ಆಧಾರ್ ಹೊಂದಿರೋ ಜನರೇ ಹುಷಾರ್! ನಿಮಗೆ ಗೊತ್ತಿಲ್ಲದೇ ಯಾಮಾರಿಸಿ ಬಿಡ್ತಾರೆ ಮರ್ರೆ!

ಕರ್ನಾಟಕದಲ್ಲಷ್ಟೇ ಅಲ್ಲ ಇಡೀ ದೇಶದಲ್ಲಿ ಆಧಾರ್ ಕಾರ್ಡ್​ ಇಲ್ಲದೇ ಸರ್ಕಾರದ ಯಾವುದೇ ಸ್ಕೀಮ್ ಪಡೆಯಲು ಸಾಧ್ಯವಿಲ್ಲ. ಅಷ್ಟರ ಮಟ್ಟಿಗೆ ಆಧಾರ್ ಕಾರ್ಡ್ ಮಹತ್ವ ಹೊಂದಿದೆ. 

ದೇಶದಲ್ಲಿರುವ ಅತ್ಯಂತ ಗುರುತಿನ, ಮಹತ್ವದ ಡಾಕ್ಯುಮೆಂಟ್​​ ಅಂದ್ರೆ ಆಧಾರ್ ಕಾರ್ಡ್. ಸ್ಕೂಲ್​​​​​ ಅಡ್ಮಿಷನ್​​ನಿಂದ ಹಿಡಿದು, ಉದ್ಯೋಗಕ್ಕೆ ಸೇರುವುದರಿಂದ ಹಿಡಿದು ಎಲ್ಲೆಲ್ಲೂ ಆಧಾರ್ ಬೇಕು. ನಮ್ಮ ಅಸ್ತಿತ್ವದ ಗುರುತಿನ ಚೀಟಿ ಅಂದರೆ ಅದುವೇ ಆಧಾರ್ ಅಂದ್ರೆ ತಪ್ಪಾಗೋದಿಲ್ಲ. 

ಹೋಟೆಲ್​​ನಂಥ ಸ್ಥಳಗಳಲ್ಲಿ ರೂಮ್ಸ್ ಬುಕ್ ಮಾಡುವಾಗ ಗುರುತಿನ ಐಡಿಯಾಗಿ ಆಧಾರ್ ನೀಡ್ತೀರಿ. ಇದೇ ನಿಮಗೆ ಮುಳುವಾದರೂ ಅಚ್ಚರಿ ಇಲ್ಲ. ಅನಧಿಕೃತ ಸ್ಥಳಗಳಲ್ಲಿ ಗುರುತಿನ ಚೀಟಿ ಎಂದು ಆಧಾರ್ ಕಾರ್ಡ್ ನೀಡೋದು ತುಂಬಾನೇ ಡೇಂಜರ್. ಆಧಾರ್​ನಲ್ಲಿ ನಿಮ್ಮ ವೈಯಕ್ತಿಕ ವಿವರಗಳು ಇರುತ್ತವೆ. ಅದನ್ನು ಕೆಲವರು ದುರುಪಯೋಗ ಪಡಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ. ಕಾರ್ಡ್​​ನಲ್ಲಿರುವ ಮಾಹಿತಿ ಮೂಲಕ ಸುಲಭವಾಗಿ ನಿಮ್ಮ ಬ್ಯಾಂಕ್ ವಿವರಗಳನ್ನು ಪಡೆದುಕೊಳ್ಳುತ್ತಾರೆ. 

ಒಂದು ವೇಳೆ ಅಪರಿಚಿತರಿಗೆ ಒರಿಜಿನಲ್ ಆಧಾರ್ ಕಾರ್ಡ್​ ನೀಡಿದರೆ ನಿಮ್ಮಿಂದ ದೊಡ್ಡ ತಪ್ಪು ಆಗಿದೆ ಎಂದರ್ಥ. ಹೋಟೆಲ್, ಕ್ಲಬ್, ಫ್ಲೈಟ್, ಟ್ರೈನ್ ಸೇರಿದಂತೆ ವಿವಿಧ ಕಡೆ ಒರಿಜಿನಲ್ ಆಧಾರ್ ನೀಡೋದನ್ನು ತಪ್ಪಿಸಿಕೊಳ್ಳಿ. ಒಂದು ವೇಳೆ ಒರಿಜಿನಲ್ ಕಾರ್ಡ್​ ನೀಡುವ ಪ್ರಮಯ ಬಂದರೆ ಮಾಸ್ಕ್ಡ್ ಆಧಾರ್​ ನೀಡಿ..

Masked Aadhar Card ಕಾನ್ಸೆಪ್ಟ್​ ಬಹುತೇಕರಿಗೆ ಗೊತ್ತಿಲ್ಲ. ಇದು ಕೂಡ ನಿಮ್ಮ ಒರಿಜಿನಲ್ ಆಧಾರ್​​ ಕಾಪಿಯಾಗಿದ್ದು, UIDAIನಿಂದ ಗುರುತಿಸಲ್ಪಟ್ಟಿರುತ್ತದೆ. ಅದನ್ನು ನೀವು ಸುಲಭವಾಗಿ ಐಡಿ ಪ್ರೂಫ್ ಆಗಿ ಬಳಸಬಹುದು. ಈ ಕಾರ್ಡ್​​ನಲ್ಲಿ ಆಧಾರ್​​ನ ಮೊದಲ 8 ನಂಬರ್ಸ್ ಬ್ಲರ್ ಆಗಿರುತ್ತವೆ. ಇದರಿಂದ ಯಾರೂ ಮಿಸ್ ಯ್ಯೂಸ್ ಮಾಡಲು ಸಾಧ್ಯವಿಲ್ಲ.ಹೀಗಾಗಿ ಗುರುತು ಪರಿಚಯ ಇಲ್ಲದವರಿಗೆ ಆಧಾರ್ ಕೊಡೋ ಮುನ್ನ ಸ್ವಲ್ಪ ಹುಷಾರಾಗಿರಿ