ಫಿಕ್ಸಿಂಗ್ ಆರೋಪ: ಬ್ಯಾನ್ ಆಗಿದ್ದ ತಂಡದ ಮೇಲೆ ಮತ್ತೆ ಮೂಡಿದ ಗುಮಾನಿ!
ಮಿಲಿಯನ್ ಡಾಲರ್ ಟೂರ್ನಿ ಐಪಿಎಲ್ನಲ್ಲಿ ಮತ್ತೆ ಫಿಕ್ಸಿಂಗ್ ಪೆಂಡಭೂತದ ಸುದ್ದಿ ಸದ್ದು ಮಾಡ್ತಿದೆ. ಈ ಹಿಂದೆ ಫಿಕ್ಸಿಂಗ್ ಕಾರಣಕ್ಕೆ 2 ವರ್ಷಗಳ ಕಾಲ ಬ್ಯಾನ್ ಆಗಿದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ಮೇಲೆ ಗಂಭೀರವಾದ ಆರೋಪ ಕೇಳಿಬಂದಿದೆ. ಈ ಸೀಸನ್ ಕಳಪೆ ಆಟವಾಡ್ತಿರೋ ರಾಜಸ್ಥಾನ ತಂಡ ಕಳೆದ 4 ಪಂದ್ಯಗಳಲ್ಲಿ ಸತತವಾಗಿ ಸೋತಿದೆ. ಅದ್ರಲ್ಲೂ ಕಳೆದ 2 ಪಂದ್ಯಗಳಲ್ಲಿ ಸುಲಭಕ್ಕೆ ಗೆಲ್ಲಬಹುದಾಗಿದ್ದ ಪಂದ್ಯಗಳನ್ನ ಕೈಚೆಲ್ಲಿದೆ. ಇದ್ರ ಬೆನ್ನಲ್ಲೇ ಫಿಕ್ಸಿಂಗ್ ಆರೋಪ ಕೇಳಿ ಬಂದಿದೆ.
ಎಸ್, IPL ಟೂರ್ನಿ ರೋಚಕ ಘಟ್ಟ ತಲುಪಿದ ಬೆನ್ನಲ್ಲೇ ಶಾಕಿಂಗ್ ಸುದ್ದಿಯೊಂದು ಹೊರಬಿದ್ದಿದೆ. ಮ್ಯಾಚ್ ಫಿಕ್ಸಿಂಗ್ ಪೆಡಂಭೂತದ ಗಂಭೀರವಾದ ಆರೋಪ ಐಪಿಎಲ್ ಲೋಕವನ್ನ ಶೇಕ್ ಮಾಡಿದೆ.
ಏಪ್ರಿಲ್ 19ರಂದು ರಾಜಸ್ಥಾನ್ ರಾಯಲ್ಸ್ ತಂಡ ಲಕ್ನೋ ಸೂಪರ್ ಜೈಂಟ್ ವಿರುದ್ಧ ಹೋಮ್ಗ್ರೌಂಡ್ ಜೈಪುರದಲ್ಲಿ ಪಂದ್ಯವಾಡ್ತು. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಲಕ್ನೋ 180 ರನ್ಗಳಿಸಿತ್ತು. 181 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ರಾಜಸ್ಥಾನ್ ತಂಡಕ್ಕೆ ಕೊನೆಯ ಓವರ್ನಲ್ಲಿ 9 ರನ್ ಬೇಕಿದ್ವು. ದೃವ್ ಜುರೇಲ್, ಶಿಮ್ರಾನ್ ಹೆಟ್ಮೆಯರ್ರಂತ ಕ್ರಿಸ್ನಲ್ಲಿದ್ರು. ಹೆಟ್ಮೆಯರ್ ಔಟಾದ ಮೇಲೆ ಶುಭಮ್ ದುಬೆ ಬ್ಯಾಟಿಂಗ್ಗೆ ಬಂದ್ರು. ಪ್ರಮುಖ ಆಟಗಾರರು ಬ್ಯಾಟಿಂಗ್ಗೆ ಬಂದ್ರೂ 2 ರನ್ಗಳಿಂದ ರಾಜಸ್ಥಾನ್ ಸೋಲ್ತು. ಈ ನಾಟಕೀಯ ಸೋಲಿಗೆ ಫಿಕ್ಸಿಂಗ್ ಕಾರಣ ಎಂಬ ಆರೋಪ ಕೇಳಿಬಂದಿದೆ.
ರಾಜಸ್ಥಾನ್ ಕ್ರಿಕೆಟ್ ಅಸೋಸಿಯೇಶನ್ನ ಅಧಿಕಾರಿಯೇ ಈ ಸೋಲಿನ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ರಾಜಸ್ಥಾನ್ ರಾಯಲ್ಸ್ ಮ್ಯಾನೇಜ್ಮೆಂಟ್ ಮೇಲೆ ಆರ್ಸಿಎನ ಆ್ಯಡ್ ಹಾಕ್ ಕಮಿಟಿ ಸದಸ್ಯ ಜೈದೀಪ್ ಬಿಹಾನಿ ಆರೋಪ ಮಾಡಿದ್ದಾರೆ.
ನಿಮ್ಮ ಪ್ರತಿಕ್ರಿಯೆ ಏನು?
