ತಿಳಿದಿರಲಿ: ಮನೆಯ ಈ ಗೋಡೆ ಮೇಲೆ ದೇವರ ಫೋಟೋ ಹಾಕಬಾರದಂತೆ! ದಾರಿದ್ರ್ಯ ನಿಮ್ಮ ಬೆನ್ನತ್ತತ್ತೆ!

ಪ್ರಾಚೀನ ಕಾಲದಿಂದಲೂ ವಿವಿಧ ದೇವರ ಫೋಟೋಗಳನ್ನು, ಮೂರ್ತಿಗಳನ್ನು ಮನೆಯಲ್ಲಿ ಇಡುವ ಸಂಪ್ರದಾಯವಿದೆ. ಕೆಲವರ ಮನೆಯಲ್ಲಿ ದೇವರ ಮನೆ, ಹಾಲ್ ಸೇರಿದಂತೆ ಅನೇಕ ಕಡೆ ಫೋಟೋಗಳನ್ನು, ಮೂರ್ತಿಗಳನ್ನು ಇರಿಸಲಾಗುತ್ತೆ. ಇದು ವಾಸ್ತು ದೋಷವನ್ನು ನಿವಾರಣೆ ಮಾಡುತ್ತೆ ಎಂಬ ನಂಬಿಕೆ ಇದೆ. ವಾಸ್ತುಶಾಸ್ತ್ರದ ಪ್ರಕಾರ, ಮನೆಯಲ್ಲಿ ದೇವರುಗಳ ಫೋಟೋ ಹಾಕಿದ್ರೆ, ಇಲ್ಲವೇ ಮೂರ್ತಿಗಳನ್ನು ಇಟ್ಟರೆ ಮನೆಯಲ್ಲಿರುವ ಅನೇಕ ಸಮಸ್ಯೆಗಳು ನಿವಾರಣೆಯಾಗಿ, ಸುಖ-ಶಾಂತಿ ನೆಲೆಸಿರುತ್ತೆ ಎನ್ನಲಾಗುತ್ತೆ. 

ನೀವು ನಿಮ್ಮ ಮನೆಯ ಗೋಡೆಯ ಮೇಲೆ ದೇವರ ಫೋಟೋವನ್ನು ಹಾಕುವುದಾದರೆ ಅದಕ್ಕೆ ಸಂಬಂಧಿಸಿದ ಕೆಲವು ನಿಯಮಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ತುಂಬಾನೇ ಮುಖ್ಯವಾಗಿರುತ್ತದೆ. ದೇವರ ಫೋಟೋವನ್ನು ನಾವು ಗೋಡೆಯ ಮೇಲೆ ತಪ್ಪಾದ ದಿಕ್ಕಿನಲ್ಲಿ ಹಾಕಿದರೆ ಅದರಿಂದ ನಕಾರಾತ್ಮಕ ಫಲಿತಾಂಶಗಳನ್ನು ಪಡೆದುಕೊಳ್ಳಬೇಕಾಗುತ್ತದೆ. ಇದರಿಂದ ಮನೆಯಲ್ಲೂ ಸಾಕಷ್ಟು ಸಮಸ್ಯೆಗಳು ತಲೆದೂರಲು ಪ್ರಾರಂಭವಾಗುತ್ತದೆ. ಹಾಗೂ ಇದರಿಂದ ಬಡತನ, ದಾರಿದ್ರ್ಯ ಕೂಡ ಉಂಟಾಗುತ್ತದೆ. 

ದೇವರ ಫೋಟೋವನ್ನು ಗೋಡೆಯ ಮೇಲೆ ಹಾಕುವುದರಿಂದ ನಿಮಗೆ ದೇವರ ಆಶೀರ್ವಾದ ಸಿಗಬಹುದು. ಆದರೆ, ಅದನ್ನು ಸರಿಯಾದ ರೀತಿಯಲ್ಲಿ ಹಾಕದೇ ಇದ್ದರೆ ಅದು ನಮ್ಮ ಜೀವನಕ್ಕೆ ಮುಳ್ಳಿನಂತಾಗಬಹುದು. ಆದ್ದರಿಂದ ನೀವು ಮನೆಯಲ್ಲಿ ದೇವರ ಫೋಟೋವನ್ನು ಗೋಡೆಗೆ ಹಾಕುತ್ತಿದ್ದರೆ ಈ ಎಲ್ಲಾ ನಿಯಮಗಳನ್ನು ತಪ್ಪದೇ ಪಾಲಿಸಿ..

