ಪ್ಲಾಫ್ ಬ್ಯಾಟಿಂಗ್: ಟೀಮ್ ಇಂಡಿಯಾಗೆ ತಲೆನೋವಾದ ಸ್ಟಾರ್ ಗಳು! ಶೂನ್ಯಕ್ಕೆ ಔಟ್!
ಟೀಮ್ ಇಂಡಿಯಾಗೆ ಸ್ಟಾರ್ ಗಳೇ ತಲೆ ನೋವಾಗಿದ್ದಾರೆ. ಎಸ್, ಮೆಲ್ಬೋರ್ನ್ನಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನ ಬ್ಯಾಟಿಂಗ್ ಅನ್ನು ಭಾರತ ಆಟಗಾರರು ಆರಂಭಿಸಿದ್ದು, ಟೀಮ್ ಇಂಡಿಯಾ ಸ್ಟಾರ್ ಪ್ಲೇಯರ್ಸ್ ಕಳಪೆ ಪ್ರದರ್ಶನ ತೋರಿದ್ದಾರೆ.
ಓಪರನ್ ಆಗಿ ಮೊದಲು ಯಶಸ್ವಿ ಜೈಸ್ವಾಲ್ ಹಾಗೂ ಕ್ಯಾಪ್ಟನ್ ರೋಹಿತ್ ಶರ್ಮಾ ಕ್ರೀಸ್ಗೆ ಆಗಮಿಸಿದ್ದರು. ಆದರೆ ಈ ವೇಳೆ ಪ್ಯಾಟ್ ಕಮಿನ್ಸ್ ಓವರ್ನಲ್ಲಿ ಬ್ಯಾಟ್ ಬೀಸುತ್ತಿದ್ದ ರೋಹಿತ್ ಶರ್ಮಾ ಕ್ಯಾಚ್ ನೀಡಿ ಪೆವಿಲಿಯನ್ಗೆ ನಡೆದರು. ರೋಹಿತ್ ಕೇವಲ 3 ರನ್ಗೆ ಔಟ್ ಆಗಿರುವುದು ಭಾರೀ ನಿರಾಸೆ ಮೂಡಿಸಿದೆ.
ರೋಹಿತ್ ಬಳಿಕ ಕ್ರೀಸ್ಗೆ ಆಗಮಿಸಿದ ಕನ್ನಡಿಗ ಕೆ.ಎಲ್ ರಾಹುಲ್ ಅವರು ಉತ್ತಮವಾಗಿಯೇ ಆಡುತ್ತಿದ್ದರು. ಯಶಸ್ವಿ ಜೈಸ್ವಾಲ್ಗೆ ಸಾಥ್ ಕೊಟ್ಟು ಬ್ಯಾಟಿಂಗ್ ಮಾಡುತ್ತಿದ್ದ ಕೆ.ಎಲ್ ರಾಹುಲ್, 42 ಎಸೆತಗಳಲ್ಲಿ 3 ಬೌಂಡರಿ ಸಮೇತ 24 ರನ್ಗಳನ್ನು ಗಳಿಸಿದ್ದರು. ಈ ವೇಳೆ ಬ್ಯಾಟಿಂಗ್ ಬೌಲಿಂಗ್ ಮಾಡಲು ಬಂದ ಪ್ಯಾಟ್ ಕಮಿನ್ಸ್, ರಾಹುಲ್ರನ್ನು ಕ್ಲೀನ್ ಬೋಲ್ಡ್ ಮಾಡಿ ಸೆಲೆಬ್ರೆಷನ್ ಮಾಡಿದರು.
ಮೊದಲ ಇನ್ನಿಂಗ್ಸ್ನಲ್ಲಿ ಬ್ಯಾಟ್ ಮಾಡಿದ್ದ ಆಸ್ಟ್ರೇಲಿಯಾ ತಂಡ 474 ರನ್ಗಳ ಬೃಹತ್ ಮೊತ್ತದ ರನ್ಗಳನ್ನು ಗಳಿಸಿದೆ. ಇದರಲ್ಲಿ ಸ್ಟಿವ್ ಸ್ಮತ್ ಅವರ 140 ರನ್ಗಳು ಕೂಡ ಸೇರಿವೆ. ಸ್ಯಾಮ್, ಖಾವಾಜ್, ಲ್ಯಾಬುಸ್ಚಾಗ್ನೆ ತಲಾ ಒಂದು ಅರ್ಧ ಶತಕ ಸಿಡಿಸಿ ತಂಡಕ್ಕೆ ನೆರವಾಗಿದ್ದಾರೆ. ಹಾಗೇ ಪ್ಯಾಟ್ ಕಮಿನ್ಸ್ (49) ಕೂಡ ಕೇವಲ 1 ರನ್ನಿಂದ ಅರ್ಧಶತಕ ಮಿಸ್ ಮಾಡಿಕೊಂಡರು. ಸದ್ಯ ಬೌಲಿಂಗ್ ಮಾಡುತ್ತಿರುವ ಕಮಿನ್ಸ್ ಅವರು, ರೋಹಿತ್ ಶರ್ಮಾ, ಕೆ.ಎಲ್ ರಾಹುಲ್ ಅವರನ್ನು ಔಟ್ ಮಾಡಿದ್ದಾರೆ.
ಆಸ್ಟ್ರೇಲಿಯಾ ಹಾಗೂ ಟೀಮ್ ಇಂಡಿಯಾ ಮಧ್ಯೆ ಬಾರ್ಡರ್ ಗವಾಸ್ಕರ್ ಟೂರ್ನಿಯ 4ನೇ ಪಂದ್ಯ ನಡೆಯುತ್ತಿದೆ. ಭಾರತ ಮೊದಲ ಇನ್ನಿಂಗ್ಸ್ನ ಆರಭಿಂಸಿದ್ದು ಬ್ಯಾಟಿಂಗ್ನಲ್ಲಿ ವಿಫಲ ಪ್ರದರ್ಶನ ತೋರುತ್ತಿದೆ. ರೋಹಿತ್ ಶರ್ಮಾ ಪೆವಿಲಿಯನ್ ನಡೆದ ಬೆನ್ನಲ್ಲೇ ಕೆ.ಎಲ್ ರಾಹುಲ್ ಕೂಡ ಕ್ರೀಸ್ ಖಾಲಿ ಮಾಡಿದ್ದಾರೆ.
ನಿಮ್ಮ ಪ್ರತಿಕ್ರಿಯೆ ಏನು?
