ಬೇಕಿಂಗ್ ಪೌಡರ್ & ಅಡುಗೆ ಸೋಡಾ ಇದರ ವ್ಯತ್ಯಾಸ ತಿಳಿದಿದ್ದೀರಾ!?

ಬೇಕಿಂಗ್ ಸೋಡಾ ಅಥವಾ ಬೇಕಿಂಗ್ ಪೌಡರ್ ಆಗಿರಲಿ, ಎರಡನ್ನೂ ಆಹಾರದಲ್ಲಿ ಸಾಕಷ್ಟು ಬಳಸಲಾಗುತ್ತದೆ. ನೀವು ಅಡುಗೆ ಮಾಡಲು ಈಗಷ್ಟೇ ಕಲಿತಿದ್ದರೆ, ಈ ಎರಡು ವಿಭಿನ್ನ ಆಹಾರ ಪದಾರ್ಥಗಳನ್ನು ಒಂದೇ ಎಂದು ನೀವು ಭಾವಿಸಬಹುದು, ಆದರೆ ಇದು ನಿಜವಲ್ಲ.  ಈ ಎರಡೂ ರಾಸಾಯನಿಕಗಳು ಬಿಳಿ ಬಣ್ಣದಲ್ಲಿರುತ್ತವೆ ಮತ್ತು ಇತರ ಪದಾರ್ಥಗಳೊಂದಿಗೆ ಅವುಗಳನ್ನು ಮಿಕ್ಸ್ ಮಾಡಲಾಗುತ್ತೆ. ಬೇಕಿಂಗ್ ಸಮಯದಲ್ಲಿ ಇಂಗಾಲದ ಡೈಆಕ್ಸೈಡ್ ಅನ್ನು ಉತ್ಪಾದಿಸುತ್ತವೆ. ಈ ಕಾರಣಕ್ಕಾಗಿ, ಕೇಕ್ ಗಳು, ಕುಕೀಗಳು ಹೆಚ್ಚು ಉಬ್ಬುತ್ತವೆ. 

ಬೇಕಿಂಗ್ ಪೌಡರ್ ಮತ್ತು ಅಡಿಗೆ ಸೋಡಾ  ನೋಡಿದರೆ ಬಹಳ ವ್ಯತ್ಯಾಸಗಳಿವೆ. ಈ ಎರಡು ಸಾಮಗ್ರಿಗಳ ಸರಿಯಾದ ಬಳಕೆ ನಿಮ್ಮ ಕೇಕ್ ಅಥವಾ ಕುಕೀಜ್ ಅನ್ನು ಅತ್ಯುತ್ತಮವಾಗಿ ಹಿಗ್ಗಿಸುವಂತಾಗಿಸಬಹುದು ಅಥವಾ ಕುಗ್ಗಿದ ಕೇಕ್ ಆಗಬಹುದು .ನಾವು ಎರಡೂ ಪದಾರ್ಥಗಳ ನಡುವೆ ಇರುವ ತಂತ್ರಜ್ಞಾನದ, ರಸಾಯನಿಕ ಹಾಗೂ ಬಳಕೆಯ ವ್ಯತ್ಯಾಸದ ತಿಳುವಳಿಕೆ ಅವಶ್ಯಕ.

ಬೇಕರಿಯಲ್ಲಿ ಬೇಕಿಂಗ್ ಪೌಡರ್ ಮತ್ತು ಬೇಕಿಂಗ್ ಸೋಡಾಗಳು – ಅಂದರೆ ‘ಫುಗ್ಗಿಸುವ’ ಅಥವಾ ಹಿಗ್ಗಿಸುವ ,ಹುದುಗಿಸುವ  ಸಹಾಯಕಗಳು. ಇಂಗಾಲದ ಡೈಆಕ್ಸೈಡ್ (CO₂) ಅನಿಲವನ್ನು ಉತ್ಪಾದಿಸಿ, ಕೇಕ್ ಅಥವಾ ಬ್ರೆಡ್ ಹಗುರವಾಗಲು ಕಾರಣವಾಗುತ್ತವೆ. 

ಅಡಿಗೆ ಸೋಡಾ:

ರಾಸಾಯನಿಕ ಹೆಸರು: ಸೋಡಿಯಂ ಬೈಕಾರ್ಬನೇಟ್ (NaHCO₃)

ಸ್ವರೂಪ: ಬಿಳಿ, ಸೂಕ್ಷ್ಮ ಪುಡಿ; ಸ್ವಲ್ಪ ಕ್ಷಾರೀಯ. 