1. ದೇವರ ಫೋಟೋವನ್ನು ಗೋಡೆಯ ಮೇಲೆ ಹಾಕುವ ಮುನ್ನ ಈ ನಿಯಮಗಳೆಲ್ಲಾ ಗಮನದಲ್ಲಿಟ್ಟುಕೊಳ್ಳಿ:
ಸಾಮಾನ್ಯವಾಗಿ ಮನೆಯ ಗೋಡೆಯ ಮೇಲೆ ದೇವರ ಫೋಟೋವನ್ನು ಹಾಕುವ ಅಭ್ಯಾಸವನ್ನು ಹೆಚ್ಚಿನವರು ಇಟ್ಟುಕೊಂಡಿರುತ್ತಾರೆ. ನೀವು ಗೋಡೆಯ ಮೇಲೆ ದೇವರ ಫೋಟೋವನ್ನು ಹಾಕುವಾಗ ಆ ಫೋಟೋ ದಕ್ಷಿಣ ದಿಕ್ಕಿಗೆ ಮುಖಮಾಡಿರಬಾರದು ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ಏಕೆಂದರೆ ದಕ್ಷಿಣ ದಿಕ್ಕನ್ನು ಯಮಧರ್ಮರಾಜನ ಹಾಗೂ ಪಿತೃಗಳಿಗೆ ಸಂಬಂಧಿಸಿದ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ಮರಣ ಹೊಂದಿದ ಮತ್ತು ಪ್ರೇತಾತ್ಮಗಳು ಕೂಡ ಇದೇ ದಿಕ್ಕಿನಲ್ಲೇ ವಾಸಿಸುತ್ತವೆ. ಅಂತಹ ಸಂದರ್ಭದಲ್ಲಿ ಕೆಟ್ಟ ಶಕ್ತಿಗಳು ಮನೆಯನ್ನು ಈ ದಿಕ್ಕಿನಿಂದಲೇ ಪ್ರವೇಶಿಸುತ್ತದೆ

ದಕ್ಷಿಣ ದಿಕ್ಕನ್ನು ಹೊರತುಪಡಿಸಿ ಈ ಸ್ಥಲದಲ್ಲಿ ಕೂಡ ನೀವು ದೇವರ ಫೋಟೋವನ್ನು ಹಾಕಬಾರದು. ಈ ಸ್ಥಳದಲ್ಲಿ ದೇವರ ಫೋಟೋವನ್ನು ಹಾಕುವುದರಿಂದ ಕೂಡ ಕೆಟ್ಟ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ನೀವು ಬೆಡ್‌ ರೂಂನಲ್ಲೂ ಕೂಡ ಅಪ್ಪಿ ತಪ್ಪಿಯೂ ದೇವರ ಫೋಟೋಗಳನ್ನು ಹಾಕಬಾರದು.

ನೀವು ದೇವರ ಫೋಟೋವನ್ನು ಮನೆಯಲ್ಲಿ ಇಟ್ಟುಕೊಂಡಿದ್ದರೆ, ಅಂತಹ ಪರಿಸ್ಥಿತಿಯಲ್ಲಿ ಆ ಫೋಟೋವನ್ನು ಯಾವಾಗಲೂ ಸ್ವಚ್ಛವಾಗಿಟ್ಟುಕೊಳ್ಳಿ. ಏಕಂದರೆ, ದೇವರ ಫೋಟೋಗಳಲ್ಲಿ ಸ್ವಲ್ಪ ಧೂಳು ಕೂತಿದ್ದರೂ ಅದು ನಮಗೆ ಅಶುಭ ಫಲಿತಾಂಶಗಳನ್ನು ನೀಡುತ್ತದೆ. ದೇವರ ಫೋಟೋವನ್ನು ಅಶುದ್ಧವಾಗಿಟ್ಟುಕೊಳ್ಳುವುದರಿಂದ ಅಥವಾ ದೇವರ ಫೋಟೋದ ಮೇಲೆ ಕೊಳೆ ಅಥವಾ ಧೂಳು ಕುಳಿತಿರುವಂತಿದ್ದರೆ ಅದು ನಿಮ್ಮ ಮನೆಯಲ್ಲಿನ ಧನಾತ್ಮಕ ಶಕ್ತಿಯನ್ನು ನಾಶಮಾಡಿ ನಕಾರಾತ್ಮಕ ಶಕ್ತಿಗಳು ಹೆಚ್ಚಾಗಲು ಪ್ರೇರೇಪಿಸುತ್ತದೆ.

