ತಾಮ್ರದ ಪಾತ್ರೆಯ ಮೇಲಿನ ಕೊಳೆ ಹೋಗಿಸಲು ಈ ಟ್ರಿಕ್ ಫಾಲೋ ಮಾಡಿ!

ಮನೆಯಲ್ಲಿ ಸ್ಟೀಲ್ ಪಾತ್ರೆಗಳನ್ನು ಬಿಟ್ಟರೆ ಇನ್ನೂ ಸಿಲ್ವರ್, ತಾಮ್ರ ಹಾಗೂ ಹಿತ್ತಾಳೆ ಪಾತ್ರೆಗಳು ಇದ್ದೇ ಇರುತ್ತದೆ ಎಂದರ್ಥ. ಇನ್ನೂ ಕೆಲವರ ಮನೆಯಲ್ಲಿ ಮಾತ್ರ ಬೆಳ್ಳಿ ತಟ್ಟಿ, ಚಿನ್ನದ ಸ್ಪೂನ್ನಂತಹ ದುಬಾರಿ ವಸ್ತುಗಳು ಇರುತ್ತದೆ. ಇವುಗಳನ್ನು ಕ್ಲೀನ್ ಮಾಡಲು ನಾವು ಬೇರೆ ರೀತಿಯಲ್ಲೇ ಆಲೋಚಿಸಬೇಕಾಗುತ್ತದೆ. ಅದರಲ್ಲೂ ಹಿತ್ತಾಳೆ ಮತ್ತು ತಾಮ್ರದ ಪಾತ್ರೆಗಳು ಬಹುಬೇಗ ಕಪ್ಪಾಗಿ ಹೋಗುತ್ತದೆ. ಆದರೆ ಇವುಗಳನ್ನು ಕಾಲಕಾಲಕ್ಕೆ ಸರಿಯಾಗಿ ಕ್ಲೀನ್ ಮಾಡುತ್ತಿದ್ದರೆ ಕಲೆಗಳು ಕೂರುವುದಿಲ್ಲ. ಇಲ್ಲದಿದ್ದರೆ ಇದನ್ನು ಸ್ವಚ್ಛಗೊಳಿಸಲು ಕಷ್ಟವಾಗುತ್ತದೆ.

ತಾಮ್ರದ ಪಾತ್ರೆಗಳು, ಲೋಟಗಳು ಮತ್ತು ದೇವರ ಪೂಜಾ ಸಾಮಾಗ್ರಿಗಳು ಭಾರತೀಯ ಮನೆಗಳಲ್ಲಿ ಶತಮಾನಗಳಿಂದ ಬಳಸಲಾಗುತ್ತಿದೆ. ಆಯುರ್ ವೇದದ ಪ್ರಕಾರ, ತಾಮ್ರದ ಪಾತ್ರೆಗಳಲ್ಲಿ ಸಂಗ್ರಹಿಸಿದ ನೀರನ್ನು ಕುಡಿಯುವುದರಿಂದ ಆರೋಗ್ಯಕ್ಕೆ ತುಂಬಾನೇ ಪ್ರಯೋಜನಗಳು ಸಿಗುತ್ತವೆ ಎಂದು ಹೇಳಲಾಗುತ್ತದೆ. ಆದರೆ ಇಂದಿನ ದಿನಗಳಲ್ಲಿ ಪಾತ್ರೆಯ ಅಂಗಡಿಗಳಲ್ಲಿ ಸ್ಟೀಲ್, ಅಲ್ಯೂಮಿನಿಯಂ ಪಾತ್ರೆಗಳು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿರುವುದರಿಂದ ತಾಮ್ರದ ಪಾತ್ರೆಗಳು ಮೂಲೆ ಗುಂಪಾಗಿ ಬಿಟ್ಟಿದೆ, ಆದರೆ ಹಳ್ಳಿ ಕಡೆ ಹೋದರೆ ಈಗಲೂ ಕೂಡ ತಾಮ್ರದ ಲೋಟ ತಟ್ಟೆ, ಸ್ನಾನದ ಹಂಡಿಗೆ ಕಾಣಬಹುದಾಗಿದೆ.

