ಶುಭ ಶುಕ್ರವಾರ ಲಕ್ಷ್ಮೀ ದೇವಿ ಪೂಜಿಸುವ ವಿಧಾನ ನೀವು ತಿಳಿಯಿರಿ! ಹೀಗಿದ್ದರೆ ಮಾತ್ರ ಸಂಪತ್ತು ಹರಿದು ಬರತ್ತೆ!

ನಮ್ಮ ಜೀವನ ಸುಂದರವಾಗಿರಬೇಕೆಂದು, ನಾವು ಬಯಸಿದ್ದೆಲ್ಲಾ ನಮಗೆ ಸಿಗಬೇಕೆಂಬುದು ಪ್ರತಿಯೊಬ್ಬರಲ್ಲೂ ಇದ್ದೇ ಇರುತ್ತದೆ. ನಾವು ಮಾಡುತ್ತಿರುವ ಕೆಲಸಕ್ಕೆ ಸರಿಯಾದ ಫಲ ಸಿಗಬೇಕು. ಹಣ, ಆಸ್ತಿ ಎಲ್ಲವೂ ನಮ್ಮಲ್ಲಿಯೂ ಇರಬೇಕೆಂದು ಬಯಸುವುದು ಸಾಮಾನ್ಯ. ಇವುಗಳನ್ನು ಹೊಂದುವುದಕ್ಕಾಗಿ, ಉತ್ತಮ ಜೀವನವನ್ನು ನಡೆಸುವುದಕ್ಕಾಗಿ ಪ್ರತಿಯೊಬ್ಬ ವ್ಯಕ್ತಿಯೂ ಶ್ರಮಿಸುತ್ತಲೇ ಇರುತ್ತಾನೆ.

ನಾವು ಅಂದಕೊಂಡಂತೆ ನಮ್ಮ ಜೀವನದಲ್ಲಿ ಧನ ಸಂಪತ್ತು ಇರಬೇಕಾದರೆ, ಅದಕ್ಕೆಲ್ಲಾ ಲಕ್ಷ್ಮಿ ದೇವಿಯ ಕೃಪೆಯನ್ನು ಪಡೆದುಕೊಂಡಿರಬೇಕು. ಲಕ್ಷ್ಮಿ ದೇವಿ ನೆಲೆಸಿರುವ ಸ್ಥಳದಲ್ಲಿ ಮತ್ತು ಆಕೆಯನ್ನು ಪೂಜಿಸುವ ಮನೆಯಲ್ಲಿ ಎಂದಿಗೂ ಸಂಪತ್ತಿಗೆ ಕೊರತೆಯಾಗುವುದಿಲ್ಲ ಎನ್ನುವ ನಂಬಿಕೆಯಿದೆ. ಲಕ್ಷ್ಮಿಯನ್ನು ಪೂಜಿಸುವುದರಿಂದ ಮನೆಯಲ್ಲಿ ಬಡತನ ಬರುವುದಿಲ್ಲ ಎಂದು ಪುರಾಣಗಳಲ್ಲಿ ಹೇಳಲಾಗಿದೆ.

ಲಕ್ಷ್ಮಿ ದೇವಿಯ ಆರಾಧನೆಯನ್ನು ಯಾವಾಗಲೂ ವಿಧಿ - ವಿಧಾನಗಳ ಪ್ರಕಾರ, ಪೂಜೆ ಕೈಂಕರ್ಯಗಳ ಅನುಸಾರ ಮಾಡಬೇಕೆನ್ನುವ ನಂಬಿಕೆಯಿದೆ. ನಿಯಮಗಳಿಗನುಗುಣವಾಗಿ ಲಕ್ಷ್ಮಿ ದೇವಿಯನ್ನು ಪೂಜಿಸುವುದರಿಂದ ಮಾತ್ರ ಪೂಜೆಯ ಫಲವನ್ನು ಪಡೆದುಕೊಳ್ಳಬಹುದಾಗಿದೆ. ಲಕ್ಷ್ಮಿ ದೇವಿಯನ್ನು ಪೂಜಿಸುವುದು ಹೇಗೆ.? ಲಕ್ಷ್ಮಿ ದೇವಿಯನ್ನು ಪೂಜಿಸಲು ನಾವು ಯಾವೆಲ್ಲಾ ವಿಧಿ - ವಿಧಾನಗಳನ್ನು ಅನುಸರಿಸಬೇಕು ಗೊತ್ತೇ.?

ಲಕ್ಷ್ಮಿ ಪೂಜೆಯ ಸರಳ ವಿಧಾನಗಳಿವು:
1. ಶುದ್ಧತೆ:
ಬೆಳಗ್ಗೆ ಬೇಗ ಎದ್ದು ನಿತ್ಯ ಕರ್ಮಗಳನ್ನು ಮುಗಿಸಿ, ಸ್ನಾನ ಮಾಡಿ ನಂತರ ಪೂಜೆ ಮಾಡುವ ಸ್ಥಳವನ್ನು ಶುದ್ಧಗೊಳಿಸಬೇಕು. ಬಳಿಕ ಪೂಜೆ ಸ್ಥಳ ಸೇರಿದಂತೆ ಮನೆಯ ಮೂಲೆ ಮೂಲೆಯಲ್ಲೂ ಗಂಗಾಜಲವನ್ನು ಸಿಂಪಡಿಸಬೇಕು.

