ನಿಮ್ಮಲ್ಲಿ ಇಂಟರ್ನೆಟ್ ಡೇಟಾ ಉಳಿದಿದ್ದರೆ ಸುಲಭವಾಗಿ ಹಣ ಸಂಪಾದಿಸಬಹುದು..! ಹೇಗೆ ಗೊತ್ತಾ..?

ಪ್ರತಿಯೊಬ್ಬರೂ ಇತ್ತೀಚಿನ ದಿನಗಳಲ್ಲಿ ಇಂಟರ್ನೆಟ್ ಬಳಕೆದಾರರಾಗಿರುವ ಸಂದರ್ಭದಲ್ಲಿ, ಪ್ರತಿದಿನವೂ ಕೆಲವು ಡೇಟಾ ಬಾಕಿಯೇ ಉಳಿಯುತ್ತದೆ. ಈ ಬಾಕಿ ಉಳಿದ ಡೇಟಾವನ್ನು ಇನ್ನು ಮೊಬೈಲ್‌ನಲ್ಲಿ ವ್ಯರ್ಥ ಮಾಡದೇ, ನೇರವಾಗಿ ಹಣ ಸಂಪಾದಿಸಲು ಅವಕಾಶ ನೀಡುತ್ತಿದೆ ಕೇಂದ್ರ ಸರ್ಕಾರದ PM WANI (Pradhan Mantri Wi-Fi Access Network Interface) ಯೋಜನೆ.

ಈ ಯೋಜನೆಯಡಿಯಲ್ಲಿ, ಸಾರ್ವಜನಿಕ ವೈ-ಫೈ ಹಾಟ್‌ಸ್ಪಾಟ್‌ಗಳನ್ನು ಸ್ಥಾಪಿಸಲು ಯಾವುದೇ ವ್ಯಕ್ತಿ ಅಥವಾ ಅಂಗಡಿಯವರು ಮುಂದೆ ಬಂದು, ಇತರರಿಗೆ ಇಂಟರ್ನೆಟ್ ಸೇವೆ ನೀಡಬಹುದು. ಈ ಮೂಲಕ ತಮ್ಮ ಬಳಿಯ ಉಳಿದ ಡೇಟಾವನ್ನು ಉಪಯೋಗಿಸಿ, ಪ್ರತಿದಿನದ ಆದಾಯ ಗಳಿಸಬಹುದಾಗಿದೆ.

ಡೇಟಾ ಮಾರಾಟದಿಂದ ಆದಾಯ ಹೇಗೆ?

ಈ ಯೋಜನೆಯಡಿ, ಸಾರ್ವಜನಿಕರು ವೈ-ಫೈ ಹಾಟ್‌ಸ್ಪಾಟ್‌ಗೆ ಸಂಪರ್ಕ ಹೊಂದಿ, ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಡೇಟಾ ಪ್ಯಾಕ್‌ಗಳನ್ನು ಖರೀದಿಸಬಹುದು. ಉದಾಹರಣೆಗೆ:

• ₹6 – 1GB (1 ದಿನ)

• ₹9 – 2GB (2 ದಿನಗಳು)

• ₹18 – 5GB (3 ದಿನಗಳು)

• ₹25 – 20GB (7 ದಿನಗಳು)

• ₹49 – 40GB (14 ದಿನಗಳು)

• ₹99 – 100GB (1 ತಿಂಗಳು)

ಅಂಗಡಿಯವರು ಅಥವಾ ವೈ-ಫೈ ಹೊಂದಿರುವ ಯಾವುದೇ ವ್ಯಕ್ತಿ, ಈ ಯೋಜನೆಯಡಿಯಲ್ಲಿ ಸಾರ್ವಜನಿಕ ಬಳಕೆಗೆ ವೈ-ಫೈ ಒದಗಿಸಿ, ಪ್ರತಿ ಬಳಕೆದಾರರಿಂದ ₹5-₹10 ವರೆಗೂ ಪಾವತಿಗೆ ಪಡೆದು ಹಣ ಗಳಿಸಬಹುದು.

PM WANI ಯೋಜನೆಯೆಂದರೇನು?

