ಮನೆಯಲ್ಲಿ ಮುಂಜಾನೆಯೇ ಯಾಕೆ ದೇವರ ಪೂಜೆ ಮಾಡ್ಬೇಕು? ನೀವು ತಿಳಿಯಲೇಬೇಕು?

ಹಿಂದೂ ಧರ್ಮದಲ್ಲಿ ದೇವರ ಪೂಜೆ, ಉಪವಾಸ ಮತ್ತು ವ್ರತಗಳಿಗೆ ವಿಶೇಷ ಸ್ಥಾನವಿದೆ. ಬೆಳಗ್ಗೆ ಮತ್ತು ಸಂಜೆ ಬಹುತೇಕ ಎಲ್ಲ ಮನೆಯಲ್ಲೂ ಪೂಜೆ ವಂದನೆ ನಡೆಯುತ್ತದೆ. ದೇವರಿಗೆ ಆರತಿ ಮಾಡಲಾಗುತ್ತದೆ. ಮನೆಯ ದೇವಾಲಯಗಳಲ್ಲಿ ದೀಪಗಳನ್ನು ಬೆಳಗಿಸಲಾಗುತ್ತದೆ. ಪೂಜೆಯ ಸಮಯ ಮತ್ತು ವಿಧಿ - ವಿಧಾನಗಳ ಬಗ್ಗೆ ವಿಶೇಷ ಕಾಳಜಿ ವಹಿಸಲಾಗುತ್ತದೆ ಎಂದು ಜನರಿಗೆ ಚೆನ್ನಾಗಿ ತಿಳಿದಿದೆ. ಶಾಸ್ತ್ರಗಳಲ್ಲಿ ಬೆಳಗಿನ ಪೂಜೆಗೆ ವಿಶೇಷ ಪ್ರಾಮುಖ್ಯತೆ ನೀಡಲಾಗಿದೆಯಂತೆ.

ದೇವರಿಗೆ ಕೃತಜ್ಞತೆ ಸಲ್ಲಿಸಲು ಅಥವಾ ಪ್ರಾರ್ಥನೆ ಸಲ್ಲಿಸಲು ಮುಂಜಾನೆ ಸೂಕ್ತವಾದ ಸಮಯ. ಮುಂಜಾನೆ ದೇವರನ್ನು ಆರಾಧಿಸುವುದರಿಂದ ನಾವು ಸಾಕಷ್ಟು ಲಾಭವನ್ನು ಪಡೆದುಕೊಳ್ಳಬಹುದು. ಮುಂಜಾನೆ ದೇವರನ್ನು ಆರಾಧಿಸಿದರೆ ಯಾವೆಲ್ಲಾ ಪ್ರಯೋಜನಗಳಿವೆ ನೋಡಿ. 

ಸ್ವಾರ್ಥ ಮತ್ತು ಹಿಂಸೆಯ ಈ ಜಗತ್ತಿನಲ್ಲಿ ಹೆಚ್ಚಾಗಿ ನಕಾರಾತ್ಮಕತೆಯೇ ತುಂಬಿಕೊಂಡಿದೆ. ಆದ್ದರಿಂದ ನಾವು ಹೊರಗಡೆಯಿಂದ ನಕಾರಾತ್ಮಕತೆಯನ್ನು ಆಹ್ವಾನಿಸುವ ಅಗತ್ಯವಿಲ್ಲ. ಯಾಕೆಂದರೆ ನಮ್ಮ ಸುತ್ತಮುತ್ತಲೇ, ನಮ್ಮ ಮನೆಯಲ್ಲೇ ಅಷ್ಟೇ ಯಾಕೆ ನಮ್ಮ ಮನಸ್ಸಿನಲ್ಲೂ ನಕಾರಾತ್ಮಕತೆ ತುಂಬಿಕೊಂಡಿದೆ. ಶಾಂತಿ ಮತ್ತು ಸುಖಮಯ ಜೀವನಕ್ಕೆ ನಮಗೆ ಬೇಕಾಗಿರುವುದು ನಕರಾತ್ಮಕತೆಯಲ್ಲ, ಬದಲಾಗಿ ಸಕಾರಾತ್ಮಕತೆ. ಸಕಾರಾತ್ಮಕತೆ ಪಡೆಯುವುದು ಹೇಗೆ..? ಎಂದು ನೀವು ಕೇಳಬಹುದು. ಅದು ತುಂಬಾನೇ ಸರಳ.