ಕಾರ್ಯ ಶೈಲಿ : ಯಾವುದೇ ಆಮ್ಲೀಯ ಪದಾರ್ಥ (ಮಜ್ಜಿಗೆ, ಮೊಸರು, ನಿಂಬೆ ರಸ, ವಿನೆಗರ್) ಮುಂತಾದವುಗಳೊಂದಿಗೆ ಸಂಯೋಜಿಸಿದಾಗ ತಕ್ಷಣವೇ ಪ್ರತಿಕ್ರಿಯೆ ಮಾಡುತ್ತದೆ. ಈ ಕ್ರಿಯೆಯಿಂದ ಇಂಗಾಲದ ಡೈಆಕ್ಸೈಡ್ ರಚನೆಯಾಗಿ ಬೇಯುವ ಆಹಾರ ಹಗುರವಾಗುತ್ತದೆ.

ಸಾಧಕಗಳು:
ತ್ವರಿತ ಪ್ರತಿಕ್ರಿಯೆ
ಕಂದು ಬಣ್ಣ ಹೆಚ್ಚಿಸುತ್ತದೆ
ಆಮ್ಲೀಯ ಸುವಾಸನೆಯನ್ನು ಸಮತೋಲನಗೊಳಿಸುತ್ತದೆ.
ಅಗ್ಗ, ಎಲ್ಲೆಡೆ ಲಭ್ಯವಿದೆ. 

ಬಾಧಕಗಳು:
ಆಮ್ಲೀಯ ಪದಾರ್ಥ ಅಗತ್ಯ
ಪ್ರಮಾಣ ತಪ್ಪಾದರೆ ಲೋಹೀಯ ಅಥವಾ ಸಾಬೂನು ರುಚಿ
ಶಾಖ/ತೇವಾಂಶಕ್ಕೆ ಸಂವೇದನಶೀಲ

ಬೇಕಿಂಗ್ ಪೌಡರ್ : 

ಘಟಕಗಳು: ಸೋಡಿಯಂ ಬೈಕಾರ್ಬನೇಟ್ + ಆಮ್ಲೀಯ ಪುಡಿ + ಕಾರ್ನ್‌ಸ್ಟಾರ್ಚ್
ವಿಧಾನ: ಇದು ಎರಡು ಹಂತದಲ್ಲಿ ಕೆಲಸ ಮಾಡುತ್ತದೆ – ಮೊದಲು ದ್ರವ ಸೇರಿದಾಗ ಮತ್ತು ನಂತರ ತಾಪಮಾನ ಏರಿದಾಗ. ಎರಡೂ ಹಂತದಲ್ಲಿಯೂ ಇಂಗಾಲದ ಡೈಆಕ್ಸೈಡ್ ತಯಾರಾಗುತ್ತದೆ.

ಸಾಧಕಗಳು:
ಸ್ವತಃ ಆಮ್ಲ+ಕ್ಷಾರ ಹೊಂದಿರುವುದು
ಯಾವುದೇ ಪಾಕವಿಧಾನದಲ್ಲಿ ಬಳಸಬಹುದಾದದು
ಸ್ಥಿರ ಪರಿಣಾಮ

ಬಾಧಕಗಳು:

ಹೆಚ್ಚು ದುಬಾರಿ
ಹೆಚ್ಚು ಬಳಸಿದರೆ ರುಚಿ ಬದಲಾವಣೆ
ಶೇಖರಣೆಯಲ್ಲಿ ಗಮನವಿರಬೇಕಾದದು

ತಾಜಾತನ ಪರೀಕ್ಷೆ:
ಅಡಿಗೆ ಸೋಡಾ – ವಿನೆಗರ್‌ನಲ್ಲಿ ಬೆರೆಸಿದಾಗ ಗುಳ್ಳೆಗಳು (ಬಬ್ಲಿಂಗ್) ಬಂದರೆ ಸರಿ.
ಬೇಕಿಂಗ್ ಪೌಡರ್ – ಬಿಸಿ ನೀರಿನಲ್ಲಿ ಬೆರೆಸಿ; ಗುಳ್ಳೆ ಬಂದರೆ ಸರಿ.

ರಸಾಯನದಿಂದ ರುಚಿ
ಅಡಿಗೆ ಸೋಡಾ ಮತ್ತು ಬೇಕಿಂಗ್ ಪೌಡರ್ – ಇವು ಬಿಳಿ ಪುಡಿಗಳಾಗಿದ್ದರೂ, ಬೇಕರಿಯ ಹಿಂದಿನ ವಿಜ್ಞಾನವನ್ನು ನಿಭಾಯಿಸುವ ಕೀಲಿಕೈಗಳೆಂದು ಹೇಳಬಹುದು. ವಿಜ್ಞಾನ ಗೊತ್ತಿದ್ದರೆ ಬೇಕಿಂಗ್ ಕಲೆಯೂ ನಿಮ್ಮದಾಗುತ್ತದೆ. ಪ್ರತಿ ಕೇಕ್ ಅಥವಾ ಕುಕೀ ರುಚಿಯಾದ ವಿಜ್ಞಾನ ಪ್ರಯೋಗ!