2. ಪೂಜೆಯ ದಿಕ್ಕು:
ಮೊದಲನೇಯದಾಗಿ, ಪೂಜೆ ಮಾಡುವ ಮುನ್ನ ಸರಿಯಾದ ದಿಕ್ಕನ್ನು ಆಯ್ದುಕೊಳ್ಳುವುದು ತುಂಬಾನೇ ಮುಖ್ಯವಾಗಿರುತ್ತದೆ. ಸರಿಯಾದ ದಿಕ್ಕಿನಲ್ಲಿ ದೇವರ ಪೂಜೆ ಮಾಡುವುದರಿಂದ ಮಾತ್ರ ಪೂಜೆಯ ಫಲ ದೊರೆಯುತ್ತದೆ. ಲಕ್ಷ್ಮಿ ದೇವಿಯ ಪೂಜೆಯನ್ನು ಮಾಡುವುದಕ್ಕಾಗಿ ಈಶಾನ್ಯ ದಿಕ್ಕನ್ನು ಆಯ್ದುಕೊಳ್ಳಬೇಕು.

3. ಪೂಜೆ ಮಾಡುವವರು ಕುಳಿತುಕೊಳ್ಳಬೇಕಾದ ದಿಕ್ಕು:
ಲಕ್ಷ್ಮಿ ದೇವಿಯನ್ನು ಈಶಾನ್ಯ ದಿಕ್ಕಿನಲ್ಲಿ ಪೂಜಿಸುವುದು ಮಾತ್ರವಲ್ಲದೇ, ಆಕೆಯನ್ನು ಪೂಜಿಸುವಾಗ ನಿಮ್ಮ ಮುಖವು ಪೂರ್ವ ಅಥವಾ ಉತ್ತರದ ಕಡೆಗೆ ಇಟ್ಟುಕೊಂಡರೆ ನೀವು ಲಕ್ಷ್ಮಿ ದೇವಿಯ ಆಶೀರ್ವಾದವನ್ನು ಪಡೆದುಕೊಳ್ಳಬಹುದಾಗಿದೆ.

4. ಪೂಜೆ ಸಮಯ:
ಹಾಗೂ ಲಕ್ಷ್ಮಿ ದೇವಿಯನ್ನು ಯಾವ ಸಮಯದಲ್ಲಿ ಪೂಜಿಸಬೇಕೆನ್ನುವುದು ಕೂಡ ತುಂಬಾನೇ ಮುಖ್ಯವಾಗಿರುತ್ತದೆ. ಲಕ್ಷ್ಮಿಯನ್ನು ಯಾವ ಸಮಯದಲ್ಲಿ ಪೂಜೆ ಮಾಡಬೇಕೆಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ಅಂದರೆ, ಒಂದು ನಿಗದಿತ ಸಮಯದಲ್ಲಿ ಮಾತ್ರ ಲಕ್ಷ್ಮಿ ದೇವಿಯನ್ನು ಪೂಜಿಸಬೇಕು.

5. ಪಂಚ ದೇವರ ಆರಾಧನೆ:
ಲಕ್ಷ್ಮಿ ದೇವಿಯನ್ನು ಪೂಜೆ ಮಾಡುವ ಸಮಯದಲ್ಲಿ, ಪಂಚದೇವರನ್ನು ಅಂದರೆ ಸೂರ್ಯ ದೇವನನ್ನು, ಗಣೇಶನನ್ನು, ಶಿವ, ದುರ್ಗಾ ದೇವಿ ಮತ್ತು ವಿಷ್ಣುವನ್ನು ಪೂಜಿಸಿದ ನಂತರ ಲಕ್ಷ್ಮಿಯನ್ನು ಪೂಜಿಸಬೇಕು. ನಂತರ ಅರಿಶಿನ, ಕುಂಕುಮ ಮತ್ತು ಅಕ್ಷತೆಯನ್ನು ಲಕ್ಷ್ಮಿ ದೇವಿಗೆ ಹಚ್ಚಬೇಕು.

6. ಪೂಜೆಯನ್ನು ಅಂತ್ಯಗೊಳಿಸುವ ವಿಧಾನ:
ಇದರ ನಂತರ ಲಕ್ಷ್ಮಿ ದೇವಿಯ ಮುಂದೆ ಧೂಪ ಮತ್ತು ದೀಪಗಳನ್ನು ಬೆಳಗಿಸಿ. ನೈವೇದ್ಯವನ್ನು ಅರ್ಪಿಸುವ ಮೂಲಕ ಆಕೆಯನ್ನು ಪೂಜಿಸಿ. ಈ ವಿಧಿ - ವಿಧಾನಗಳ ಬಳಿಕ ಪೂಜೆಯನ್ನು ಮಾಡಿದ ನಂತರ ದೇವಿಗೆ ಭಕ್ತಿಯಿಂದ ಆರತಿಯನ್ನು ಮಾಡಿ.

ಹೀಗೆ ಈ ಮೇಲಿನಂತೆ ಲಕ್ಷ್ಮಿ ದೇವಿಯನ್ನು ಸರಳ ವಿಧಿ - ವಿಧಾನಗಳ ಮೂಲಕ ಪೂಜಿಸುವುದರಿಂದ ಆಕೆಯ ಆಶೀರ್ವಾದವನ್ನು ಪಡೆದುಕೊಳ್ಳಬಹುದಾಗಿದೆ. ನೀವೂ ಲಕ್ಷ್ಮಿ ದೇವಿಯನ್ನು ಈ ಮೇಲಿನಂತೆ ಆರಾಧಿಸುವ ಮೂಲಕ ಆಕೆಯ ಆಶೀರ್ವಾದಕ್ಕೆ ಪಾತ್ರರಾಗಿ.