PM WANI (Pradhan Mantri Wi-Fi Access Network Interface) ಯೋಜನೆಯು ದೇಶದಾದ್ಯಂತ ಸಾರ್ವಜನಿಕವಾಗಿ ಲಭ್ಯವಿರುವ, ಕಡಿಮೆ ಬೆಲೆಯ ಇಂಟರ್ನೆಟ್ ವ್ಯವಸ್ಥೆಯನ್ನು ಉತ್ತೇಜಿಸಲು ಆರಂಭಿಸಲಾಗಿದೆ. ಈ ಯೋಜನೆಯ ಉದ್ದೇಶ ಡಿಜಿಟಲ್ ಇಂಡಿಯಾ ಅಭಿಯಾನವನ್ನು ಬಲಪಡಿಸುವುದು ಹಾಗೂ ಗ್ರಾಮೀಣ ಹಾಗೂ ಶಹರಿ ಪ್ರದೇಶದ ಸಣ್ಣ ವ್ಯಾಪಾರಿಗಳಿಗೆ ಡಿಜಿಟಲ್ ಉದ್ಯಮದ ಅವಕಾಶ ಕಲ್ಪಿಸುವುದಾಗಿದೆ.

ಯೋಜನೆಗೆ ಸೇರುವ ವಿಧಾನ:

1. ವೈ-ಫೈ ಸಂಪರ್ಕ ಹೊಂದಿಸಿ: ಜಿಯೋಫೈಬರ್, ಬಿಎಸ್ಎನ್ಎಲ್ ಅಥವಾ ಏರ್ಟೆಲ್ ನಂತಹ ಸೇವಾ ಪೂರೈಕೆದಾರರಿಂದ ಸಂಪರ್ಕ ಪಡೆದು ಅನಿಯಮಿತ ಡೇಟಾ ಯೋಜನೆ ಸೇರಿಕೊಳ್ಳಬೇಕು.

2. ಹಾಟ್‌ಸ್ಪಾಟ್ ಸಾಧನ ಖರೀದಿಸಿ: ಮಾರುಕಟ್ಟೆಯಲ್ಲಿ ವಿವಿಧ ಬೆಲೆಯಲ್ಲಿ ಲಭ್ಯವಿರುವ ಹಾಟ್‌ಸ್ಪಾಟ್ ಸಾಧನ ಖರೀದಿಸಿ.

3. PDOA ಜೊತೆಗೆ ಸಂಪರ್ಕ ಸಾಧಿಸಿ: ಸರ್ಕಾರದಿಂದ ಅನುಮೋದಿತ PDOA (Public Data Office Aggregator) – ಉದಾಹರಣೆಗೆ C-DOT – ಜೊತೆಗೆ ಲಾಗಿನ್ ವ್ಯವಸ್ಥೆ ಹೊಂದಿಸಿಕೊಳ್ಳುವುದು.

4. PDO ಆಗಿ ನೋಂದಾಯಿಸಿ: pmwani.gov.in ವೆಬ್‌ಸೈಟ್‌ನಲ್ಲಿ ನಿಮ್ಮ ಅಂಗಡಿ/ವ್ಯವಸ್ಥೆಯ ಮಾಹಿತಿ ನೀಡುವ ಮೂಲಕ PDO ಆಗಿ ನೋಂದಾಯಿಸಬೇಕು.

5. ಸೇವೆ ಪ್ರಾರಂಭಿಸಿ: ಯೋಜನೆಯನ್ನು ಸೆಟ್‌ಅಪ್ ಮಾಡಿ, ಲಾಗಿನ್ ವ್ಯವಸ್ಥೆ ಸಜ್ಜುಗೊಳಿಸಿ, ಬಳಕೆದಾರರಿಂದ ಹಣ ಪಾವತಿ ಪಡೆದು ಸೇವೆ ನೀಡಬಹುದು.

ಸಣ್ಣ ವ್ಯಾಪಾರಿಗಳಿಗೆ ಲಾಭದಾಯಕ ಅವಕಾಶ

ಈ ಯೋಜನೆಯ ಮೂಲಕ, ವಿಶೇಷವಾಗಿ ಸಣ್ಣ ಅಂಗಡಿ ಮಾಲೀಕರು, ಟೀ ಹೋಟೆಲ್, ಪುಸ್ತಕ ಅಂಗಡಿ, ಅಥವಾ ಮನೆಮನೆಗಳಲ್ಲಿ ವೈ-ಫೈ ಇರುವವರು ಸಹ, ದೊಡ್ಡ ಹೂಡಿಕೆ ಇಲ್ಲದೆ ಸ್ವಂತ ಡಿಜಿಟಲ್ ಸೇವಾ ಕೇಂದ್ರವಾಗಿ ತಾವೇ ರೂಪಾಂತರಗೊಳ್ಳಬಹುದು. ಈ ಮೂಲಕ ಪ್ರತಿ ತಿಂಗಳು ಸಾವಿರಾರು ರೂಪಾಯಿಗಳಷ್ಟು ಆದಾಯ ಕಮಾಯಿಸಲು ಸಾಧ್ಯವಾಗುತ್ತದೆ.