ನಟ ದರ್ಶನ್ ಕೇಸ್ ರೀತಿಯೇ ಕಿಡ್ನ್ಯಾಪ್: ಅಶ್ಲೀಲ ಮೆಸೇಜ್, ಯುವಕನ ಬಟ್ಟೆ ಬಿಚ್ಚಿ ಮರ್ಮಾಂಗಕ್ಕೆ ಹಲ್ಲೆ!

ಬೆಂಗಳೂರು: ನಗರದ ಹೊರವಲಯದ ಸೋಲದೇವನಹಳ್ಳಿಯಲ್ಲಿ ಯುವಕನೊಬ್ಬನ ಮೇಲೆ ನಡೆದ ಅಮಾನವೀಯ ಹಲ್ಲೆಯೊಂದು ಆತಂಕ ಮೂಡಿಸಿದೆ. "ನನ್ನ ಹುಡುಗಿಗೆ ಫೋನ್ ಮಾಡ್ತೀಯಾ, ಮೆಸೇಜ್ ಕಳಿಸುತ್ತೀಯಾ?" ಎಂಬ ಕಾರಣಕ್ಕೆ ಗ್ಯಾಂಗ್‌ವೊಂದು ಕುಶಾಲ್ ಎಂಬ ಯುವಕನನ್ನು ಮಾರಣಾಂತಿಕವಾಗಿ ಹಲ್ಲೆ ನಡೆಸಿದೆ. ಕಾಲೇಜಿನಲ್ಲಿ ಓದುತ್ತಿದ್ದ ಕಾಲದಲ್ಲಿ ಕುಶಾಲ್ ಮತ್ತು ಯುವತಿಯ ನಡುವೆ ಪ್ರೀತಿ ಬೆಳೆದಿತ್ತು. ಆದರೆ ಈ ಸಂಬಂಧ ಎರಡು ವರ್ಷಗಳ ಬಳಿಕ ಮುರಿದು ಬಿದ್ದಿದ್ದು, ಯುವತಿಗೆ ಇತ್ತೀಚೆಗೆ ಮತ್ತೊಬ್ಬ ಹುಡುಗನ ಪರಿಚಯವಾಗಿತ್ತು.

ಈ ನಡುವೆ, ಕುಶಾಲ್ ಯುವತಿಗೆ ಅಶ್ಲೀಲ ಸಂದೇಶ ಕಳುಹಿಸಿದ್ದ ಆರೋಪ ಕೇಳಿಬಂದಿದೆ. ಇದರ ಬೆನ್ನಲ್ಲೇ, ಯುವತಿ ತನ್ನ ಪ್ರಸ್ತುತ ಗೆಳೆಯ ಹಾಗೂ ಸ್ನೇಹಿತರ ಸಹಾಯದಿಂದ ಕುಶಾಲ್‌ನ್ನು ಮಾತು ಹೆಸರಿನಲ್ಲಿ ಕರೆಸಿಕೊಳ್ಳಲಾಗಿದ್ದು, ಕಾರಿನಲ್ಲಿ ಅಪಹರಿಸಿ, ನಿರ್ಜನ ಪ್ರದೇಶಕ್ಕೆ ಕರೆದೊಯ್ಯಲಾಗಿತ್ತು. ಅಲ್ಲಿಯೇ ಪುಂಡರು ಸೇರಿ ಆತನನ್ನು ಬೆತ್ತಲೆಯಾಗಿ ಬಡಿದು ಹಲ್ಲೆ ನಡೆಸಿದ್ದು, ಕ್ರೂರತೆಯ ಶಿಖರ ತಲುಪಿದ್ದಾರೆ. ಹಲ್ಲೆ ವೇಳೆ ಅವರು ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣವನ್ನು ಉಲ್ಲೇಖಿಸಿದ್ದು, "ಅದು ರೇಣುಕಾಸ್ವಾಮಿ ಕೇಸ್ ಇದ್ದಂತೆ, ಇದು ಕೂಡ ಹಾಗೇ ಆಗುತ್ತೆ" ಎಂಬ ಉಗ್ರ ಉದ್ದೇಶ ವ್ಯಕ್ತಪಡಿಸಿದ್ದಾರೆ.

ಅತ್ತ ಎ1 ಹೇಮಂತ್, ಎ2 ನಾನು ಎಂದು ಹೇಳುತ್ತಾ ಹಲ್ಲೆ ನಡೆಸಿದ ವಿಡಿಯೋ ಕೂಡ ಮಾಡುವ ಮೂಲಕ, ಯುವಕನ ಮಾನಸಿಕ ಸ್ಥಿತಿಗೂ ಛಿದ್ರ ತಂದಿದ್ದಾರೆ. ಮರ್ಮಾಂಗ ಭಾಗಗಳ ಮೇಲೆ ತೀವ್ರ ಹಲ್ಲೆ ನಡೆಸಿ ಶಾರೀರಿಕ ಹಿಂಸೆ ಮೂಲಕ ವಿಕೃತತೆಯ ತದ್ವಿರೋಧ ಎತ್ತಿದ್ದಾರೆ. ಈ ಸಂಬಂಧ ಸೋಲದೇವನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿ ಹೇಮಂತ್, ಯಶ್ವಂತ್, ಶಿವಶಂಕರ್ ಹಾಗೂ ಶಶಾಂಕ್ ಗೌಡ ಎಂಬವರನ್ನು ಪೊಲೀಸರು ಬಂಧಿಸಿದ್ದಾರೆ.