ಸಕಾರಾತ್ಮಕತೆಯನ್ನು ಪಡೆದುಕೊಳ್ಳಲು ನಾವು ಮುಂಜಾನೆ ದೇವರನ್ನು ಭಕ್ತಿಯಿಂದ ಆರಾಧಿಸಬೇಕು. ನಿಮ್ಮ ಸುತ್ತಲೂ ಆವರಿಸಿರುವ ನಕಾರಾತ್ಮಕ ಶಕ್ತಿಯನ್ನು, ನಿಮ್ಮ ಮನಸ್ಸಿನಲ್ಲಿನ ನಕಾರಾತ್ಮಕ ಶಕ್ತಿಯನ್ನು ಮುಂಜಾನೆ ದೇವರ ಪೂಜೆ ಮಾಡುವುದರಿಂದ ದೂರಾಗಿಸಿಕೊಳ್ಳಬಹುದು. ಎಂತಹುದೇ ಕಠಿಣ ಸಮಸ್ಯೆಗಳಲ್ಲಿ ನೀವು ಸಿಲುಕಿಕೊಂಡಿದ್ದರೆ ಅದರಿಂದ ಹೊರಬರಲು ಮುಂಜಾನೆ ಕೈಗೊಳ್ಳುವ ಪೂಜೆಯು ಸಹಕರಿಸುತ್ತದೆ. ಮುಂಜಾನೆ ದೇವರಿಗೆ ಕೃತಜ್ಞತೆ ಸಲ್ಲಿಸುವ ಮೂಲಕ ಮಂತ್ರಗಳನ್ನು, ಸ್ತೋತ್ರಗಳನ್ನು ಪಠಿಸುವ ಮೂಲಕ ನೀವು ಸರಳವಾಗಿ ಆತನ ಆಶೀರ್ವಾದವನ್ನು ಪಡೆದುಕೊಳ್ಳುವಿರಿ. ನಿಮಗೆ ಎಂತಹ ಕಠಿಣ ಸಂದರ್ಭದಲ್ಲೂ ಸರಿಯಾದ ಮಾರ್ಗದರ್ಶನವನ್ನು ನೀಡುವನು.

ಸಾಮಾನ್ಯವಾಗಿ ಮನುಷ್ಯರು ದಿನಕಳೆದಂತೆ ದೇವರು ನಮ್ಮನ್ನು ಯಾಕೆ ಭೂಮಿಯಲ್ಲಿ ಸೃಷ್ಟಿಸಿದ್ದಾನೆ..? ಯಾಕೆ ನಮಗಾಗಿ ಒಮದು ಜೀವನವನ್ನು ನೀಡಿದ್ದಾನೆ..? ಎನ್ನುವುದನ್ನೇ ಮರೆತು ಬಿಡುತ್ತಾರೆ. ಕಠಿಣ ಸಂದರ್ಭಗಳಲ್ಲಿ, ಅಡೆತಡೆಗಳಲ್ಲಿ, ತೊಂದರೆಗಳಲ್ಲಿ ಮಾತ್ರ ದೇವರನ್ನು ನೆನೆದುಕೊಳ್ಳುತ್ತಾರೆ ಹಾಗೂ ಆತನನ್ನು ಕಷ್ಟದ ಪರಿಸ್ಥಿತಿ ನೀಡಿದ್ದಕ್ಕಾಗಿ ದೂರುತ್ತಾರೆ. ಅದೇ ಸಂತೋಷದ ದಿನಗಳು, ಸಂತೋಷದ ಕ್ಷಣಗಳು ಬಂದಾಗ ಆ ವ್ಯಕ್ತಿಗೆ ಆ ಸುಮಧುರ ಕ್ಷಣಗಳನ್ನು ಕಳೆಯುವುದರಲ್ಲಿ ದೇವರ ನೆನಪೇ ಇರುವುದಿಲ್ಲ