ತಾಮ್ರದ ಪಾತ್ರೆಗಳ ಬಳಕೆ

ಸಾಮಾನ್ಯವಾಗಿ ಈ ಪಾತ್ರೆಗಳ ಬಳಕೆ ಮಾಡುವುದು ಸುಲಭ ವಾದರೂ ಇದರ ನಿರ್ವಹಣೆ ಕೊಂಚ ಕಷ್ಟ ಎನ್ನಬಹುದು! ಯಾಕೆಂದರೆ ಈ ತಾಮ್ರದ ಪಾತ್ರೆಗಳನ್ನು ಬಳಸುತ್ತಾ ಹೋದಂತೆ, ದಿನ ಹೋದ ಹಾಗೆ, ಈ ಪಾತ್ರೆಗಳು ತಮ್ಮ ಹೊಳಪನ್ನು ಕಳೆದು ಕೊಳ್ಳುತ್ತವೆ. ​
ತಾಮ್ರದ ಪಾತ್ರೆಗಳ ಬಳಕೆ ಮಾಡುತ್ತಾ ಹೋದಂತೆ ಈ ಪಾತ್ರೆಗಳು ಕಪ್ಪು ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುತ್ತವೆ ಮತ್ತು ಅವುಗಳ ಮೇಲೆ ಪದರವು ರೂಪುಗೊಳ್ಳುತ್ತದೆ. ಈ ಪದರವು ಕೆಟ್ಟದಾಗಿ ಕಾಣುವು ದಲ್ಲದೆ, ಪಾತ್ರೆ ಯನ್ನು ಬಳಸಲು ಸಹ ಅನಿಸುವುದಿಲ್ಲ. ಮಾರು ಕಟ್ಟೆಯಲ್ಲಿ ಲಭ್ಯವಿರುವ ರಾಸಾಯನಿಕ ಕ್ಲೀನರ್‌ಗಳು ದುಬಾರಿ ಮತ್ತು ದೀರ್ಘಾವಧಿಯಲ್ಲಿ ಹಾನಿಕಾರಕ.

ಅಂತಹ ಪರಿಸ್ಥಿತಿಯಲ್ಲಿ, ದೇಸಿ ಮತ್ತು ಸುಲಭವಾದ ಪರಿಹಾರ ದೊಂದಿಗೆ, ನೀವು ಮನೆಯಲ್ಲಿಯೇ ನಿಮ್ಮ ತಾಮ್ರದ ಪಾತ್ರೆಯನ್ನು ಹೊಳೆಯುವಂತೆ ಮಾಡಬಹುದು. 

ತಾಮ್ರದ ಪಾತ್ರೆಗಳ ಹೊಳಪ್ಪನ್ನು ಹೆಚ್ಚಿಸುವುದು ಹೇಗೆ?

ಉಪ್ಪು ಮತ್ತು ಅರ್ಧ ನಿಂಬೆ ಹಣ್ಣಿನ ರಸ:

ಸ್ವಲ್ಪ ಪುಡಿ ಉಪ್ಪು ಅಥವಾ ಕಲ್ಲು ಉಪ್ಪು ಮತ್ತು ಅರ್ಧ ನಿಂಬೆ ಹಣ್ಣಿನ ರಸ ಇದ್ದರೆ, ತಾಮ್ರದ ಪಾತ್ರೆಗಳನ್ನು ಸುಲಭವಾಗಿ ಸ್ವಚ್ಛಗೊಳಿಸಬಹುದು!
ಹೀಗೆ ಮಾಡಿ: ಅರ್ಧ ಕತ್ತರಿಸಿದ ನಿಂಬೆಹಣ್ಣನ್ನು ತೆಗೆದುಕೊಳ್ಳಿ.ಅದನ್ನು ಉಪ್ಪಿನಲ್ಲಿ ಅದ್ದಿ.ಅದನ್ನು ಹಿತ್ತಳೆ ಪಾತ್ರೆಯ ಮೇಲೆ ಉಜ್ಜಿ.ಆ ಬಳಿಕ ಈ ಪಾತ್ರೆಯನ್ನು 10 ನಿಮಿಷಗಳ ಕಾಲ ಪಕ್ಕಕ್ಕೆ ಇರಿಸಿ.ನಂತರ ತಣ್ಣೀರಿನಿಂದ ಈ ಪಾತ್ರೆಗಳನ್ನು ತೊಳೆಯಿರಿ

ಕೆಚಪ್ ಬಳಸಿ!

ಅರೆ ಹಿತ್ತಳೆಯ ಪಾತ್ರೆಗಳಿಗೆ ಯಾರಾದರೂ ಕೆಚಪ್ ಬಳಸುತ್ತಾರಾ ಎಂದು ನಿಮಗೂ ಕೂಡ ಅಚ್ಚರಿಯಾಗಬಹುದು! ಆದರೆ ಕೆಚಪ್‌ನ ನೈಸರ್ಗಿಕ ಆಮ್ಲೀಯತೆಯು ತಾಮ್ರದ ಕಲೆಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ ಎಂಬುದು ಸತ್ಯ. ಪಾತ್ರೆಯ ಮೇಲೆ ಸ್ವಲ್ಪ ಕೆಚಪ್ ಅನ್ನು ಹರಡಿ ಮತ್ತು ಕೆಚಪ್‌ನ ಆಮ್ಲೀಯತೆಯು ಇಲ್ಲಿ ಕೆಲಸ ಮಾಡಲು ಹಲವಾರು ನಿಮಿಷಗಳ ಕಾಲ ಹಾಗೆಯೇ ಬಿಡಿ.

