ಸ್ಮಗ್ಲಿಂಗ್ ಕೇಸ್: ನಾನು ಟ್ರ್ಯಾಪ್ ಆಗಿದ್ದೇನೆ ಎಂದು ವಿಚಾರಣೆ ವೇಳೆ ಕಣ್ಣೀರಿಟ್ಟ ರನ್ಯಾ ರಾವ್..!

ಬೆಂಗಳೂರು: ಚಿನ್ನ ಸ್ಮಗ್ಲಿಂಗ್‌ ಪ್ರಕರಣದ ಮಾಸ್ಟರ್‌ ಮೈಂಡ್‌ ಆರೋಪಿ, ನಟಿ ಹರ್ಷವರ್ಧಿನಿ ರನ್ಯಾರಾವ್‌ ಪರಪ್ಪನ ಅಗ್ರಹಾರ ಜೈಲು ಸೇರಿದ್ದಾರೆ. ಅಲ್ಲದೆ, ಸ್ಮಗ್ಲಿಂಗ್‌ ಜಾಲದಲ್ಲಿ ಶಾಮೀಲಾದವರ ಬೇಟೆಯಾಡಿರುವ ಕಂದಾಯ ಗುಪ್ತಚರ ವಿಭಾಗ (ಡಿಆರ್‌ಐ), ನಗರದ ಪ್ರತಿಷ್ಠಿತ ಹೋಟೆಲ್‌ ಉದ್ಯಮಿ ಮಗ,

ರನ್ಯಾ ಆಪ್ತ ಸ್ನೇಹಿತ ತರುಣ್‌ ಕೊಂಡೂರು ರಾಜುನನ್ನು ಬಂಧಿಸಿದೆ. ಇತ್ತೀಚೆಗೆ 3 ದಿನಗಳ ಕಾಲ ಡಿಆರ್​ಐ ಅಧಿಕಾರಿಗಳ ಕಸ್ಟಡಿಗೆ ನೀಡಲಾಗಿತ್ತು. ಈ ಮತ್ತೆ ರನ್ಯಾ ರಾವ್ ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿ ಆರ್ಥಿಕ ಅಪರಾಧಗಳ ನ್ಯಾಯಾಲಯ ಆದೇಶ ಕೊಟ್ಟಿದೆ. 

ವಿಚಾರಣೆಯಲ್ಲಿರುವ ನಟಿ ರನ್ಯಾ ರಾವ್‌ ಅವರು ಡಿಆರ್​ಐ ಅಧಿಕಾರಿಗಳ ಪ್ರಶ್ನೆಗೆ ಉತ್ತರಿಸಲಾಗದೆ ಅಳುತ್ತಿದ್ದಾರೆ. ನಾನು ಈ ಹಿಂದೆ ಎಂದೂ ಈ ರೀತಿ ಮಾಡಿಲ್ಲ. ನನ್ನ ಬ್ಲ್ಯಾಕ್​ಮೇಲ್ ಮಾಡಲಾಗಿದೆ. ನಾನು ಟ್ರ್ಯಾಪ್ ಆಗಿದ್ದೇನೆ. ಈ ಮಾತನ್ನಷ್ಟೇ ರನ್ಯಾ ರಾವ್ ತನಿಖಾಧಿಕಾರಿಗಳಿಗೆ ಪದೇ ಪದೇ ಹೇಳುತ್ತಿದ್ದಾರೆ.