ಇದು ಮನೆಗೆ ನಕಾರಾತ್ಮಕತೆಯನ್ನು ತರುವುದು ಮಾತ್ರವಲ್ಲ. ಬಡತನವೂ ಮನೆ ಮಾಡುವಂತಾಗುತ್ತದೆ. ಮನೆಯ ಪ್ರತಿಯೊಂದು ಸದಸ್ಯರು ತಮ್ಮ ಜೀವನದಲ್ಲಿ ಹಣದ ಸಮಸ್ಯೆಗಳನ್ನು ಎದುರಿಸುವಂತೆ ಮಾಡುತ್ತದೆ. ಮನೆಯ ಬೆಡ್‌ ರೂಂನಲ್ಲಿ ಅಲ್ಲದೇ, ಸ್ನಾನ ಗೃಹದ ಗೋಡೆಯ ಮೇಲೆ ಅಥವಾ ಅದರ ಹತ್ತಿರ ಹಾಗೂ ಸ್ನಾನ ಗೃಹದ ಸುತ್ತಲೂ ದೇವರ ಫೋಟೋವನ್ನು ಹಾಕದಿರಿ

3. ಈ ದಿಕ್ಕಿನಲ್ಲಿ ದೇವರ ಫೋಟೋವನ್ನು ಹಾಕಬಹುದು:
ಮನೆಯಲ್ಲಿ ನೀವು ದೇವರ ಫೋಟೋವನ್ನು ಹಾಕುವುದಾದರೆ ಉತ್ತರ ಮತ್ತು ಪೂರ್ವ ದಿಕ್ಕಿನಲ್ಲಿ ಹಾಕಬೇಕು. ಏಕೆಂದರೆ ಈ ಎರಡು ದಿಕ್ಕುಗಳು ಲಕ್ಷ್ಮಿ ದೇವಿಯೊಂದಿಗೆ ಮತ್ತು ಕುಬೇರ ದೇವನೊಂದಿಗೆ ಸಂಬಂಧವನ್ನು ಹೊಂದಿರುವ ದಿಕ್ಕಾಗಿದೆ. ಆದ್ದರಿಂದ ನೀವು ಈ ಸ್ಥಳದಲ್ಲಿ ಸುಲಭವಾಗಿ ಫೋಟೋಗಳನ್ನು ಹಾಕಬಹುದು. ಇದು ಆ ಫೋಟೋದ ಕಂಪನವನ್ನು ಮತ್ತಷ್ಟು ಹೆಚ್ಚಿಸಿ ಧನಾತ್ಮಕ ಶಕ್ತಿಯು ಮನೆಗೆ ಪ್ರವೇಶಿಸುತ್ತದೆ. ಮನೆಯಲ್ಲಿ ಸಂತೋಷ, ಸಮೃದ್ಧಿ ಮತ್ತು ಕುಟುಂಬದ ಸದಸ್ಯರ ಖ್ಯಾತಿಯು ಹೆಚ್ಚಾಗುತ್ತದೆ ಮತ್ತು ಮನೆಯಲ್ಲಿರುವ ಜನರ ಆರ್ಥಿಕ ಸ್ಥಿತಿಯು ಸಾಕಷ್ಟು ಬಲವಾಗಿರುತ್ತದೆ.

ನೀವು ಮನಯ ಗೋಡೆಯ ಮೇಲೆ ದೇವರ ಫೋಟೋವನ್ನು ಹಾಕುವಾಗ ಈ ಮೇಲಿನ ಎಲ್ಲಾ ನಿಯಮಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ಹಾಗೂ ನೀವು ಯಾವುದೇ ದೇವರ ಫೊಟೋವನ್ನು ಮನೆಯಲ್ಲಿಟ್ಟುಕೊಂಡಿದ್ದರೆ ಅದಕ್ಕೆ ನಿತ್ಯ ಪೂಜೆಯನ್ನು ತಪ್ಪದೇ ಮಾಡಬೇಕು.