನಿಂದ ಕೂಡಿರುವಂತೆ ಮಾಡುತ್ತದೆ

ತಲೆ ಕೂದಲು ಸಮೃದ್ಧವಾಗಿ ಬೆಳೆಯಬೇಕು ಎಂದರೆ ಮೊದಲು ನೆತ್ತಿಯ ಆರೋಗ್ಯ ಚೆನ್ನಾಗಿರಬೇಕು. ಬೆಂಡೆಕಾಯಿ ನೀರು ನೆತ್ತಿಯ ಆರೋಗ್ಯವನ್ನು ನಿರ್ವಹಣೆ ಮಾಡುತ್ತದೆ. ಇದರಲ್ಲಿನ ಆಂಟಿ ಇಂಪ್ಲಾಮೆಟರಿ ಗುಣಲಕ್ಷಣಗಳು ನೆತ್ತಿಯ ಭಾಗದಲ್ಲಿ ಉಂಟಾಗುವ ಕಿರಿಕಿರಿ ಮತ್ತು ತಲೆ ಹೊಟ್ಟಿನ ಸಮಸ್ಯೆಯನ್ನು ಸುಲಭವಾಗಿ ಪರಿಹಾರ ಮಾಡುತ್ತದೆ.

ಬೆಂಡೆಕಾಯಿಯಲ್ಲಿ ವಿಟಮಿನ್ ಸಿ ಪ್ರಮಾಣ ಹೇರಳವಾಗಿದೆ. ಇದು ನೈಸರ್ಗಿಕವಾಗಿ ಕೊಲಾಜನ್ ಉತ್ಪತ್ತಿ ಮಾಡುವುದರ ಜೊತೆಗೆ ತಲೆ ಕೂದಲಿನ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಇದ ರಿಂದ ತಲೆ ಕೂದಲು ಮುರಿದುಕೊಳ್ಳುವ ಸಾಧ್ಯತೆ ಇರುವುದಿಲ್ಲ ಮತ್ತು ಉದ್ದವಾಗಿ ಬೆಳೆಯಲು ಅನುಕೂಲ ವಾಗುತ್ತದೆ.

ಬೆಂಡೆಕಾಯಿ ನೀರು ನೆತ್ತಿಯ ಭಾಗದಲ್ಲಿ ರಕ್ತ ಸಂಚಾರವನ್ನು ಹೆಚ್ಚಾಗಿಸುತ್ತದೆ. ಇದರಿಂದ ಅಗತ್ಯ ಪೌಷ್ಟಿಕಾಂಶಗಳು ತಲೆ ಕೂದ ಲಿನ ಬೇರುಗಳಿಗೆ ಸಿಗಲು ಅನುಕೂಲವಾಗುತ್ತದೆ. ತಲೆ ಕೂದಲಿನ ಸಮೃದ್ಧ ಬೆಳವಣಿಗೆ ಇದರಿಂದ ಸಾಧ್ಯವಾಗುತ್ತದೆ

ನೀವು ತಪ್ಪದೇ ನಿಯಮಿತವಾಗಿ ಆಗಾಗ ಬೆಂಡೆಕಾಯಿ ನೀರನ್ನು ಉಪಯೋಗಿಸುತ್ತಿದ್ದರೆ, ತಲೆ ಕೂದಲಿನ ಬೇರುಗಳು ಉತ್ತಮ ಸಾಮರ್ಥ್ಯದಿಂದ ಕೂಡಿರಲು ಅನುಕೂಲವಾಗುತ್ತದೆ ಜೊತೆಗೆ ತಲೆ ಕೂದಲು ಉದುರುವುದು ಹಾಗೂ ಕೂದಲು ಅರ್ಧಕ್ಕೆ ಮುರಿದುಕೊಳ್ಳುವ ಸಾಧ್ಯತೆ ಕೂಡ ಇರುವುದಿಲ್ಲ. ಬೆಂಡೆಕಾ ಯಿಯ ಸತ್ವಗಳು ಪೂರ್ಣ ಪ್ರಮಾಣದಲ್ಲಿ ತಲೆ ಕೂದಲಿಗೆ ಸಿಗುತ್ತವೆ.

ಬೆಂಡೆಕಾಯಿ ನೀರು ನಿಮ್ಮ ತಲೆ ಕೂದಲಿನ ಸಮೃ ದ್ಧತೆಯ ಹಾಗೂ ಸೊಂಪಾದ ಬೆಳವಣಿಗೆಯ ಜೊತೆಗೆ ನೈಸರ್ಗಿಕವಾಗಿ ಉತ್ತಮ ಹೊಳಪು ನೀಡುವಲ್ಲಿ ಯಶಸ್ವಿಯಾಗುತ್ತದೆ.
ಇದರಿಂದ ಆರೋಗ್ಯಕರವಾದ ತಲೆ ಕೂದಲು ನಿಮ್ಮದಾ ಗುವುದು ಮಾತ್ರವಲ್ಲದೆ ನಿಮ್ಮ ಸೌಂದರ್ಯ ಕೂಡ ಹೆಚ್ಚಾಗುತ್ತದೆ. ಹೀಗಾಗಿ ಇನ್ನು ಮುಂದೆ ಬೆಂಡೆಕಾಯಿ ನೀರು ಬಳಸಿ ನಿಮ್ಮ ತಲೆ ಕೂದಲಿನ ಬಹುತೇಕ ಸಮಸ್ಯೆಗಳನ್ನು ನಿವಾರಿಸಿಕೊಳ್ಳಬಹುದು.