ಬಿಗ್ ಮನೆಗೆ ಎಂಟ್ರಿ ಕೊಟ್ಟ ನೂರು ಜನ್ಮಕ್ಕೂ ಸೀರಿಯಲ್ ತಂಡ: ವಿಜಿ ನೋಡಿ ಗೀತಾ ಭಾವುಕ!

ಕಲರ್ಸ್ ಕನ್ನಡದಲ್ಲಿ ಹೊಸದಾಗಿ ಶುರುವಾಗುತ್ತಿರುವ ನೂರು ಜನ್ಮಕ್ಕೂ ಸೀರಿಯಲ್ ತಂಡ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದೆ. ಈ ಧಾರವಾಹಿಯಲ್ಲಿ ನಾಯಕನಾಗಿ ನಟಿಸುತ್ತಿರುವ ಧನುಷ್ ಅವರು ಹಿಂದೆ ಸೀರಿಯಲ್ ನಲ್ಲಿ ಮನೆ ಮಾತಾಗಿದ್ದರು. ಈ  ಸೀರಿಯಲ್  ನಲ್ಲಿ ಭವ್ಯ ಕೂಡ ನಾಯಕಿಯಾಗಿ  ಕಾಣಿಸಿಕೊಂಡಿದ್ದರು. ಹೀರೋ ಆಗಿ ಗೀತಾ ಸೀರಿಯಲ್ ಖ್ಯಾತಿಯ ಧನುಷ್ ಗೌಡ ಕಂಬ್ಯಾಕ್ ಮಾಡಿದ್ದಾರೆ. ನಾಯಕಿಯಾಗಿ ಶಿಲ್ಪಾ ಕಾಮತ್ ನಟಿಸುತ್ತಿದ್ದಾರೆ. ಆತ್ಮದ ಪಾತ್ರವನ್ನು ಚಂದನಾ ಗೌಡ ಬಣ್ಣ ಹಚ್ಚಿದ್ದಾರೆ. ಅಂತೆಯೇ ಬಿಗ್​ಬಾಸ್​ ಮನೆಯಲ್ಲಿ ಆತ್ಮರೂಪದಲ್ಲಿ ಚಂದನಾ ಗೌಡ ಅವರ ಮುಖ ಕಾಣಿಸಿದೆ. ಇದನ್ನು ನೋಡಿ ಸ್ಪರ್ಧಿಗಳು ಬೆಚ್ಚಿಬಿದ್ದಿದ್ದಾರೆ.

ಬಿಗ್​ಬಾಸ್​ ಆಟದಲ್ಲಿ ಸ್ಪರ್ಧಿಗಳ ಜೊತೆಗಿನ ಕಿತ್ತಾಟದಿಂದ ನೆಮ್ಮದಿ ಕಳೆದುಕೊಂಡಿದ್ದ ಭವ್ಯ ಗೌಡಗೆ ಫುಲ್ ರಿಲ್ಯಾಕ್ಸ್ ಸಿಕ್ಕಿದೆ. ಮುಂದಿನ ವಾರಕ್ಕೆ ಕ್ಯಾಪ್ಟನ್ ಆಗಿರೋದು ಒಂದು ವಿಚಾರವಾದರೆ, ಇನ್ನೊಂದು ನಾಮಿನೇಷನ್​ನಿಂದ ಪಾರಾಗಿದ್ದಾರೆ. ಇದೀಗ ಆತ್ಮೀಯ ಗೆಳೆಯ ಧನುಷ್ ಗೌಡ ಬಿಗ್​ಬಾಸ್​ ಮನೆಗೆ ಬಂದಿರೋದು ಮತ್ತೊಂದು ಖುಷಿಯಾಗಿದೆ. ಕಲರ್ಸ್ ಕನ್ನಡದ ಗೀತಾ ಸಿರಿಯಲ್​ನಲ್ಲಿ ಭವ್ಯ ಹಾಗೂ ಧನುಷ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ವಿಜಿ ಮತ್ತು ಗೀತಾ ಪಾತ್ರದ ಮೂಲಕ ಈ ಜೋಡಿ ಸಖತ್ ಫೇಮಸ್ ಆಗಿತ್ತು. ಅಲ್ಲಿಂದ ಇವರಿಬ್ಬರ ಸ್ನೇಹದ ಬಾಂಡಿಂಗ್ ತುಂಬಾನೇ ಚೆನ್ನಾಗಿದೆ. ಈಗ ಧನುಷ್ ಬಿಗ್​ಬಾಸ್​ ಮನೆಗೆ ಬಂದು ಹೋಗಿರೋದು ಗೀತಾ ಅವರಿಗೆ ಮತ್ತಷ್ಟು ಶಕ್ತಿ ಸಿಕ್ಕಂತಾಗಿದೆ.