ಅಘ್ಘಾನ್ ವಿರುದ್ಧ ತ್ರಿಕೋನ ಸರಣಿಗೆ ಸಜ್ಜಾದ ಭಾರತ ಅಂಡರ್-19 ತಂಡ! ವೇಳಾಪಟ್ಟಿ ಪ್ರಕಟ

ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಶ್ರೇಷ್ಠ ಪ್ರದರ್ಶನ ನೀಡಿದ ಭಾರತ ಅಂಡರ್-19 (India U19) ತಂಡ ಇದೀಗ ಅಫ್ಘಾನಿಸ್ತಾನ ಅಂಡರ್-19 (Afghanistan U19) ತಂಡದ ಸವಾಲು ಎದುರಿಸಲು ಸಜ್ಜಾಗಿದೆ. ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿ ಪ್ರಕಟಿಸಿರುವ ವೇಳಾಪಟ್ಟಿಯ ಪ್ರಕಾರ, ಭಾರತದಲ್ಲಿ ತ್ರಿಕೋನ ಯುವ ಏಕದಿನ ಸರಣಿ ನಡೆಯಲಿದೆ.

ಈ ಸರಣಿಯಲ್ಲಿ ಭಾರತ ಅಂಡರ್-19 ಎ, ಭಾರತ ಅಂಡರ್-19 ಬಿ, ಮತ್ತು ಅಫ್ಘಾನಿಸ್ತಾನ ಅಂಡರ್-19 ತಂಡಗಳು ಭಾಗವಹಿಸಲಿವೆ. ಅಂದರೆ, ಭಾರತದಿಂದ ಎರಡು ತಂಡಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿವೆ. ಯುವ ಪ್ರತಿಭಾವಂತ ಕ್ರಿಕೆಟಿಗ ವೈಭವ್ ಸೂರ್ಯವಂಶಿ ಈ ತಂಡಗಳಲ್ಲಿ ಒಂದರಲ್ಲಿ ಆಡಲಿದ್ದಾರೆ ಎನ್ನಲಾಗಿದೆ.

ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿಯ ಅಧಿಕೃತ ಪ್ರಕಟಣೆಯ ಪ್ರಕಾರ, ಈ ತ್ರಿಕೋನ ಸರಣಿಯು ಡಬಲ್ ರೌಂಡ್-ರಾಬಿನ್ ಸ್ವರೂಪದಲ್ಲಿ ನಡೆಯಲಿದೆ — ಅಂದರೆ, ಪ್ರತಿ ತಂಡವು ನಾಲ್ಕು ಪಂದ್ಯಗಳನ್ನು ಆಡುತ್ತದೆ. ನಂತರ ಅಗ್ರ ಎರಡು ತಂಡಗಳ ನಡುವೆ ಫೈನಲ್ ಪಂದ್ಯ ನಡೆಯಲಿದೆ. ಎಲ್ಲಾ ಪಂದ್ಯಗಳು ಏಕದಿನ ಮಾದರಿಯಲ್ಲಿ ನಡೆಯಲಿದ್ದು, ಬೆಂಗಳೂರು ಸೆಂಟರ್ ಆಫ್ ಎಕ್ಸಲೆನ್ಸ್ ಮೈದಾನದಲ್ಲಿ ನಡೆಯಲಿವೆ.

ಸರಣಿಯ ವೇಳಾಪಟ್ಟಿ:

 ನವೆಂಬರ್ 17: ಭಾರತ ಎ vs ಭಾರತ ಬಿ

 ನವೆಂಬರ್ 19: ಭಾರತ ಬಿ vs ಅಫ್ಘಾನಿಸ್ತಾನ

 ನವೆಂಬರ್ 21: ಭಾರತ ಎ vs ಅಫ್ಘಾನಿಸ್ತಾನ

 ನವೆಂಬರ್ 23: ಭಾರತ ಎ vs ಭಾರತ ಬಿ

 ನವೆಂಬರ್ 25: ಭಾರತ ಬಿ vs ಅಫ್ಘಾನಿಸ್ತಾನ

 ನವೆಂಬರ್ 27: ಭಾರತ ಎ vs ಅಫ್ಘಾನಿಸ್ತಾನ

 ನವೆಂಬರ್ 30: ಫೈನಲ್ ಪಂದ್ಯ

 ಸರಣಿ ಅಂಡರ್-19 ವಿಶ್ವಕಪ್‌ಗೆ ತಯಾರಿಯ ಭಾಗವಾಗಿದ್ದು, ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿಯ ಸಿಇಒ ನಸೀಬ್ ಖಾನ್ ಅವರು ಹೇಳಿದರು̤. ಸಿಸಿ ಪುರುಷರ ಅಂಡರ್-19 ಕ್ರಿಕೆಟ್ ವಿಶ್ವಕಪ್ ಸಮೀಪಿಸುತ್ತಿದೆ. ಕಳೆದ ಕೆಲವು ತಿಂಗಳುಗಳಿಂದ ನಮ್ಮ ತಂಡದ ಸಿದ್ಧತೆ ನಿರಂತರವಾಗಿ ನಡೆಯುತ್ತಿದೆ. ಬಾಂಗ್ಲಾದೇಶದಲ್ಲಿ ಐದು ಪಂದ್ಯಗಳ ಸರಣಿ ಹಾಗೂ ಈಗ ಭಾರತದಲ್ಲಿನ ಈ ತ್ರಿಕೋನ ಸರಣಿ ನಮ್ಮ ಆಟಗಾರರಿಗೆ ಅಮೂಲ್ಯ ಅನುಭವ ನೀಡಲಿದೆ.