ಬ್ರೆಜಿಲ್ ನಲ್ಲಿ ಭೀಕರ ವಿಮಾನ ಅಪಘಾತ - ಎಲ್ಲಾ 68 ಪ್ರಯಾಣಿಕರ ದುರ್ಮರಣ.

ಬ್ರೆಜಿಲ್ ನಲ್ಲಿ ಭಯಾನಕ ವಿಮಾನ ಅಪಘಾತ ನಡೆದಿದೆ. ಅದರಲ್ಲಿದ್ದ ಎಲ್ಲಾ 62 ಪ್ರಯಾಣಿಕರೂ ಸಾವಿಗಿಡಾಗಿದ್ದಾರೆ. ಆ ವಿಮಾನವು, ಕ್ಯಾಸ್ಕಾವೆಲ್ ನಗರದಿಂದ ಸಾವೋಪೌಲೋ ನಗರದ ನಡುವೆ ಸಂಚರಿಸುವ ವಿಮಾನವಾಗಿದ್ದು, ಸಾವೊಪೌಲೋದಿಂದ ಪುನಃ ಕ್ಯಾಸ್ಕಾವೆಲ್ ಕಡೆಗೆ ಪ್ರಯಾಣ ಬೆಳೆಸಿದಾಗ ಈ ಅಪಘಾತ ಸಂಭವಿಸಿದೆ. ಆ ವಿಮಾನವನ್ನು ವೋಪಾಸ್ ಫ್ಲೈಟ್ 2283 ಎಂದು ಗುರುತಿಸಲಾಗಿದೆ. ಇತ್ತೀಚೆಗಷ್ಟೇ ನೇಪಾಳದಲ್ಲಿ ವಿಮಾನವೊಂದು ಅಪಘಾತಕ್ಕೀಡಾಗಿ ಅದರಲ್ಲಿದ್ದ 18 ಪ್ರಯಾಣಿಕರು ಸಾವಿಗೀಡಾಗಿದ್ದರು. ಅದಾಗಿ ಕೆಲವೇ ದಿನಗಳಲ್ಲಿ ಮತ್ತೊಂದು ದುರ್ಘಟನೆ ಸಂಭವಿಸಿದೆ.

ಬ್ರೆಜಿಲ್ ನಲ್ಲಿ ಅಪಘಾತಕ್ಕೀಡಾಗಿರುವ ವಿಮಾನದಲ್ಲಿದ್ದು 58 ಪ್ರಯಾಣಿಕರಿದ್ದರು. ಅವರ ಜೊತೆಗೆ ಇಬ್ಬರು ಪ್ರಯಾಣಿಕರು ಹಾಗೂ ಇಬ್ಬರು ಸಹಾಯಕ ಸಿಬ್ಬಂದಿಯಿದ್ದರು. ಅವರೆಲ್ಲರನ್ನೊಳಗೊಂಡಿದ್ದ ವಿಮಾನ, ಸಾವೋ ಪೌಲೋ ನಗರದ ಗುವಾರುಲ್ಹೋಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಕ್ಯಾಸ್ಕಾವೆಲ್ ಎಂಬ ನಗರದ ಕಡೆಗೆ ಪ್ರಯಾಣ ಬೆಳೆಸಿತ್ತು. ಆದರೆ, ಟೇಕಾಫ್ ಆದ ಕೆಲವೇ ನಿಮಿಷಗಳಲ್ಲಿ ತಾಂತ್ರಿಕ ದೋಷಿದಿಂದಾಗಿ ಅದು ಸಾವೋ ಪೌಲೋ ವಿಮಾನ ನಿಲ್ದಾಣದ ಹತ್ತಿರದಲ್ಲಿರುವ ಜನವಸತಿ ಪ್ರದೇಶದ ಮೇಲೆಯೇ ಹೋಗಿ ಬಿದ್ದಿದೆ. ವಸತಿ ಪ್ರದೇಶದಲ್ಲಿರುವ ಜನರಿಗೆ ಆಗಿರುವ ಸಾವು ನೋವಿನ ಬಗ್ಗೆ ಇನ್ನೂ ಖಚಿತ ಮಾಹಿತಿ ಸಿಕ್ಕಿಲ್ಲ ಎಂದು ಬ್ರೆಜಿಲ್ ನ ಮಾಧ್ಯಮಗಳು ವರದಿ ಮಾಡಿವೆ.

ವೆಬ್ ಡೆಸ್ಕ್
ಫೋಕಸ್ ಕರ್ನಾಟಕ