ಕೊನೆಗೂ ಮದುವೆಗೆ ಸಜ್ಜಾದ ಅನುಶ್ರೀ: ಇವರೇ ನೋಡಿ ಮದುವೆಯಾಗುವ ಗಂಡು - ಫೋಟೋ ವೈರಲ್

ಪ್ರಸಿದ್ಧ ಟಿವಿ ನಿರೂಪಕಿ ಹಾಗೂ ನಟಿ ಅನುಶ್ರೀ ಅವರ ವಿವಾಹದ ಸುದ್ದಿ ಮತ್ತೆ ಸುದ್ದಿಯಾಗಿದೆ. ಈ ಬಾರಿ ವಿಷಯವು ಸ್ಪಷ್ಟವಾಗುವ ಲಕ್ಷಣಗಳು ಗೋಚರಿಸುತ್ತಿವೆ. ಕೊಡಗು ಮೂಲದ ರೋಷನ್ ಎಂಬುವರೊಂದಿಗೆ ಅನುಶ್ರೀ ಅವರ ಮದುವೆ ಆಗಲಿದೆ ಎಂಬ ಸುದ್ದಿ ಇದೀಗ ವೈರಲ್ ಆಗುತ್ತಿದೆ.

ಈ ಹಿಂದೆ ಇಂತಹ ಸುದ್ದಿಗಳು ಕೇಳಿಬಂದಿದ್ದರೂ, ಅಭಿಮಾನಿಗಳು ಅದನ್ನು ನಂಬಿರಲಿಲ್ಲ. ಆದರೆ ಈ ಬಾರಿ, ಅನುಶ್ರೀ ಮತ್ತು ರೋಷನ್ ಒಟ್ಟಿಗೆ ಇದ್ದ ಫೋಟೋ ವೈರಲ್ ಆಗಿದ್ದು, ಈ ಸುದ್ದಿ ನಿಜ ಎನ್ನುವ ಅನುಮಾನಕ್ಕೆ ಆಧಾರ ಸಿಕ್ಕಿದೆ. ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ಹರಡುತ್ತಿದೆ.

ರೋಷನ್ ಸೋಶಿಯಲ್ ಮೀಡಿಯಾದಲ್ಲಿ ಖಾತೆ ಹೊಂದಿದ್ದಾರೆ ಎನ್ನಲಾಗಿದ್ದು, ಅನುಶ್ರೀ ಕೂಡ ಇನ್‌ಸ್ಟಾಗ್ರಾಮ್‌ನಲ್ಲಿ ಅವರನ್ನು ಫಾಲೋ ಮಾಡುತ್ತಿರುವುದು ಗಮನಸೆಳೆದಿದೆ. ಆದರೆ, ರೋಷನ್ ತಮ್ಮ ಡಿಸ್ಪ್ಲೇ ಫೋಟೋಗೆ ತಮ್ಮದೇ ಆದ ಚಿತ್ರವನ್ನಿಲ್ಲದೇ ನಾಯಿ ಮರಿ ಫೋಟೋವೊಂದನ್ನು ಇಟ್ಟುಕೊಂಡಿದ್ದಾರೆ. ಇದರಿಂದಾಗಿ ಅವರ ಗುರುತು ಹಲವರಿಗೆ ತಿಳಿಯದೇ ಹೋಗಿತ್ತು.

ಒಂದು ಖಾಸಗಿ ಕಾರ್ಯಕ್ರಮದ ಸಂದರ್ಭದಲ್ಲಿ ಪೂಜೆ ವೇಳೆ ಕ್ಲಿಕ್ಕಿಸಲಾದ ಫೋಟೋಗಳಲ್ಲಿ ಅನುಶ್ರೀ ಮತ್ತು ರೋಷನ್ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಗಳು ಇದೀಗ ಫ್ಯಾನ್ ಪೇಜ್‌ಗಳಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.

ಆಗಸ್ಟ್ 28 ರಂದು ಈ ಜೋಡಿಯ ವಿವಾಹ ನಡೆಯಲಿದೆ ಎಂಬ ಅಂದಾಜುಗಳು ಹಬ್ಬಿವೆ. ಆದರೆ ಈವರೆಗೆ ನಟಿ ಅನುಶ್ರೀ ಅಥವಾ ಅವರ ಕುಟುಂಬದವರಿಂದ ಅಧಿಕೃತ ದೃಢೀಕರಣ ಬಂದಿಲ್ಲ. ಅಭಿಮಾನಿಗಳು ಶೀಘ್ರದಲ್ಲೇ ಈ ಕುರಿತಂತೆ ಅನುಶ್ರೀ ಸೋಶಿಯಲ್ ಮೀಡಿಯಾದ ಮೂಲಕ ಮಾಹಿತಿ ನೀಡುವ ನಿರೀಕ್ಷೆಯಲ್ಲಿ ಇದ್ದಾರೆ.