ಮುಂಬೈ ಕಮಲ ಮಿಲ್ಸ್‌ನ ಟೈಮ್ಸ್ ಟವರಲ್ಲಿ ಅಗ್ನಿ ಅವಘಡ: 9 ಅಗ್ನಿಶಾಮಕದಳ ದೌಡು
ಮುಂಬೈ ಕಮಲ ಮಿಲ್ಸ್‌ನ ಟೈಮ್ಸ್ ಟವರಲ್ಲಿ ಅಗ್ನಿ ಅವಘಡ: 9 ಅಗ್ನಿಶಾಮಕದಳ ದೌಡು
ಮುಂಬೈನ 15 ಅಂತಸ್ತಿನ ಬಹುಮಹಡಿ ಕಟ್ಟಡದಲ್ಲಿ ಶುಕ್ರವಾರ ಬೆಳ್ಳಂಬೆಳಗ್ಗೆ ಬೃಹತ್ ಅಗ್ನಿ ಅವಘಡ ಸಂಭವಿಸಿದೆ.
ಮುಂಬೈ ಕಮಲ ಮಿಲ್ಸ್ ಪ್ರದೇಶದಲ್ಲಿ ಇರುವ 15 ಅಂತಸ್ತಿನ ಟೈಮ್ಸ್ ಟವರ್ ನಲ್ಲಿ ಈ ಅಗ್ನಿ ಅವಘಡ ಸಂಭವಿಸಿದೆ. 9 ಅಗ್ನಿಶಾಮಕಗಳು ಸ್ಥಳಕ್ಕೆ ಧಾವಿಸಿದ್ದು, ಅಗ್ನಿ ನಂದಿಸುವ ಕೆಲಸದಲ್ಲಿ ನಿರತವಾಗಿವೆ. ಘಟನೆಯಲ್ಲಿ ಅದೃಷ್ಟವಶಾತ್ ಯಾರಿಗೂ ಗಾಯಗಳಾಗಿಲ್ಲ ಎಂದು ತಿಳಿದುಬಂದಿದೆ.
ಮುಂಜಾನೆ 6.30 ರವೇಳೆಗೆ ಬಹುಮಹಡಿ ಕಟ್ಟಡದ 5, 6 ಹಾಗೂ 7 ನೇ ಅಂತಸ್ತಿಗೆ ಬೆಂಕಿ ಆವರಿಸಿದೆ. ಕಮಲ ಮಿಲ್ಸ್ ನ ಲೋವರ್ ಪ್ಯಾರೆಲ್ ಏರಿಯಾದಲ್ಲಿ ಅಗ್ನಿಶಾಮಕಗಳು ಬೆಂಕಿ ನಂದಿಸುತ್ತಿವೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಎಂಟು ಫೈಯರ್ ಇಂಜಿನ್ ಹಾಗೂ ಏಣಿ ಬಳಸಿ ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿದ್ದಾರೆ.
ಮುಂಜಾನೆ ಆಗಿರುವುದರಿಂದ ಇನ್ನು ಯಾವುದೇ ಕಚೇರಿಗಳು ತೆಗೆದಿಲ್ಲ. ಬೀಗ ಹಾಕಿರುವುದರಿಂದ ಮೇಲಿನ ಅಂತಸ್ತುಗಳಿಗೆ ಹೋಗುವುದೂ ಸವಾಲಾಗಿದೆ. ಹೀಗಾಗಿ ಕಚೇರಿಗಳ ಬೀಗ ಒಡೆದು ಎರಡನೇ ಮಹಡಿಯಿಂದ 14 ನೇ ಮಹಡಿಗೆ ಹತ್ತಲು ಸಿಬ್ಬಂದಿ ಯತ್ನಿಸುತ್ತಿದ್ದಾರೆ.
ಕಮಲ ಮಿಲ್ಸ್ ಕಂಪೌಂಡ್ ನಲ್ಲಿಅ ಗ್ನಿ ಅವಘಡ ಸಂಭವಿಸುತ್ತಿರುವುದು ಇದೇ ಮೊದಲಲ್ಲ. ಭಾರೀ ಅಗ್ನಿ ಅನಾಹುತವೊಂದರಲ್ಲಿ ಇಲ್ಲಿನ 14 ಮಂದಿ ಸಾಔನ್ನಪ್ಪಿದ್ದ ಘಟನೆ 7 ವರ್ಷದ ಹಿಂದೆ ನಡೆದಿತ್ತು.
ಈ ಮೊದಲು 2017 ಡಿಸೆಂಬರ್ 29 ರಂದು ಕಮಲ ಮಿಲ್ಸ್ ಕಂಪೌಂಡ್ ಒಳಗಿರುವ ರೆಸ್ಟೋರೆಂಟ್ ಒಂದರಲ್ಲಿ ಬೆಂಕಿ ಅವಘಡ ಸಂಭವಿಸಿತ್ತು. ಈ ದುರ್ಘಟನೆಯಲ್ಲಿ 14 ಜನ ಸಾವನ್ನಪ್ಪಿದ್ದರು. ಸಾಕಷ್ಟು ಮಂದಿ ಗಾಯಗೊಂಡಿದ್ದರು. ಅಲ್ಲದೆ ಇದರಿಂದಾಗಿ ಟೀಮ್ಸ್ ನೌ, ಇಟಿ ನೌ ಸೇರಿದಂತೆ 3 ರಾಷ್ಟ್ರೀಯ ನ್ಯೂಸ್ ಚಾನೆಲ್‌ಗಳಿಗೂ ತೊಂದರೆಯಾಗಿತ್ತು.
ವೆಬ್ ಡೆಸ್ಕ್
ಫೋಕಸ್ ಕರ್ನಾಟಕ
ನಿಮ್ಮ ಪ್ರತಿಕ್ರಿಯೆ ಏನು?