ಆ ಸಂತಸದ ಗಳಿಗೆಯನ್ನು ಆ ದೇವರು ನೀಡಿದ್ದಾನೆನ್ನುವುದು ಕೂಡ ಅವರ ಅರಿವಿಗೆ ಬರುವುದಿಲ್ಲ. ನೀವು ಮುಂಜಾನೆ ದೇವರಿಗೆ ನಮಸ್ಕರಿಸುವುದರಿಮದ, ದೇವರ ಪ್ರಾರ್ಥನೆಯನ್ನು ಪೂರೈಸುವುದರಿಂದ ನಿಮ್ಮ ಮನಸ್ಸಿನಲ್ಲಿ ದೇವರು ಇದ್ದಾನೆ, ಎಂತಹುದೇ ಕಠಿಣ ಪರಿಸ್ಥಿತಿಯಲ್ಲಿ ಕೈಬಿಡಲಾರನೆಂದು ನೆನಪಿಸುತ್ತದೆ. ಆದ್ದರಿಂದ ನೀವು ಮುಂಜಾನೆ ಆತನನ್ನು ಆರಾಧಿಸುವ ಮೂಲಕ ಕೃತಜ್ಞತೆಯನ್ನು ಸಲ್ಲಿಸಬಹುದು.

ದೇವರ ಉಪಸ್ಥಿತಿಯನ್ನು ಅನುಭವಿಸುವಿರಿ:
ಜನರು ದೇವರ ದರ್ಶನಕ್ಕಾಗಿ ಶ್ರಮಿಸುತ್ತಾರೆ ಮತ್ತು ತಮ್ಮ ಜೀವಿತಾವಧಿಯಲ್ಲಿ ಒಮ್ಮೆಯಾದರು ದೇವರನ್ನು ನೋಡಬೇಕೆಂಬ ಹಂಬಲದಿಂದ ಹಗಲು ರಾತ್ರಿ ಧಾರ್ಮಿಕ ಕಾರ್ಯಗಳಲ್ಲಿ ತೊಡಗಿಕೊಳ್ಳುತ್ತಾರೆ. ಆದರೆ ದೇವರ ಆಶೀರ್ವಾದವನ್ನು ಪಡೆಯಲು ಹಾಗೂ ದೇವರ ಉಪಸ್ಥಿತಿಯನ್ನು ಅನುಭವಿಸಲು ಕೇವಲ ಮುಂಜಾನೆಯ ಪ್ರಾರ್ಥನೆಯೊಂದೇ ಸಾಕಾಗುತ್ತದೆ. ಬೆಳಗಿನ ಪ್ರಾರ್ಥನೆಯು ಅಸಾಧ್ಯವಾದುದನ್ನು ಕೂಡ ಸಾಧ್ಯವಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ.

4) ಮುಂಜಾನೆಯ ಪ್ರಾರ್ಥನೆ ನಂಬಿಕೆಯನ್ನು ಬಲಪಡಿಸುತ್ತದೆ:
ಬೆಳಗ್ಗೆ ದೇವರನ್ನು ಪೂಜಿಸುವುದರಿಂದ ದೇವರ ಮೇಲಿನ ನಂಬಿಕೆಯು ಬಲವಾಗುತ್ತದೆ ಹಾಗೂ ದೇವರು ನಮ್ಮೊಂದಿಗಿದ್ದಾನೆನ್ನುವ ಅನುಭವವನ್ನು ಕೂಡ ನೀಡುತ್ತದೆ. ಮುಂಜಾನೆ ದೇವರಿಗೆ ಪ್ರಾರ್ಥನೆಯನ್ನು ಸಲ್ಲಿಸುವವರು ದೇವರ ಉಪಸ್ಥಿತಿಯನ್ನು ಅನುಭವಿಸುವಿರಿ. ದೇವರ ಮೇಲಿನ ನಂಬಿಕೆಯು ದೃಢವಾಗುತ್ತದೆ. ದೇವರು ನಿಮ್ಮೊಂದಿಗಿದ್ದಾಗ ನಿಮಗೆ ಯಾವುದೇ ಸಮಸ್ಯೆಗಳು ದೊಡ್ಡದೆಂದು ಎನಿಸುವುದಿಲ್ಲ. ಸಮಸ್ಯೆಗಳನ್ನು ನಿವಾರಿಸುವಲ್ಲಿ ನಿಮಗೆ ಅಪಾರ ವಿಶ್ವಾಸ ಮೂಡುತ್ತದೆ.