ನಂತರ ಅದನ್ನು ಮೃದುವಾದ ಸ್ಪಾಂಜ್ ಅಥವಾ ನೈಲಾನ್ ಪ್ಯಾಡ್‌ನಿಂದ ಸ್ಕ್ರಬ್ ಮಾಡಿ. ತೊಳೆದ ನಂತರ, ಆಲಿವ್ ಎಣ್ಣೆಯಲ್ಲಿ ನೆನೆಸಿದ ಬಟ್ಟೆಯಿಂದ ಪಾತ್ರೆಯನ್ನು ಪಾಲಿಶ್ ಮಾಡಿ. ಅದನ್ನು ಒಣಗಲು ಬಿಡಿ ಮತ್ತು ಸಕಾರಾತ್ಮಕ ಫಲಿತಾಂಶಗಳನ್ನು ನೀವೇ ನೋಡಿ.

ಅಡುಗೆ ಸೋಡಾ

ತಾಮ್ರವನ್ನು ಸ್ವಚ್ಛಗೊಳಿಸುವ ವಿಷಯಕ್ಕೆ ಬಂದಾಗ ಅಡುಗೆ ಸೋಡಾ ಯಾವಾಗಲೂ ಉತ್ತಮ ಆಯ್ಕೆಯಾಗಿದೆ. ಅಡುಗೆ ಸೋಡಾವನ್ನು ನಿಂಬೆ ಯೊಂದಿಗೆ ಸಂಯೋಜಿಸಬಹುದು ಅಥವಾ ಪಾತ್ರೆಯನ್ನು ಸ್ವಚ್ಛಗೊಳಿಸಲು ಅಡುಗೆ ಸೋಡಾ ವನ್ನು ಮಾತ್ರ ಬಳಸಬಹುದು. ಕಲೆಗಳನ್ನು ಸ್ವಚ್ಛ ಗೊಳಿಸುವಲ್ಲಿ ಈ ವಿಧಾನವು ಅತ್ಯಂತ ಪರಿಣಾಮಕಾರಿ ವಿಧಾನಗಳಲ್ಲಿ ಒಂದಾಗಿದೆ

ಹುಣಸೆಹಣ್ಣು:

ತಾಮ್ರದ ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ಮಾಗಿದ ಹುಣಸೆಹಣ್ಣು ಹೆಚ್ಚು ಪ್ರಯೋಜನಕಾರಿ. ಇದಕ್ಕಾಗಿ, ಹುಣಸೆಹಣ್ಣನ್ನು ಒಂದು ಕಪ್ ನೀರಿನಲ್ಲಿ ಅರ್ಧ ಗಂಟೆ ನೆನೆಸಿಡಿ. ಅದು ಸ್ವಲ್ಪ ಕರಗಿದಾಗ, ಅದನ್ನು ನೀರಿನಲ್ಲಿಯೇ ಬೆರೆಸಿ.

ಈಗ ಈ ಹುಣಸೆ ನೀರನ್ನು ಪಾತ್ರೆಯ ಸುತ್ತಲೂ ಸ್ಕ್ರಬ್ಬರ್‌ನಿಂದ ಹಚ್ಚಿ ಎರಡು ನಿಮಿಷಗಳ ಕಾಲ ಬಿಡಿ. ಈಗ ಅದನ್ನು ಸ್ಕ್ರಬ್ಬರ್‌ ನಿಂದ ಚೆನ್ನಾಗಿ ಉಜ್ಜಿಕೊಳ್ಳಿ. ಪಾತ್ರೆ ಹೆಚ್ಚು ಕೊಳಕಾಗಿ ಕಾಣು ವಲ್ಲೆಲ್ಲಾ, ಸ್ಕ್ರಬ್ಬರ್‌ನೊಂದಿಗೆ ಹುಣಸೆ ನೀರನ್ನು ಹಚ್ಚಿ ಮತ್ತೆ ಉಜ್ಜಿ. ಒದ್ದೆಯಾದ ಹುಣಸೆಹಣ್ಣಿನ ತಿರುಳನ್ನು ತುಂಬಾ ಕೊಳಕು ಪಾತ್ರೆಗಳ ಮೇಲೆ ಹಚ್ಚಿ ನಂತರ ಸ್ವಚ್ಛಗೊಳಿಸಿ. ತಾಮ್ರದ ಪಾತ್ರೆಗಳು ಹುಣಸೆ ನೀರಿನಿಂದ ಹೊಳೆಯುತ್ತವೆ.