ಬಿಗ್ ಬಾಸ್ ಗೆ ಕೌಂಟ್ ಡೌನ್: ವಿದಾಯ ಹೇಳಲು ಸಜ್ಜಾದ ಮೂರು ಜನಪ್ರಿಯ ಧಾರವಾಹಿಗಳು!

ಬಿಗ್ ಬಾಸ್ ಸೀಸನ್ 11 ರ ಸೀಸನ್ ಗೆ ಕ್ಷಣಗಣನೆ ಶುರುವಾಗಿದ್ದು, ಮೂರು ದಾರಾವಾಹಿಗಳು ಮುಕ್ತಾಯ ಹಂತ ತಲುಪಲಿದೆ. ಕಲರ್ಸ್​ ಕನ್ನಡದ ಟಾಪ್​ 3 ಧಾರಾವಾಹಿಗಳ ಕೊನೆ ದಿನದ ಶೂಟಿಂಗ್​ ನಡೆಯುತ್ತಿವೆ. 

ಇನ್ನೂ 3 ದಿನಗಳಲ್ಲಿ ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​ಬಾಸ್​ ಆಗಮನವಾಗಲಿದೆ. ಹೀಗಾಗಿ ಕಲರ್ಸ್​ ಕನ್ನಡದ ಟಾಪ್​ 3 ಧಾರಾವಾಹಿಗಳ ಕೊನೆ ದಿನದ ಶೂಟಿಂಗ್​ ನಡೆಯುತ್ತಿವೆ. ಅದರಲ್ಲೂ ಅಂತರಪಟ ಧಾರಾವಾಹಿ ಮುಕ್ತಾಯವಾಗ್ತಿದೆ. ಒಂದುವರೆ ವರ್ಷದ ಜರ್ನಿಗೆ ವಿದಾಯ ಹೇಳ್ತಿದೆ ಸೀರಿಯಲ್​ ತಂಡ. ಈಗಾಗಲೇ ಅಂತರಪಟ ಸೀರಿಯಲ್​ ಶೂಟಿಂಗ್​ ಮುಕ್ತಾಯವಾಗಿದ್ದು, ಈ ವಾರ ಕೊನೆ ಸಂಚಿಕೆ ಪ್ರಸಾರವಾಗಲಿದೆ.

ಆರಾಧನಾ ಪಾತ್ರ ಮಾಡ್ತಿರೋ ನಟಿ ತನ್ವಿ ಬಾಲರಾಜ್​ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಕೆಲವು ಫೋಟೋಗಳನ್ನು ಶೇರ್​ ಮಾಡಿಕೊಂಡಿದ್ದು, ಸುಂದರವಾದ ನೆನಪುಗಳನ್ನ ಕಟ್ಟಿಕೊಟ್ಟಿದ್ದಕ್ಕೆ ಸಹ ಕಲಾವಿದರಿಗೆ ಧನ್ಯವಾದ ತಿಳಿಸಿದ್ದಾರೆ. ಇನ್ನೂ ಅಂತರಪಟ ಮುಕ್ತಾಯಕ್ಕೆ ಕಾರಣ ಬಿಗ್​ಬಾಸ್ ಸೀಸನ್​ 11.

ಇದೇ ಸೆಪ್ಟಂಬರ್​ 29ರಿಂದ ಬಿಗ್​ಬಾಸ್​ ಸೀಸನ್​ 11 ಶುರುವಾಗ್ತಿದೆ. ಹೀಗಾಗಿ ರೇಟಿಂಗ್ ಕಡಿಮೆ ಇರೋ ಧಾರಾವಾಹಿಗಳನ್ನ ಮುಕ್ತಾಯ ಮಾಡಲಾಗ್ತಿದೆ. ಈ ಲಿಸ್ಟ್​ನಲ್ಲಿ ನನ್ನ ದೇವ್ರು, ಕೆಂಡಸಂಪಿಗೆ ಕೂಡ ಸೇರಿಕೊಂಡಿವೆ ಅನ್ನೋ ಮಾತುಗಳು ಕೇಳಿ ಬರ್ತಿವೆ. ​ ಸ್ವಪ್ನಾ ಕೃಷ್ಣ ಅವರ ನಿರ್ಮಾಣ ಹಾಗೂ ನಿರ್ದೇಶನದಲ್ಲಿ ಮೂಡಿ ಬರುತ್ತಿದ್ದ ಸತ್ಯ ಹಾಗೂ ಅಂತರಪಟ ಎರಡು ಸೀರಿಯಲ್​ ಮುಕ್ತಾಯವಾಗಿದ್ದು, ಮುಂದಿನ ಪ್ರಾಜೆಕ್ಟ್​ ಬಗ್ಗೆ ಸಹಜವಾಗಿಯೇ ನಿರೀಕ್ಷೆ ಇದೆ.

ಈ ವಾರ ರಾಜಾರಾಣಿ ಗ್ರ್ಯಾಂಡ್​ ಫಿನಾಲೆ ಇದ್ದು, ಇನ್ನೇರಡು ಸೀರಿಯಲ್​ ಮುಕ್ತಾಯವಾಗೋದಿದೆ. ಬಿಗ್​ಬಾಸ್​ ಹಿನ್ನೆಲೆಯಲ್ಲಿ ಇನ್ನು ಏನೇನೆಲ್ಲಾ ಬದಲಾವಣೆ ಆಗಲಿದೆ ಅಂತ ಕಾದು ನೋಡಬೇಕಿದೆ.

ವೆಬ್ ಡೆಸ್ಕ್
ಫೋಕಸ್ ಕರ್ನಾಟಕ