5) ದೇಹ ಮತ್ತು ಆತ್ಮವನ್ನು ಶುದ್ಧೀಕರಿಸುತ್ತದೆ:
ಮುಂಜಾನೆ ದೇವರ ಪ್ರಾರ್ಥನೆ ಮಾಡುವುದರಿಂದ ಆ ವ್ಯಕ್ತಿಯ ದೇಹ ಮತ್ತು ಆತ್ಮವನ್ನು ಶುದ್ಧೀಕರಿಸುತ್ತದೆ. ಇದು ಮನುಷ್ಯನ ಮನಸ್ಸಿನೊಳಗಿನ ಚೈತನ್ಯವನ್ನು ಹೆಚ್ಚಿಸುತ್ತದೆ. ಒಂದು ವೇಳೆ ನೀವು ಬೆಳಗಿನ ಪ್ರಾರ್ಥನೆಯನ್ನು ಮಾಡಲು ಇಚ್ಛಿಸಿದರೆ ನಿಮ್ಮ ಮನಸ್ಸು ಶುದ್ಧ ಹಾಗೂ ಶಾಂತವಾಗಿರಬೇಕು. ಮುಂಜಾನೆಯ ಪ್ರಾರ್ಥನೆಯು ದೀರ್ಘಕಾಲದ ಸಮಸ್ಯೆಗಳನ್ನು ಬಗೆಹರಿಸುವ ಸಾಮರ್ಥ್ಯವನ್ನು ಹೊಂದಿದೆ. ನಿಮ್ಮೆಲ್ಲಾ ಚಿಂತೆಗಳನ್ನು ಬೆಳಗಿನ ಪ್ರಾರ್ಥನೆ ನಿವಾರಿಸುತ್ತದೆ.

6) ಮುಂಜಾನೆಯ ಪ್ರಾರ್ಥನೆ ಇಡೀ ದಿನವನ್ನು ಸುರಕ್ಷಿತವಾಗಿಡುತ್ತದೆ:
ಬೆಳಗಿನ ಪ್ರಾರ್ಥನೆಯು ನಿಮ್ಮ ಸುತ್ತಲಿನ ತೊಂದರೆಗಳನ್ನು ಬಗೆಹರಿಸುವ ಆಯುಧದಂತೆ ಕೆಲಸ ಮಾಡುತ್ತದೆ. ಬೆಳಗಿನ ಪ್ರಾರ್ಥನೆಯು ಇತರರ ದ್ವೇಷದಿಂದ, ಶತ್ರುಗಳಿಂದಾಗುವ ಸಮಸ್ಯೆಯಿಂದ ನಿಮ್ಮನ್ನು ರಕ್ಷಿಸುತ್ತದೆ. ಬೈಬಲ್‌ ನಲ್ಲೂ ಕೂಡ ಬೆಳಗಿನ ಪ್ರಾರ್ಥನೆಯ ಮಹತ್ವವನ್ನು ಉಲ್ಲೇಖಿಸಲಾಗಿದೆ. ಬೆಳಗಿನ ಪ್ರಾರ್ಥನೆಯು ದೇವರನ್ನು ಸಂತೋಷಗೊಳಿಸುತ್ತದೆ.

ಇಷ್ಟು ಮಾತ್ರವಲ್ಲದೇ, ನೀವು ಮುಂಜಾನೆ ದೇವರನ್ನು ಪೂಜಿಸುವುದರಿಂದ ಇನ್ನೂ ಹೆಚ್ಚಿನ ಪ್ರಯೋಜನಗಳನ್ನು ಪಡೆದುಕೊಳ್ಳುವಿರಿ. ಆದ್ದರಿಂದ ನಿಮ್ಮ ಬೆಳಗಿನ ದಿನಚರಿ ಏನೇ ಇರಲಿ ಮುಂಜಾನೆ ಒಂದಿಷ್ಟು ಸಮಯವನ್ನು ದೇವರ ಪ್ರಾರ್ಥನೆಗೆ ನಿಗಧಿಪಡಿಸಿ.